Tofu_73720 🇪🇬
منذ يومين
.
شعور متعب
عندى مشكله أنا بشتغل أسيست عند دكتور اديلى ما يقارب سنتين و نص أنا حاسه انى اتعلقت بيه جامد مش عارفه هل دا تعلق بس عشان أنا مشفتش بابيا من و أنا صغيره و مش بنتكلم و عندى نقص و انى طول عمرى بتعامل على اساس بنت و ولد ف نفس الوقت كمان الدكتور متجوز اصلا و أنا فعليا اتعلقت حبيتو لدرجه انى مش عارفه اسيب الشغل و عارفه أنه دا غلط و لما فتح عياده تانيه و سبتو يوم حرفيا قعدت اعيط كتير و منمتش و مكنتش مرتاحه و جيت على نفسي و قولت لازم ابعد مش مستفاده غير انى تعبانه ف تفكيرى و حياتى أنا فعليا الموضوع طلع صعب مجرد افكر امشي عشان اكمل حياتى صح بعيد عنو كفكره بس بنهار معرفش الواقع اى اللى ممكن يحصل بهتم بكل حاجه تخصه ف عيادته حرفيا لدرجه انه فعلا بيقولى مقدرش استغنى عنك بس استغنى عنى يوم تعبت من كتر اهتمامى واضح جدا عليا . لما بكون معاه برتاح و يبقا مبسوطه ف الشغل لما بيسافر بشغل نفسي و تفكيرى عشان بتعب فعلا حاولت كتير مهتمش اكبر دماغى بس جوايا لا من برا بتعامل ببرود جوايا فعلا بموت فكرت اروح عند دكتور يساعدني لو حد عنده حل ياريت يفيدنى لانى بالله تعبت
3
18
