بقيت حاسه انى بكره كل الناس ومش مرتاحه لحد بسبب كمية الخذلان والحوارات اللى اتعرضتلها رغم انى عمرى ماعملت كده ف حد .. بكره تحديدا الناس اللى بتتعامل معايا ع انى استبن وقت ما يبقاش حواليهم حد ووقت مايتعرضوا لمشاكل ووقت ماتبقى حياتهم مقرفه يظهروا ف حياتى ويدوروا ف دفاترهم القديمه ويرجعوا يكلمونى مين هبله وبتسمع وبتحل المشاكل ومش بتعرف تجرح حد انا .. بس الزمن مش بيسيب حد ف حاله اكيد بيرجعوا يلاقونى اتغيرت حتى لو رديت بتبقى ردودى جافه .. ودايما جوايا فكره عايزه اختفى من العالم عايزه اروح مكان محدش يعرفنى فيه تقريبا بقيت بتمنى الموت كل شويه وبقيت حاسه انى عايزه اصرخ طول الوقت .. حاسه انى مضغوطه من كل حاجه حواليا نفسيتى من سئ لاسوأ ثقتى ف كل اللى حواليا بقت صفر متوقعه الغدر ف اى لحظه بحاول اتعافى بس الجو المحيط مش مساعدني .. مش مهون عليا غير ثقتى ف ربنا ان كل ده بثوابه وانه مش هيضيعنى ولو ما ارتحتش ف الدنيا فهيحصل ف الاخره

4

2