ضيق نفس

Pineapple_30761 🇪🇬

منذ يومين

شعور لا مبالٍ

انا بقيت بكره اشوفهم بكره اتكلم معاهم مش متحمله مش متحملاهم عايزه اهرب من البيت بس عشان مشوفهمش تاني دلوقتي حبكت يعملوا فيها بيحبوني قال ايه عايزيني اعد معاهم واتكلم معاهم بس لما بحاول اضغط على نفسي بحس بضيق مش طايقه مش عايزه عارفين الي يجي يعورك مثلا انهاردة جرح يعد ينزف طول اليوم ويجي بكره يتعامل

Chilli_52693 🇪🇬

منذ 3 أيام

شعور قلق

يا جماعه انا بجد بمر باسوء مده عدت عليا في حياتي انا ديما بصلي الفرد بس لسا اسبوع كده بقطع في الصلاه وبحاول اكلم بنات علشان عمري ما صحبت بنت ولا ارتبط وكمان مش احسن حاجه في الشغل دا غير ان في مشاكل في البيت وتوتر وتعب اعصاب علي الاخر وكمان بعمل عادات وحشه وكمان دماغي ديما مسوحاني وبover thinking

Cherry_64120 🇪🇬

منذ أسبوع واحد

شعور Okay 😐

احساس ان الواحد عندو اهل دا شيء كويس لاكن لما تلاقي الاهل دول هما الي تعبينك بكلام دبش من غير سبب و شك و سوء ظن دايم بيخلي الواحد يتخنق لا وكمان انت لازم متفتحش بوقك و تشتكي لان شكوتك مش هاتصلح حاجة لا هاتاخد تهزيق اكتر.. فكل الي بتعملو تفضل ساكت وتتعامل لوحدك ف كل حاجة وبعد دا كلو انت مش هاين عليك

Apple_53118 🇪🇬

منذ أسبوع واحد

شعور غاضب

ممكن حد يفدني دلوقتي انا جيت من الشغل بعد 12 ساعه شغل جي طالع عيني وتعبان مش قادر دخلت البيت مكملتش نص ساعه ولقيت عيال الصغيرين بيتخانقو مع بعض ومراتي بتزعق وبتقولي شوفهم بقي مش كل حاجه عليا لوحدي انا من تعب اليوم قمت مزعقلها وقولتلها انا مالي انا جي مفشوخ وطالع ميتين امي في الشغل مش قد تربيه العيال

Chocolate_61968 🇪🇬

منذ أسبوع واحد

شعور غير مكتمل

خلقي ضيق أوي يا جماعة الموضوع يبان عادي لكنه أقسم بالله حارمني من أي لذة في الحياة أمنية حياتي أستمتع بأي حاجه اعملها مش بستمتع بأي حاجة حتى لو حاجة بحبها عايزة كله يحصل دلوقتي و يخلص دلوقتي و الحياة تعدي بجد الموضوع ده قارفني مش عارفة اعيش حياتي عادي طول الوقت بجري ورايا و مش عارفة اصبر او أستنى لو

Peanut_63801 🇪🇬 ده احتمال يكون اكتئاب او ادمان ع حاجه تانيه او غيره لكن هقولك طريقة احتمال نجاحها 70% حاولي تسمعي قرءآن او اي حاجه دينة حسب دينك لأن ده بيريح الروح و هيبعد عنك المشاعر السلبية و خلي علاقتك بربك فوق كل شئ لإنك هتحسي بالأمان و ان احلامك هتتحقق معاه و خصصي وقت قصير ف الاول عشان الحاجات الي بتحبيها و كذلك للتعلم عن المواضيع الي بتحبيها و هتلاقي نفسك قادرة انك تطولي المدة مع الوقت

