الهروب من الواقع

Cookies_59095 🇪🇬

منذ شهرين

شعور مستنزف

ال فهمتو من الدنيا ان واحد لزم يضحي عشان يوصل حاجه عوزه يعني عوز تبقا دكتور اقفل علي نفسك باب زاكر هنا بيضحي عن خرجات ال يسافر بيضحي عن كل حاجه معاده فلوس عشان عوز دا يتجوز يحرم نفسه من حجات طب ليه المشكله يقولو جيل فاشل بتاع تلفون انا عوز اقولك احنا بنهرب من دنيا نخش في عالم التلفون نصيبه محدش يساع

Lemon_52016 🇦🇪

منذ 5 أشهر

شعور لا مبالٍ

عبّر عن شعورك بشكل مجهول

كل موضوع بيبدأ بفكرة صغيرة لكن ممكن تكبر وتكبر لحد ما تصبح فكرة تغير طريقة تفكيرنا وتفتح لينا أبواب جديدة من الفهم وفي اللحظة دي بيبدأ الجدل بيبدأ التفاعل وبيبدأ التساؤل هل إحنا شايفين الأمور صح ولا في حاجات محتاجين نعيد النظر فيها؛ 
فيه ناس بنشوفهم مجانين ونعاملهم على إنهم خرجوا عن المألوف وعقولهم مش زي باقي الناس بس لو فكرنا شوية هنتفاجأ إنهم مش مجانين زي ما بنشوفهم ممكن يكونوا فاهمين الحياة بشكل صح أو بمعنى أصح هم شافوا الحقيقة زي ما هي مع كل قسوتها ومرها مش زي باقي الناس اللي دايمًا بتهرب من الحقيقة وتحاول تتخيل حاجات أحسن من الواقع عشان تقدر تكمل في الحياة وفي رأيي إنهم لما شافوا الحقيقة القاسية دي دماغهم ما تحملتش اللى شافوه فدماغهم اختارت تعيش في عالم تاني عشان تتحمل الصدمة يمكن يكون ده بالنسبة لينا جنون بس في الحقيقة ده نوع من الهروب من أشياء مستحيلة إن العقل البشري يتحملها دايمًا عايزين نعيش في عالم مليان أمل لكن لما نشوف الحياة من غير فلتر بنلاقي إن معظمها صراع وألم والناس اللى بتفهم الحياة زي ما هي مش زي ما احنا عايزين نعيشها بتوصل لمرحلة مش قادرة تتأقلم مع كل اللى حواليها فبتفقد توازنها وتدفع تمن الوعي الكبير ده اللى عايشين فيه مع ناس مش قادرين يشوفوا الحقيقة زيهم فبيبقوا في حالة من الانعزال أو التمرد وده بيخليهم يظهروا زي المجانين اللى مش قادرين ينسجموا مع الناس اللى عايشين في أكاذيب متعودين عليها
ورغم كل ده مش لازم يكون رأيي هو الصح ده مجرد تأمل شخصي يمكن أكون غلط ويمكن مش فاهم الموضوع كويس بس ده اللى شفته لحد دلوقتي في الحياة في النهاية اللي فاهم الحياة صح مش لازم يندمج مع المجتمع في الآخر ممكن يكون اللى وصلوا ليه بره عن المألوف بس يمكن ده صح أكثر من اللى بنعيش فيه يوميًا؛ وفي النهاية كلنا عندنا وجهات نظر مختلفة لكن ده مش بيخلي حد صح أو غلط المهم إننا نفكر ونراجع أفكارنا ونفضل دايمًا في رحلة من البحث عن الحقيقة الدنيا مش ثابتة وكل يوم بيعلّمنا حاجة جديدة فخليكم دايمًا مفتحين لفرص التغيير
#The Deep Thinker(الي هي انا يعنى)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_28063 🇪🇬

منذ 9 أشهر

شعور ضائع

لو حد ابوه متوفي ممكن هيفهمني، انا بابا مات و انا عندي ٦ سنين تقريبا فانا حرفيا مش حاسه ب اي شعور و لا وحش و لا حلو و يمكن ماما فعلا عوضتنا عن غيابه او يمكن برضو الواحد عشان عاش من غير اب فمتخيل ان دا العادي ان ميبقاش فيه اب ، مش عارفه ليه بحس اني مش عايزه حد يعرف ان بابا متوفي و بتحرج جدااا اما حد

Orange_28087 🇪🇬 عندك حق في نقطه ان الواحد مش عايز يحس أنه بيصعب ع حد انا زيك بالظبط بس عادي لو حد سألك وقولتي والدي متوفي وساعتها تغيري الموضوع بقا

عرض الكل 7 نصيحة

Strawberry_15818 🇾🇪

منذ سنة واحدة

شعور Okay 😐

من زمان كنت احب اتخيل والعب اخذ الالعاب واجلس اتخيل اشخاص موجودين على ارض الواقع واهلي كانوا يعرفوا اني العب واتخيل بس ما منعوني ما حاولوا يخففوا من ذا الشي اللي فيبي كبرت وصرت اهرب من الواقع بالخيال وذا شي يتعبني ويتعب نفسيتي حرفيا يعني لو انهم خلوني ابطل ما كنتش اتعب بالشكل ذا، كيف اتخلص من الخيال

