هوا انا غيرى مُستفاد إية ؟ ده سؤال كنت بسأله لنفسى لما بلاقى نفسى مظلوم من اهلى / فى علاقة مش صحية / لما حد يقولى كلمة تضايقنى من كتر تركيزنا على إحساسنا بالغضب، الإحباط، الزعل قدرتنا على التفكير السليم والمنطقى بتقل عن الطبيعى فـ بنبقى فى وسط المشكلة مش عارفين نعمل اية ولا نتصرف ازاى ولا عارفين اية اللى جابنا هنا اصلًا كإن الزمن كان متوقف عند نقطة معينة ورجع كمل من تانى بعد ما أدركنا (هوا اية اللى جبنا هنا ؟) وفجأة لما احط الطرف التانى فى المعادلة… الصورة بتبان أوضح والنغمشة بتقل لما احط أعذار/مبررات تحمينى وتحمى عقلى من التفكير المُفرط والأسئلة اللى ملهاش نهاية ولا إجابة كون إنى بشيل نفسى من الصورة وبفكّر من منظور اللى قدامى بظروفه هو.. بالبيئه بتاعته.. بالمنطق بتاعه.. ببدأ احس ان طبيعى اتصرف كدة لو مكانه.. واللوم بيبدأ يقل والمشاعر السلبية اللى كانت فالأول مبقتش موجودة بنفس الدرجة! جربوا تسألوا لنفسكوا السؤال اللى فالأول ده… يمكن بالكوا يرتاح وقلبكوا يتطمن ولو شوية…

3

1