عرض الكل 11 نصيحة

Banana_40578 🇪🇬

منذ أسبوعين

شعور وحيد

عبّر عن شعورك بشكل مجهول

اخويا بيأذينى اوى. نفسيا بصو هو وحيد على ٣ بنات وطبعا اهلى مدلعينه مش معامله بس والله العظيم بيعامل بابا وماما اكنهم هما اولاده مش هو وطبعا هما مش مضايقين احنا نفضل وعلانين عليهم وعلى المعامله الوحشه وهما عادى بالنسبالهم بقيت اكبر دماغى بس بجد هو بيضايقنا ويزعلنا دايما وعمره م بيشوف نفسه غلطان بجد وكل حاجه يجادل معانا  ويحلل الحرام كمان والله مبقتش اتكلم معاه واتجنبه بس بحسه بيكرهنا والله بيستكتر علينا كل حاجه حلوه مش بيحب يشوف حد فينا احسن منه انا مفروض باذن الله شغلى يكون مرتب عالى وكده انا فمجال لغات يقولى ده انتى هتاخدى قد كده وهتبقى بخيله وانا والله مش كده بقعك اقول هدلع بابا وماما يقعد يتريق عايز يبيعنا كل حاجه عشان يتجوز وعشان خطيبته عايزه حاجه معينه مستكتر عى اختى جهازها خايف الفلوس تخلص فاهمنى يجماعه مش عترفه اعمل اى ده غير ان والله العظيم مش بيعدل حتى سريره والله بجدووبيقعد يقولنا احنا معفنين والله كل يوم ترويق وتنضيف ونعدل سريره وبرضو يفضل يشتم باوحش شتايم والله بجد كلام ميتقالش لبنات فالشارع وبابا يقولى اسكتى عشان ميتعبش انا تعبت وزعلانه ونفسى اتجوز واسيب البيت بس لسه نصيبى مجاش ومش مستعجله على الجواز بس كارهه العيش معاهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_60208 🇪🇬

منذ 3 أسابيع

شعور محبط

Mango_29955 🇪🇬 تجاهلي الطريقه دي وانبسطي بيه لنفسك اناا لما جبت الفون جديد مكانش في اي رد فعل اصلا من اهلي كلهم ومهتمتش رغم اني كنت فرحان بيه ف تجاهلي الموقف كأنه محصلش

عرض الكل 13 نصيحة

عبّر عن شعورك بشكل مجهول

انا قررت اكتب واول مرة اتكلم ف الموضوع دا لاني بقالي اكتر من شهر مش قادرة اتخطى الموقف ولحد دلوقتي مصدومة 
انا الحمدلله حياتي كويسة نوعا ما وباخد كورس لغة وبطور فيه "في شوية بؤس جامدين ف النص مش هنتكلم عنهم دلوقتي " 
كنت هموت على تابلت اللي هو بقلم دا عشان اقدر اذاكر عليه عشان تعبت من الكتب رايحة جايه بيهم ورايحة جايه ف البيت بكشاكيل وكتب وحاجه متعبة حرفيا 
وانا مش معايا اي فلوس محوشاها خالص وحاولت اشتري بالقسط ماما ماوفقتش وقالتلي اصل حرام وحوارات كدا وهاتيه كاش احسن وانا هبيع الدبلة بتاعتي عشان وانتي ابقى رجعي قسطي لينا الفلوس بدل ما يكون فيه فوايد عالية ع القسط وكدا ( وهي كدا كدا رافضة موضوع القسط اصلا الا بشروط مالقتهاش متوفرة سعتها) 
المهم جبت التابلت اول ما وصلت البيت جت قعدت جمبي شافته لاحظت انها اتضايقت جامد جدا وقعدت تزعق بطريقة هستيرية على حاجه تافهه جدا وانا كنت يومها تعبانه جدا من الحر وكنت بلف على رجلي طول اليوم وحصل كذا موقف وماكنتش هشتري اصلا وحوارات كدا 
ولا حتى قالتلي مبروك ولا حسيتها فرحت من قلبها وقعدت تقول انا ان شاء الله هجيب واحد زيه.. يعني من الاخر حسيتها (غارت :) ) انا كنت سعتها بكدب نفسي بس الموقف كان بجد باين اوي مش موقف ام فرحانه ببنتها .. انا طول عمري بنت مجتهده ومن اول ما اشتغلت مش بحب اخد منها او من بابا فلوس الا لو مضطرة وجايباه عشان اذاكر عليه وهي بنفسها اللي مساعداني اني اشتريه اصلا دا غير ان الفلوس دي دين عليا لسا هسدد فيه .. انا من سعتها صدومة وقلبي مكسور ومش قادرة اتكلم ف الموضوع دا مع حد .. انا رحت بعد كدا لاختي الكبيرة وبجد احساسي اتأكد برغم ان اختي وجوزها حالتهم ع ادها بس فرحتلي جدا جدا واحساسي اتأكد انا اول مرة اعيط بسبب الموضوع دا بجد الموضوع تاعبني جدا جدا ومش مستوعبة لية تحسسني بكدا ؟ انا موبايلي بثاله معايا داخل ع ال ٦ سنين ومش عارفة اجيب جديد عشان مش عارفة احوش ومش عايزة اطلب منهم واضغط عليهم وفي مواقف تانية بردو زي بقولها يا ماما تلفونك بيعلق (عشان هي عاملة حاجات بتخلي يجلها نوتيفكيشن كتير ) ف لقيتها ردت عليا بتقولي اللي ادانا يديكي (قصدها يعني ع التابلت ) وبجد بجد انا قلبي مكسور

