انا دلوقتي فى مشكلة إن انا واختر لبسنا مش بيعجب امى و اخويا احنا بتلبس شيميزات و بناطيل طبعا واسعين و انا عارفة أن هو غلط و بجد و الله بحاول فعلا اخد خطوة من غير ما حد يقولى اى حاجة بس انا كل اما حد يجى يتكلم بحس أن انا برجع خطوة بس بردو دى مش مشكلتى انا برجع تانى و افكر ازاى البس لبس بجد حلو و ازاى اتخلص من البناطيل بس اختى و امى فى خناق طول الوقت بسبب الموضوع دا اختى و بابا علاقتهم مش كويسة اوى بس مش بسبب كدا و اختى و اخويا بردو علاقتهم مش كويسة دا سبب من الأسباب بس بردو مش كل حاجة هى بجد إنسانة حلوة جدا شكلا و روحا و انا معرفش هى امتى مبقاش عندها ثقة فى نفسها كدا من كتر صحباتها اللى كانو بيتنمرو عليها عشان هى بشرتها غامقة هى بردو قصيرة بس هى عمرها مكان بيفرق معاها كدا بس جت فى وقت و مبقاش عنها ثقة فى نفسها خالص فا هى بتحب تلبس و تحط ميكب عشان تبان قدام نفسها حلوة و فى نفس الوقت بردو اللى حوالينا كلهم كدا و بيعمل اكتر من كدا كمان هى مش بتحط ميكب بكمية كبيرة ولا حاجة بس امى دايما بتشوف كل حاجة عليها باينة اوى و هى بردو بتحب تلبس قصير عشان شايفة أن جسمها مش بيشيل خالص و بقى كل شوية خناقات مع ماما على نفس الحاجة بس بردو احنا من زمان بنلبس كدا و مكانش عندها مشكلة بس اخر سنة دى بقت كل شوية بتتكلم فى الموضوع عشان اخويا بيكلمها كل شوية انا الصراحة مش قادرة اشوف أن هو خايف عليا أو على اختى عمره ما كلمنا على اى حاجة غير اللبس حتى من زمان يعنى من و انا صغيرة مثلا مكلمناش عن الصلاة أو اى حاجة تانية هو بيتكلم فى اللبس بس اللى هو مش عجبه و بس و ماما كل شوية بتقعد تقولها كلام زى انتى بجد مش هتنولى. التوبة دى و انتى اى الشيطان اللى بقيتى فى دا و حاجات تانية زى كدا و انا مش عارفة اقولها ازاى أن هى كدا اكيد بتأثر على نفسيتها اكتر و يتخلى الشيطان و نفسها تغلبها اكتر و مش عارفة اعمل اية هى كانت اكتر واحدة ملتزمة فينا من صغرنا و انا بجد بحب اختى اوى و شايفة أن هما مش عارفين يتعاملون معاها و حاسة أن هى حاسة بالوحدة شايفة أن ناس كتير بيعملوا حاجات الوحش من كدا بكتير و اللى حواليك بيحازلز ياخدوا بأيديهم بالراحة من غير اى كلا وحش خالص و من غير اما يحسسوهم أن هما شياطين انا بجد مش عارفة اتصرف ازاى ولا اعمل ايه عشان احل الموضوع

3

1