صباح الخير.. من ساعه ما بابا اتوفي و انا محتاجه حد جنبي و بدور على شخص يكون فيه صفات اقدر اعيش معاه كل اللي عرفتهم شهوانيبن بس عايزني عشان شهوته و انه عايزني علشان غرض و بس و اسمه أنه بيحبني هل ده صح هل انا صح ولا ده المفروض أمر طبيعي بس انا قرفت من كده و نفسي ف حد يخاف عليا و يكون حنين و يحتويني و لما ابقي ف بيته خلاص لكن ليه قبل الجواز لازم كده و لا ده اختبار منهم ليا ولا ايه و لا ده أمر طبيعي مع أن انا انا ببقا محتاجه ده بردو بس المفروض أنه له وقته تعبت اووي و بحاول ابعد نفسي عنهم بس ساعات كتير بضعف و انا اصلا ضعيفه ف الحته دي اعمل ايه

صباح النور آسف إنى هقولك الكلام ده بس دى الحقيقة….. احنا فى مجتمع أنانى معظم الرجالة بيفكروا فى إشباع غريزتهم الفطرية بأى طريقة وبأسرع وقت مش عايز يستنى/مش عايز يخطط/مش عايز يبنى أسرة/مش عايز يكون ليه هدف لنفسه الشيئ الوحيد اللى بيحركه "الشهوة" مش الضمير ولا الدين ولا المجتمع مش مهم الأصوات اللى حواليه بيقولوا ايه… المهم هو ذاته نفسه فى إيه

نفسي انهار بصوت عالي منغير ما احسب

Q: تعبان نفسيًا وعاوز أبقى قوي ومش خايف من حد

هو انا لو والدى وولدتى منفصلين وانا عايش مع والدتى ومع اخواتى بنات معنديش اخوات ولاد أكبر منى انا راجل الاسره يعتبر لو فى حد عاوز يعمل معايا مشكله او مع أهلى وانا مش عاوز اعمل حاجه علشان خايف على امى واخواتى بس هو بيشوف كده ضعف وانا حتى لو عملت حاجه هو أكبر سنا انا 20 سنه هو كبير بتاع فوق 30 وشويه بس راجل فاكر نفسه قوى وحتى لو عملت وشتمت ووقفت مش هلاقى حد فى ضهرى بجد تعبان نفسيا جدا من التفكير بعيد عن الراجل ده خالص انا حتى لو حصلت معايا اي مشكله مش هتلاقى كبير يبقى فى ضهرى ويقولى هجبلك حقك مثلا صحاب الشارع لازم اكون بشرب مخ*رات علشان اكون صاحب ليهم ويقفو ليا بجد نفسيتى تعبانه جدا من التفكير حد يقدر يقولى ازاى اقوى نفسى وابقى مش خايف ولا قلقان من حد ومحدش يقول روح جيم ولا كده انا عاوز احس من جوايا بكده اعمل ايه

Kiwi_52343 🇪🇬

منذ يومين

شعور Drained

هقول حاجة عمري ما قولتها بصوت عالي انا كان نفسي امتلك رفاهية الانهيار اني اوقف الدنيا واقول انا تعبت من غير ما احسب مين هيتأثر او ايه هيقع او مين هيزعل مني نفسي اعيش لحظة واحدة بس اعرف فيها أضعف وارجع اقوم وانا متشافة مش مطالبة طول الوقت اكون صامدة نفسي الدنيا تهدا عليا شوية حقيقي نفسيتي تعبانه تتصلح بس وهنرجع نكمل سعي معنديش مشكلة عاوزة افضفض واصيح شوية بس مش واثقة ف حد اقدر اعمل كدا قدامة اوبشن الانهيار الداخلي دا متعب لأقصي درجة نفسي انهار خارجيا وادبدب ف الأرض بكتب الكلام دا والإنسان عايش شعور خذلان جديد وهزيمة جديدة كانت كفيلة تصحي كل حاجة