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_48485 🇪🇬

منذ 4 أسابيع

شعور مكسور القلب

Watermelon_56753 🇪🇬 انتي مع ناس توكسيك .. لما حد يقارن نفسه بيكي، انا شايف ان المناسب انك تقولي انك مش في مجال للمقارنة مع حد وتاخدي موقف، وفهمي مامتك أن احترام الناس ليكي من احترامها هي كمان!!

عرض الكل 1 نصيحة

عبّر عن شعورك بشكل مجهول

أنا مؤمنة بربنا حامد وعارفة ان اللي عايزه بس هو اللي هيحصل بس أنا الكبيرة في اخواتي طول عمرنا في دولة خليج لما خلصت ثانوي نزلت مصر عشان أكمل تعليم عشان أنا بنت قالو لي مينفعش تقعدي في الشقة لوحدك قعدت مع قرايبي شافوني بكل مميزاتي وعيوبي أنا نزلت في عنيهم وهما نزلوا في عيني كالعادة بسبب كتر الاختلاط اخوية نزل وامي نزلت معاه وخلاص بقينا قاعدين في البيت بس مشكلتي مع ماما اللي مطلعها كل اخبارنا برة وبردو بابا بس ماما اكتر ومن سنين والناس مش عارفة تصدق ان أنا مش بالوحاشة اللي ماما بتحكي عليها وبتصدق بالاخص ان هما شافو مني حاجات الحاجة اللي مزعلاني اني في رابعة كلية وولا جاء لي ولا عريس خالص نفسي افرح احس اني مرغوبة بس أنا أصلا مش عايزة أتجوز دلوقتي بس مجرد الفكرة بس عندي بنت خالتي اكبر مني بسنة مخطوبة من تالتة كل لما تيجي تقعد تتكبر عليه وفي مرة سمعت خالتي بتقول ليها ولا تقعدي تغيظي فيها كتير عشان هي مش طبيعية ومكروهة وحتي امها بتكرها وولا بييجي ليها عرسان كلنا عارفين انها معيوبة احمي نفسك منها الكلمة ضايقتني جدا بالاخص اني داخلة كلية اعلي من بنت خالتي وكانت الغيرة وكلاها مني وبشكل واضح واصدقائي قالو لي رشي مية بملح كل لما تيجي ليكي عشان كانت كل لما تيجي لينا تحصل مشكلة ان ييجي عليه زيت او حاجة ولما كنت اقول لاهلي كانو يقولو لي مفيش حد احسن من حد هي اه في تجارة وانتي ذكاء بس هي أجمل منك فاتفاجءت من كلمة خالتي والطريقة اللي بتتعامل بيها وحاسة ان ماما هي السبب في اللي أنا فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_58142 🇺🇸

