عيد ميلادي منغير حد وحاسس بالوحدة والفشل

Question

عيد ميلادي كان النهارده مفيش حد خالص افتكره وده العادي بتاع كل سنة بس انا ماكنش بيفرق معايا حقيقي اول مرة احس ان انا لوحدي كده ومش عارفة اهون على نفسي ومش لاقية احد اقوله ده ماحدش هيهتم

غير اني تميت ٢٨ سنة ومفيش حد في حياتي كويسة شكلا ومقبولة ناححة في شغلي بس للاسف مفيش اي حاجة بتم دايما محسسني بالفشل بسبب اني اتأخرت في الجواز نجاحي في شغلب مش مهم عندهم حتى صحابي بعدوا كل واحدة نشغولة في بيتها وبيتعاملوا معايا على اني بايرة والمفروض اوافق بالاقل مني علشان اخد لقب المتجوزة زيهم

Carrot_64861 🇪🇬 · Accepted Answer

مش بايرة ولا حاجة انا راجل اهو و بقولك انتي لسه صغيرة عادي....هدي اعصابك بس و ادعي و ان شاء الله خير....أهم حاجة بس أهلك يبقوا واقعيين في طلبات الجواز مع اي عريس...مش عشان تسهيل بس... و لكن عشان بركة كمان. بالتوفيق ليكي يافندم😃

French Fries_32968 🇪🇬 · Answer

انتي مش بايره نصيبك متعانلك اولا ثانيا انتي مش ٥٠سنه عشان تقولي كده وغير كده الي يعاملك وحش ويقل منك ابعدي عنه وكل سنه وانتي احلي بنوته ♥️

Carrot_67729 🇸🇦 · Answer

كل سنه وانتي طيبه

Coffee_52706 🇪🇬 · Answer

أولاً كل سنه وانتي طيبة وعقبال سنين حلوه كتير 
ثانياً متسمعيش لحد ومتقبليش بحاجة اقل لانك تستاهلي الاحسن ومحدش عايش مكانك واللي ميسألش عليكي متسأليش عليه واعملي اصحاب وناس جديده وخاليكي ناجحة وشاطره زي ما انتي ومتستنيش حاجة من حد اعملي كل حاجة لنفسك وسمعي نفسك كلام حلو

Orange_61792 🇪🇬 · Answer

وافقي ع الشخص اللي تشوفيه مناسب عندك ٢٨ سنه عند ٤٨ سنه مش هتفرق ،اهم حاجه يكون شخص مناسب و في اطار رسمي ،و اخيرا 
H.B.D.

Apple_67725 🇪🇬 · Answer

كل سنه وانتي طيبه وعلي فكره كل شئ قسم
ه ونصيب

Strawberry_64990 🇪🇬 · Answer

كل سنة و انتى طيبة يا حبيبتى عقبال سنين كتير حلوين زيك يارب ♥️
انتى لا اتاخرتى ف الجواز ولا انتى بايرة انتى لسة صغيرة فيه بنات ف التلاتينات و لسة متجوزوش عادى الجواز ملوش سن مفيش deadline انتى تتجوزى لما تلاقى راجل بيحبك و شاريكى و انتى مبسوطة معاه لكن غير كدة عادى لسة مجالكيش اللى يستاهلك و فكك من اى حد و الحمدلله انك ناجحة ف شغلك اكبرى اكتر و عيشى حياتك و فرحى نفسك و اعرفى انك احسن من ناس كتير

Grape_67357 🇪🇬 · Answer

كل سنه وانتي طيبه يا س

Apple_66312 🇪🇬 · Answer

كل سنه وحضرتك طيبه ويارب دايما بخير وسعاده

Watermelon_57954 🇪🇬 · Answer

تفكير عقيم بجد من ال حواليا دا قدر ودا خير ليكي 
ثانيا يوم ميلادك حرام تحتفلي بيه ف احمدي ربنا إنو بيعدي بدون ذنب لكن اخرجي انبسطي اعملي حاجه بتحبيها احفظي قرآن جددي يعني وخليكي قريبه من ربنا

Banana_66684 🇪🇬 · Answer

كل سنه وانتي طيبه وسعيد في حياتك وتحققي اللي تتماني احنا كلنا  اخواتك ونحتفل بيكي كمان

Mango_64128 🇪🇬 · Answer

كل سنه وانتي طيبه وبخير  ويمكن نصيبك يبقي احسن من نصيب كل صحابك البنات انا كمان ولد واكبر منك بسنه بعاني من نفس المشكله امبارح كان عيد ميلادي ومفيش حد افتكر لنا الله يا جميل

Coffee_66843 🇪🇬 · Answer

كله هيبقى حلو ، خدى بالك ان الجواز سعى ، مش بس نصيب ، 
كل سنة و انتى طيبه

Coffee_67606 🇪🇬 · Answer

مبدأيا حوار ان محدش قالك كل سنه وانتي طيبه متاخديش في بالك اوي دلوقتي بقت الدنيا صعبه ورتم الحياه بقي سريع والضغوطات حوالينا مش رحمانا 
اسعدي نفسك بنفسك لنفسك ومتتوقعيش من حد حاجه لان محدش بيدوم لحد
وموضوع الجواز صدقيني ده رزق وخليكي فاكره أن رزقك مكتوبلك لكن وقته امتي دي في علم الغيب فمتحطيش في بالك ومتسمعيش من حد حاجه
وبعدين 28 صغيره العصر ده غير زمان انتي لسه قدامك العمر طويل 
كل سنه وانتي طيبه

