ما فيش حاجه في الدنيا اصعب من اني يبقى في حد متربي معاه من الطفوله وتعملوا كل حاجه مع بعض كتف في كتف تسع سنين وتبقوا الاصدقاء الوحيدين لبعض وبعدها وبعدها يحصل موقف تافه نتخاصم عشانه سبع شهور من غير كلام مقابله، ولما تقابله بعد المده دي تحاول تصالحه تلاقيه مصاحب واحد ثاني وبيعامله معامله العبد للملك وقاعد يتجاهلك، تتصدم وتبقى مش عارف تعمل ايه، و تفضل على الحال ده سنه ونص وبعد كده تتصالحوا وما تصدق ان انتم رجعتوا لبعض بس هي كلها شهرين ويخاصمك ثاني من غير اي سبب واضح ،ويرجع صاحب الشخص اللي باعك معاه قبل كده وانت بتحاول تصالحه ،بس برده بيديك اعذار غير منطقيه هتحس حرفيا ان الدنيا مظلمه في وشك وان انت عاوز تنتحر ومش فاهم ده بيحصل ليه ،ويجي بعدها بخمس شهور يحاول يصالحك وانت تبقى جاي على نفسك عشان مش عايز تضيع طفولتك والتسع سنين اللي انت قضيتهم معاه وتسامحه وترجعوا اصحاب تاني، بس برده يكرر نفس العمله ويبيعك ويروح يصاحب واحد ثاني ،وفي الاخر من شهرين تقعدوا مع بعض ويقول لك اعذار غير منطقيه بس بعد القعده صاحبه دوت يفهمك كل حاجه وان هو كان مصاحبني في الطفوله بس عشان ما كانش لاقي غيري العيال اللي بنصاحبهم واحنا صغيرين يا اصغر مننا يا اكبر مننا واول ما لقى حد غيري من نفس سني سابني وكان بيرجع لي في المرتين دولت عشان مصالح عاوزها مني، بعدها روحت البيت مش عارف اعمل ايه طفولتي راحت على الفاضي تسع سنين من عمري اتبخروا والثلاث سنين اللي كنت بحاول نرجع اصحاب فيهم زي زمان ما كانش ليهم لازمه، اعمل ايه دلوقتي انا متعود ان يبقى عندي صديق زي السند والاخ لاني ما عنديش خوات، انا دلوقتي في تالته ثانوي داخل على الجامعه تقريبا هيبقى من الصعب ان انا اكون صداقه زي دي ثاني

5

5