منذ شهر واحد

شعور ضائع

بقيت حاسه انى بكره كل الناس ومش مرتاحه لحد بسبب كمية الخذلان والحوارات اللى اتعرضتلها رغم انى عمرى ماعملت كده ف حد .. بكره تحديدا الناس اللى بتتعامل معايا ع انى استبن وقت ما يبقاش حواليهم حد ووقت مايتعرضوا لمشاكل ووقت ماتبقى حياتهم مقرفه يظهروا ف حياتى ويدوروا ف دفاترهم القديمه ويرجعوا يكلمونى مين ه

Strawberry_53724 🇪🇬 ربنا هيعوضك كل خير علي صبرك واحتسابك كل وجع القلب دا واوعي تتغيري انتي قلبك ابيض ونضيف الناس هي اللي بقت وحشة بس ربنا عمره مهيسيبك وهيعوضك ان شاء الله

عرض الكل 2 نصيحة

Watermelon_58109 🇪🇬

منذ شهر واحد

شعور مرهق

الواحد من 2022 كدا وهو حاسس ان مفيش اي فرح مفيش حاجه فرحته لى ام ممكن تعامل بنتها بقسوه كدا بدون سبب بالعلم أن بنت على 3صبيان وبابا كويس واخواتى كويسين معايا لى ماما كدا بالعلم انى بحبها والله لى تاذينى بكلامها أما عرفت أن عندى تكيس مبايص قالتلى كلام اذانى اوى بتدعى عليا دائما بتقولى انت اصلا مش هتل

Sugar_57606 🇪🇬 هوا اولا الف سلامه عليكي ويارب يبعد عنك اي شر ثانيا دي معقده نفسيا لما تدعي علي بنتها كده او تشتمها وتهينها كده بصي متتعامليش معاهم خالص وخليكي في شغلك ولو مش متجوزه اشتغلي في محافظه تانيه واستقلي عنهم خالص لحد ما ربنا يرزقك بأبن الحلال اللي يصونك ويريحك من الهم دا 🥺❤️

عرض الكل 23 نصيحة

Hazelnut_18465 🇪🇬

منذ شهر واحد

شعور متعب

سؤالي اللي عمري ما لقيت ليه ايجابية ايه سبب ان الواحد يبقي قاعد في امان الله يسمع صوت صويت و حتي في وقت الصلي برضوا يسمع نفس الصوت و يوصل لمرحله ان الصلي تقيله و مخيفه و بيحس قبلها أن نفسه بيضيق و ممكن تقلب بحالة خوف

Mushroom_58935 🇺🇸 ده علشان الجنه مش سهله ، كُلنا الصلاه بتبقي تقيلا علينا ، بنسمع الاذان والشيطان بيضحك علينا ، وزي ما بيقولو الشيطان شاطر وبنحاول ع قد ما. نقدر نغلبو بمعونه من الله سبحانه وتعالى ، ومتخليش الكلام ده سدخل ف دماغك ، وابقي استعيذي بالله من الشيطان الرجيم

عرض الكل 4 نصيحة

Pumpkin_56872 🇪🇬

منذ شهر واحد

شعور متعب

من يوم كده نزلت بوست كل الكومنت اللي علي البوست سالبيه بطريقه تزعج منكرش اني حسيت للحظه أن في نصيحه بس جانبي الشرير قالي استمتعي واتشاكلي اصل انا بحس بمتعه كبيره اووي لما تحصل مشكله وانا ارد وأشوف كلامي واتبسط اني رديت رد قوي بجد كنت واخده الكومنتات تسلي لحد ما ابتدوا يردوا عليا وطبعا لسوء ردودي اخ

Almond_55898 🇪🇬

منذ شهر واحد

شعور محبط

حاسه الفتره دي انا ما بقيتش قادره اخد نفسي من كتر الضغط اللي ف البيت وازاي مثلا بابا اتغير للاوحش مابقيناش نهمه ولا بقا بيفكر فينا وازاي اانا واخواتي بقينا ف العشرينات ومش متامنين ف الدنيا وحرفيا احنا لو حصل اي حاجه ف ثانيه هنكون ف الشارع وهو ازاي بقة شخص سلبي كده ومعندوش مسؤوليه ولا عنده استعداد ي

