مش عارف ومش مهتم ان حد يقرأ انا عاوز ارمي اللي في قلبي لاي حد عشان اهدى حصل حاجات كتير من غير دخول في تفاصيل بس من شهرين قررت انزل تدريب عشان يكون ليا خبرة والكلام الجميل ده حصل مشكلة ومعرفتش اروح والحمدلله وتمام بعدها بيومين قررت اروح كورس اطور لغتي حصل مشكلة في رجلي وقولت تمام الحمدلله لما رجلي تخف خفت رجلي وقولت بسم الله لقيت ضغطي علي وجاتلي دوخة اول مرة تجيلي رحت قست الضغط لقيته عالي وبتابع فيه الدنيا تهدى وخلاص كفاية كده لا النهاردة رحت لدكتور اسنان عشان سنتي اللي قدام مسوسة ومكسورة حتة قالي حشو عصب طبعا حشو عصب في سنة قدام المنظر والوجع و و و و طب ياجدعان كفاية بالله انا معدتش قادر لا برده رجعت البيت الكمبيوتر اللي اقسم بالله لسه بسدد في جمعيته واللي بدأت عليه شغل من اسبوع وقولت الحمدلله اخيرا اشتغلت رجعت لقيته اتحرق وشغلي ضاع ومعييش اي حاجة اقف قصاد كل ده اهلي كتر الف خيرهم شافوني زعلان حاولوا يطلعوني ويهزروا معايا بس والله انا ماقادر ف زعلوا على زعلي وبيتخانقوا بسببي وانا والله والله فاض بيا انا بقيت خايف من اللي جاي انا تعبان وخايف وقلقان دي مش كل حاجة انا قلت الحاجات اللي خلتني انفجر من العياط على نفسي هو انا ليه مش مكتوبلي اكون حاجة ليه لما عوزت اتدرب محصلش حبيت اطور لغتي محصلش بدأت شغل على الكومبيوتر مكملتش اسبوع اتحرق ليه بجد انا والله والله ماعارف اعمل ايه خلاص والله ماهسعى اني ابقى حاجة بس بالراحة مش كده مش كل الشواكيش دي على دماغي مرة واحدة اقسم بالله ماهحاول تاني بس خلاص بقى كفاية

2

5