Nutella_67402 🇪🇬 · Answer

كل سنه وانتى طيبه وبخير ي قمر وعقبال سنين كتير وانتى فرحانه وسعيده ربنا يفرح قلبك
بصى الحياه مشاغل عمتا وكل واحد ليه ال24قيراط بتوعه ربنا هيعوضك خير ع صبرك انا برضو صحابى بقوا مشغولين بالبيت وولادهم بس عادى ولا بشغل نفسى  ممكن تعملى صحاب جداد انزلى چيم هتلاقى مليون حد حتى لو مش صداقه بجد اهو حد تتكلمى معاه 
وانا ممكن اكون صحبتك 😊

Kiwi_67739 🇪🇬 · Answer

كل سنه وانتي طيبه يا قلبي وعقبال 100000000 سنه ❤️❤️
واوعي تقولي كده تاني ازعل منك 😉

Watermelon_63493 🇪🇬 · Answer

انتى لسة صغيرة
امال انا اقول ايه انا 38 سنة اهو
كل سنة وانتى طيبة

Avocado_63956 🇪🇬 · Answer

كل سنه وانتي طيبه يا ست البنات و ان شاء الله السنة الجاية تكوني في بيتك مع ابن الحلال انتي لسا صغنونة متوجعيش قبلك بالناس المريضة هوني على نفسك و كلي يوم اقرئي سورة الواقعة خمس مرات بعد كل صلاة وان شاء الله ربنا هيراضي قلبك الطيب ده باللي يقدرك و يستاهلك و خليكي مقتنعة ان ربنا اخرك عشان شايلك الحلو كله

Banana_66834 🇪🇬 · Answer

happy birthday 🎂

Orange_67708 🇪🇬 · Answer

مبدئياً ربنا يرزقك بالزوج الصالح الي بتتمنيه بس الزوج الي بتتمنيه لازم تحسني نفسك عشانه ومتفهميش غلط .. مش كل حاجه شكل الخلق اهم والحشمه اهم وثقافتك الي هيختارك عشانها عشان عايز يخلي اطفاله كويسين وعايز ام بتعرف تربي اكيد عايز ام هوا يكون حياتها مش هيا عندها حياه فشغلها وهوا عنده حياه والولاد يكبرو يدورو على حياه فا اشتغلي على نفسك دينياً ومتدافعيش عن نفسك والله انا مش بقلل منك لكن صدقيني بنختار كده

Avocado_67570 🇪🇬 · Answer

والله لو علي كنت جبت تورته وجيت بس اعتبريها وصلت وكل سنه وانتي جميله من بره وجوه

Orange_67708 🇪🇬 · Answer

وربنا يجعلك من اهل الجنه عشان مفيش حاجه اسمها كل سنه وانتي طيبه لأنه تقليد للغرب مش اكتر .. ربنا يسترها عليكي وعلينا جميعاً

Blueberry_61761 🇪🇬 · Answer

كل سنة وانت طيب وبخير

Blueberry_61761 🇪🇬 · Answer

وانت طيبة وبخير

Mango_67366 🇪🇬 · Answer

نصيبك لسه مجاش

Banana_67222 🇪🇬 · Answer

اولا كدا كل سنه وانتي طيبه و بخير و صحه و سلامه و السنه الجايه تحققي كل اللي نفسك في و من نجاح ل نجاح انشا الله 
ثانيا دا نصيب انتي مش عارفا مصلحتك فين ز عسي أن تكرهوا شيا و هو خيرا لكم و عسي أن تحبو شيا و هو شرا لكم سيبي ربنا اللي يخترك اتفالي خير فرحي نفسك ب نفسك حبي نفسك

Watermelon_67328 🇪🇬 · Answer

كل سنه وانتي طيبه و كمان الي صحابك بيعملو ده عشان هم بيحاولو عايزين يكونو احسن منك و خلاص مع أن ممكن يكونو عايزين يطلقو اصلا بسبب اجوازهم و في الاخر كل واحد له نصيب و كل ما تصبري هتاخدي الي يقدرك بجد  و حاولي تحبي نفسك و تتقبليها و متسمعيش لكلام اي حد و متسيبيش نفسك لدماغك تسوحك

Banana_67768 🇪🇬 · Answer

كل سنة ونتى طيبة

Banana_67845 🇪🇬 · Answer

احلي كل سنه و انتي طيبه 
اديكي قولتي اهو اتأأأخرتي
ودا من وجه نظرك انتي مع أن الرقم دا ع ناس معندهمش الوعي أن هما يشيلو مسؤليه اسره و بيت بس متجوزين فراغ 
و في ناس ف نفس السن مش عارفين يتجوزو بسبب ظروف ماديه .....
و بيكونو نفسهم يضيعو الفراغ دا ف شغل 
الي انتي طلعتي طاقتك فيه و ماشاء الله متفوقه فيه
ف الحل ؟؟
نفكنا خالص من الي مش مهتم و بيبعد و الي بيقنعك ب حاجه انتي مش حباها أو مش داخله دماغك اصل