ليه بقع فى مشاكل ومش عارف أطلع منها؟

Question

عارفين لما تبقى شخص من أكتر الأشخاص المريحة فى الكلام لدرجة ان اغلب الناس اللى تعرفهم بيحبوا يقعدوا يتكلموا معاك ويفضفضوا وممكن كمان يقعدوا يحكوا اسرارهم وانت مبتملش من ده وبتساعد الناس بكل جوارحك وتلاقى نفسك بتقع فى بير عميييييييق من المشاكل ومش عارف تطلع منه ومش لاقى حد تتكلم معاه ده تفسيره ايه

Marshmallow_67885 🇪🇬 · Accepted Answer

انت بتدي بس للناس و مبتاخدش وده غلط كبير جدا من ناحيتين إن إنت هتبقى بدل مشاكلك بس هتبقى مشاكلك و مشاكل غيرك وده غلط جدا و وزي ما قولت هما بيجولك و بيحكوا اسرارهم وانت مبتتكلمش عن الي جواك غلط جدا لازم تتكلم عن الي جواك و تطلعه بأي شكل للشخص الي تحسه هيفهمك فعلا مش مجرد إنه هيسمع وخلاص و متشيليش نفسك هم غيرك زياده عن اللزوم

Coffee_67272 🇪🇬 · Answer

عارفه دا انا حافظاه صم .. مش لاقية تفسير غير ان احنا من جوانا عارفين أن الناس مش هتقدملك زي ما انت بتقدملهم وعارفين الشخص دا لو حكتله مش هيسمعني و هيمل ولا هيفهمني ف بنختصر الطريق ع نفسنا ونقول  ""مش لاقي حد اتكلم معاه" مع انها بتبقى "مش لاقي حد (مناسب) اتكلم معاه"

Strawberry_65855 🇪🇬 · Answer

انا كنت كده و دي حاجه صعبه اوي لاني كنت بشغل نفسي ب مشاكل الناس و انسى مشاكلي و كنت بتعبت اوي لحد ما قررت انه يا اما اسمع و افرض ع اللي قدامي انه يسمعني يا اما مسمعش اصلا

Croissant_67969 🇪🇬 · Answer

محتاج تقف مع نفسك وتقول دي مش مشكلتي مش مأثره على حياتي اذن فعلا انا زعلان ع الشخص ده اذن ربنا معاه ويحلهاله ليه ع انت عندك الي مكفيك كفايه عليك مشاكل حياتك وأبدأ التفت ل مشاكل حياتك واعمل ignor لبقيت المشاكل الي في دماغك الي متخصكش وكفايه الي يخصك والموضوع محتاج جزء من البرود اتعلم اتبارد

Coffee_65980 🇪🇬 · Answer

ساعات بيبقى الكلام مينفعش يتقال لأى حد لأنه ممكن يكون فيه مشاكل شخصية خاصة جدااااا

Marshmallow_67885 🇪🇬 · Answer

بصراحه بيني و بينك الاحسن إنك متقولش السري زياده عن اللزوم لاي حد اختار حد انت فعلا فعلا واثق فيه و يستحسن يبقى من أهلك أو يعتبر فعلا قريب جدا، لو مفيش خالص و الوضع صعب و مشعارف تحكي أحسن حاجه إنك تحكي لحد ولا يعرفك ولا انت تعرفه بس علي الاقل تطلع الي جواك بس بجد اسمع نصيحيت و حاول تقلل انك تسمع اوي من الناس و الناس متسمعكش

Biscuit_62612 🇪🇬 · Answer

انتي هتوصلي لمرحله التعب ومفيش حد هيقف جنبك هتفضلي تدي وتسمعي ويتخزن جواكي كل مشاعر المشاكل الي بتسمعيها وفي الاخر انتي الي هتستهلكي لازم تطلعي من الدور ده

Strawberry_67682 🇪🇬 · Answer

وقف تسمع لاي حد و ابعد تماماو اختصر ف الكلام انت بقيت شبه الكوبايه اللي اتملت ع الآخر لا عارف تحط تاني فيها و هي انك تسمع لحد تاني او انك تفضيها انك مش عارف تتكلم مع حد ف ادي نفسك وقت لنفسك ترتاح و تسمع نفسك حاول تكتب كل يوم ع الاقل صفحه اتعرف ع نفسك كأنك بتتعرف ع حد غريب عنك واحده واحده هتبدأ الكوبايه تتفضي و فاقت كدا و رجعت ع طبيعتها و حقيقي شكرا ليك انك كنت بتسمعهم كلهم من غير ما تمل ولا تزهق♥️♥️