Biscuit_71393 🇪🇬

بخاف من كل بداية وده بيضيع مني حاجات كتير

عندي مشكله اني بخاف جدا و بتردد دايما وده بيخليني اضيع حاجات كتير اوي بخاف من كل بدايه في أي حاجه فاكره اول يوم في الكليه حضرته خوفت حسيت اني لازم احول من الكليه وفاكرة لما حاولت اشتغل برضه من اول يوم اتقفلت جدا وحسيت أن لا مش مكاني نفسي اعرف شعوري ده اسمه ايه و اغير ده في نفسي ازاي انا معنديش تورما من اي حاجه حصلت علشان احس المشاعر ديه حاجه نابعه من جوايا ...عرض المزيد

0 الدعم

9 نصيحة

Strawberry_69310 🇪🇬

مش عارفة اكلمه ولا لا بعد كل اللي حصل بينا

عاوزة راى بجد فى الموضوع دا انا كنت بحب حد من 2015 وكانت الدنيا كويسه واهلنا عرفوا وخلاص كان فاضل بس بابا اللى يعرف لما يتقدم وحصل ظرف ما والموضوع اتأجل وبدات الدنيا تبوظ بمشاكل مش مفهومه اللى هو خناقه انى اتاخرت فى الرد مثلا ووقتها كنت لسه فى ثانوى بعد سنتين تلاته بعدنا بمشكلة كبيرة وهو صعد المواضيع وحاول يلوى دراعى بانه هيكلم بابا يقوله وفى لحظتها مجرد ماقفل اتصلت باخويا وعرفته وهو اتعامل معاه ورجع اتاسف وقال انه كان بيعمل كدا علشان يخلينى افضل موجوده بعدنا سنيين كتيره وكان كل فترة يظهر الدنيا تبوظ ويختفى تانى لحد ما رجع من فترة يقولى انه متابعنى من زمان وانه كان مستنى يشتغل شغل ثابت علشان يقدر يتقدم بقلب وان مايكونش فى سبب لرفضه بس هو كان راجع على اللى فاكره منى زمان وانا صغيره اللى هو اى حاجه هقوله امين من غير تفكير بس الكلام دا عدى عليه 10 سنين كبرنا وافكارنا اتغيرت خلاص قرر يبعد لانه احنا مش هننفع نكون مع بعض وبعدها بفترة اتخطبت لحد تانى كام شهر واتفشكلت بعدها لقيته ظهر وبيسال عنى بس انا اتعاملت الاول بغتاته وصديته بعدها رجعت بغبائى واتكلمت وهو قالى طيب نكون صحاب بس انا ماعرفتش وقررت اوقف كل حاجه دلوقتى انا دماغى مش بتفصل وهو وبس اللى بفكر طيب اكلمه ولا لا وكرامتى اللى انا مسحت بيها الشارع دى بس فى نفس الوقت ماحدش فى الدنيا بتاثر بوجوده او غيابه زى الشخص دا وانا لحد دلوقتي مش عارفه هل اروح اكلمه تانى ولا لا واتصرف ازاى فى اللغبطه دى ...عرض المزيد

0 الدعم

6 نصيحة

Cookies_68867 🇪🇬

اتمنى حضن من بابا وهو عايش ومش عارفة إحساسه

سلام عليكم ..... انا بتمنى حضن ... عارفة انها امنية غريبة بس انا عيشت سنين ف طفولتي بنام و انا بتخيل حد بيحضني عشان احس بالدفا و اعرف انام ... طفله عندها سبع سنين كل طموحها في الحياه انها تتحضن اه والله ... ولحد دلوقتي نفسي في فعل واحد يحسسني باي حنان و تحديدا من بابا ... تعرفوا بابا لو مات بكره مش هفتكر معاه اي ذكرى او اي صورة اشوفها و اترحم عليه .. مليش معاه اي ذكرى حلوة كلها ذكريات وحشة ... يوم نتيجه ثانويه عامه كنت جايبه مجموع كبير كنت مستنيه انه يبادر مره واحده بس لكن معملهاش ... وحتى انا مبقتش قادره ابادر بحس ان انا متخشبة و مش عايزة اقرب خالص ... الموضوع واجع قلبي ان فيه ناس بتتمنى حضن من ابوها بعد ما مات لكن انا ابويا عايش وما زلت بتمنى بردو الحضن دا .. مع اني معرفش احساسه ايه لاني عمري ما جربته ... خايفه اوي يموت واندم ان مليش اي ذكرى معاه بس ارجوكم محدش يقولي بادري انتي عشان بجد مش قادره لما بقف عنده بحس ان انا لوح تلج مش عايزه اقرب بس الموضوع ده عاملي حرقه في قلبي ... هو ليه كده بجد ؟؟ ليه مش حنين ؟؟ هو انا مش بنته ؟؟ محسش في مره انه عايز يحضني خالص ؟؟ معقوله مش بيحبني ؟؟ ...عرض المزيد

1 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع