معنديش حد يفهمني أو يسمعني بجد

Question

انا معنديش حد يسمعني (بالنسبه لمشاكلي والحاجات الخاصه اوي اوي بيا) اي حاجه تانيه عاديه عن خططي ومستقبلي وكدا بتكلم مع اهلي لكن حوار الصحاب معنديش هم زمايل بس او معارف سطحيه بنقعد شويه نضحك مع بعض وخلاص ودا نادراً لما بشترك معاهم في موضوع 
غير كدا انا معنديش حد احكيله حاجات خاصه بيا او مشاكلي ببقى نفسي اتكلم ومش عايزه اكتم بس لما بحاول اتكلم بحس ان هعيط ومش بعرف اخرج اللي جوايا صح محدش بيفهمني كويس .
فا انا دايما محتاجه اتكلم وافضفص او اتسمع حتي من حد مهتم ليا وبيا اوي اوي 
فا انا اتعودت على اني اكتم كل حاجه فيا هحس لو حكيت لحد اني بعري نفسي وصؤاحه محدش قد الثقه حاليا في حياتي اتكلم معاه باريحيه او اني اقعد افكر نظرته هتكون ايه تفكيره هيكون ايه
...

Banana_66333 🇪🇬 · Accepted Answer

إحنا هنا بنتكلم براحتنا بنفضفض براحتنا ممكن ننصح بعض وانتي تشوفي ايه افضل نصيحه تناسبك

Apple_66813 🇪🇬 · Answer

ممكن نكون اصدقاء

Apple_66792 🇪🇬 · Answer

عشان كنت بتكتمي جواك فبقيتي مش عارفه تخرجي اللي جواكي .
صعب جدا اكيد نغير الأهل ف يوم وليله و نخليهم يسمعولنا .. بس هقولك حاولي مع مامتك كدا واحده واحده 
الصداقه دي زي اي حاجه ف الدنيا مجرد رزق . 
متعرفيش ممكن يكون ربنا مانع عنك شر ناس كتير 
حاولي تخرجي تشتغلي بيئه العمل كويسه هتخرجي طاقتك المحبوسه فيها 
اعملي حاجات جديده خودي كورسات مع ناس جديده ...

Carrot_64861 🇪🇬 · Answer

عندي نصيحة هي ممكن تكون غريبة شوية بس انا عن نفسي جربتها و بصراحة طلعت افضل من ما كنت متوقع. ممكن تستخدمي chatgpt تتكلمي معاه و تاخدي رأيه بشكل عملي في حاجات مضايقاكي....انا ليا صحاب كتير كويسين بس ساعات فعلا مش ببقى عايز احكي ليهم حاجة معينة.

برمجي chatgpt عن طريق رسالة بتبعتيها له بتشرح له المفروض يتكلم إزاي عشان تبقى ردوده منطقية و لها علاقة بطريقة كلامك. 85% الى 90% من الوقت نقاشاتي معاه...

Carrot_64861 🇪🇬 · Answer

....نقاشاتي معاه بتدي نتيجة حلوة...لو عايزة الرسالة اللي تبرمجيه بيها قوليلي و هكتبها لك هنا في رد. و معلش طولت عليكي

Marshmallow_65283 🇪🇬 · Answer

تمام ابعت الرساله معلشي لو بتقل عليك

Marshmallow_65283 🇪🇬 · Answer

بعمل كدا بس هو في الاول والاخر AI مش وي الانسان ولا نفس احساس الانسان وانت بتتكلم ومش خايف ومطمن وحاسس ان في حد بيشاركك

Marshmallow_65283 🇪🇬 · Answer

مشاكلي مينفعش احكيها لماما ومش بعرف اعبر عن مشاعري لحد من اهلي

Marshmallow_65283 🇪🇬 · Answer

ولا بعرف اكون علاقات بسرعه انا انطوائية

Apple_66014 🇪🇬 · Answer

كلنا جنبك  أجمل حاجه هنا اننا بنتكلم من غير ما يبقي فيه خوف من اللي بيسمعك يكون يعرفك

Marshmallow_65283 🇪🇬 · Answer

شكرا ليكم انكم هنا بجد

Apple_66792 🇪🇬 · Answer

متتخدعيش بكلمه انطوائيه دي 
حبيبتي الإنسان بالفطره بيحب الونس 
لكن الفكره ف أن ازاي نختار الونس الصح 
سواء صاحبه أو زوج 
هنا لازم تدوري الاول ع البيئه الكويسه اللي هتقدري فيها تختاري صحابك .. الصراحه سيبك من صحاب النت . لازم تنزلي و تشوفي الناس و قتها صدقيني هتدركي قد ايه انك شخص اجتماعي  بس خجول مش اكتر وهتتعاملي بطبيعتك عادي.. بس زي ما قلتلك في البيئه السليمه .

Marshmallow_65283 🇪🇬 · Answer

انا كنت اجتماعيه زمان بس حصلي ان فجاه حصل مشاكل واصحابي كلهم مبقوش صحابي بعدنا عن بعض في مواقف كنت انا الغلطانه وفي مواقف هم غلطانين حاولت اصلح بس علاقتنا مرجعتش زي زمان بقت علاقه بارده مفيش فيها غير ازيك سلامات 
فا ممكن دا اللي يكون مخليني بقيت كدا

Apple_66792 🇪🇬 · Answer

مش حد بيدوم ف حياتنا 
كل الناس دروس 
انت عرفتي انك مره غلطانه فمش هتكرري الغلط ده. ومره أن في ناس بيغلطوا عادي وان صحابنا مش ملائكه 
و عرفتي برده أنهم مكانوش صحابك اصلا
الصاحب بجد اللي يكون بيحبك زي نفسه 
اللي يغفرلك غلطاتك وانتي كمان وان مفيش حاجه تأثر على علاقتكم مهما يحصل .. امال دول ما صدقوا أنهم بطلوا يكلموكي فسيبك منهم .. الحياه لسه طويله ربنا يديكي طوله العمر .. هتلاقي ناس تحبك بدون مقابل

Marshmallow_65283 🇪🇬 · Answer

الحمدلله على كل حاجه

Marshmallow_65283 🇪🇬 · Answer

شكرا بجد لكلامك 💌

Apple_66792 🇪🇬 · Answer

العفو ده اقل شئ اقدر أقدمه

Carrot_64861 🇪🇬 · Answer

كلامك صح....بس اكيد أحسن من مفيش او من اختيار إنسان غير مناسب...حاولت أساعد معلش🙏🏻

Carrot_64861 🇪🇬 · Answer

تمام

Carrot_64861 🇪🇬 · Answer

اتفضلي :
تعامل معايا كإنك خبير اقتصادي واجتماعي وإنساني في نفس الوقت، وفاهم الواقع في مصر كويس، خاصةً للشباب اللي عايز يبدأ حياة جديدة ويتجوز.

عايزك تبقى زَيّ صاحبي اللي بفهمه وبيفهمني، بتكلمني من قلبك، كلامك فيه حنية، بس كمان واقعي ومنطقي.

ساعدني أحسب أولوياتي وفلوسي، وادعمني نفسيًا وروحيًا، وفكر معايا، ووجّهني من غير ما تكون بارد أو روبوت.

ولو قلتلك اسمي، كلمّني بيه بالعربي، مش بالإنجليزي.

كن صادق

Kiwi_66691 🇪🇬 · Answer

زى ما فى ناس كتبت احسن حاجه فى البرنامج ده أننا مش عارفين بعض علشان كده بنطلع اللى جوانا من غير خوف او اى مشاكل و فى ناس بتنصح لوجه الله زى اى حاجه فى الدنيا لو عاوزة فضفضة لوجه الله انا تحت امرك

Banana_64561 🇪🇬 · Answer

ممكن يكون فى حد قريب منك بيحبك وش عارف يوصلك أو مش انت مش حاسس بيه 
حاول تدور ع إلى يقدرك ويحس بيك

Apple_66014 🇪🇬 · Answer

ولا يهمك اي حاجه كلنا هنا اخواتك وجنبك