أنا حرفيًا حاسس إني وصلت لـ dead end. لا رجلي راجعة، ولا في قدامي طريق واضح. كنت فاكر إن الخطوة الجاية هتكون أمل أو بداية جديدة، بس فجأة الدنيا وقفت. الشركة اللي كنت حاطط عليها آمال كتير، مش بعتتلي الـ offer letter، وشركتي الحالية عرفت إني بدوّر، ومبقتش حاسس بالأمان فيها. زمايلي بقوا باردين معايا، وحاسس إني لوحدي، وكأني واقف في نص طريق صحراوي، لا شايف قدامي ولا عارف أرجع ورا. كل يوم بقوم الصبح ببص في المراية وبسأل نفسي: "هو أنا فعلاً ماشي صح؟ ولا بضيع وقتي؟" بس أكتر حاجة وجعاني إني حاسس إني تعبت، وبقيت خايف. خايف من المجهول، ومن الرفض، ومن إني أكون ضيعت فرصة كانت ممكن تغيّر حياتي. أنا مش طالب كتير، بس كنت محتاج بس إحساس إني ماشي في سكة ليها نهاية، سكة فيها نور، فيها تقدير، فيها بداية جديدة.

1

1