Carrot_55533 🇪🇬 الأول الحمدلله إن الشخص مستوعب إن في مشكله فعلا و الحمدلله إن في وعي بدل ما نكون أشخاص ضعاف فنتأثر من إللي بنشوفه بشكل وحش فنطلع ده علي الناس إللي في حياتنا زي ما حصل معانا ... لا الحمدلله ربنا حافظنا و قادرين نبقي حنينين مع الناس و سويين في معاملاتنا مع الناس في حياتنا

عرض الكل 26 نصيحة

Chocolate_50862 🇪🇬

منذ 5 أشهر

شعور مكتئب

عبّر عن شعورك بشكل مجهول

بقالي اكتر من شهر مكتئبة وانا عندي قولون عصبي فبطني بقت توجعني كل يوم ده غير جسمي اللي واجعني جداً مش العظم بس وبقيت بنام كتير اوي وفي حاجة غريبة اخويا قاللي اني بقيت أمشي وانا نايمة وبتكلم وانا نايمة وأزعق... ده جسدياً 
اما انا نفسياً مخنوقة ومش عايزة اعمل اي حاجة مش عايزة اذاكر ولا ليا نفس اعمل الحاجات اللي بحبها ولا عايزة اتكلم مع حد ممكن يساعدني وكاتمة جوايا كلام كتير وعياط وعايزة اقطع علاقتي بكل اللي حواليا ده غير اهلي اللي بيمارسوا عليا الحماية المفرطة... والله العظيم بقيت بخاف اخرج وارجع من البيت يقولولي "انبسطتي؟ عملت اللي عليا  متطلبيش مني حاجة تاني" واحس بتأنيب ضمير اني اتنيلت خرجت...
نفسي اوي اخرج واتفسح واروح الاماكن اللي بحبها ونفسي اروحها وخروجات تصوير مع ناس بتحب التصوير لكن "لأ احنا بنقلق عليكي! انتي بنت! دول الولاد مش بيعملوا كدا! انتي عايزة تصيعي زي الولاد! احنا صعايدة!" أجازة نص السنة عدت وانا كان في دماغي اروح مكان حلو وهادي اصفي فيه دماغي لكن "لأ مش كل حاجة نفسك فيها هتحصل"
بحلم بحاجات كتير بس شكل مفيش امل انها تتحقق  ولو حتى لقيت رجل احلامي مش هيحب انه ابقا بحب الخروجات مش القعدة ف البيت مع ان والله انا بحب الأنتخة اصلا لكن انا مش بخرج اصلا ولا بروح مكان بحبه...

ارجو لو هتقولو نصيحة ماتكونش كليشيه وماتكونش عبارة دول ابوكي وامك والكلام اللي مامنوش فايدة ده لانكم مش عارفين احساس انكم بقيتوا تكرهوا يوم الاجازة اللي بياخدوه عشان بيقعدوا يزعقوا بطريقة اوفر ويطلعوا اي حاجة غلط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_41592 🇪🇬

منذ 6 أشهر

شعور مرهق

بتعملوا اي لما بتبقوا مخنوقين ومش عارفين سبب الخنقه دي ايه انا مخنوق وتعبان حاسس اني عايز افضفض مع حد ومش لاقي وحتى لو في مبعرفش اعبر عن مشاعري لان بطبعي كتوم شويه ومش بحكي كتير قاعد لوحدي في السرير شعور الخنقه ماسكني وصعبان عليا نفسي اوي دايما تعبان ومعروف في العيلة عندنا اني دايما تعبان وبلاقي بصا

Coffee_26089 🇪🇬 صلي ركعتين قيام واشكي لربنا وقوله على اللي خانقك وابدا في قرايه سورة البقره بتفرق جدا قول اذكارك وصدقني الموضوع دا هيفرق معاك جدا

عرض الكل 19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع