فضفضه

Coconut_56919 🇪🇬

منذ 5 أيام

شعور عاطفي

الواحد اكتشف أن الكتمان حاجه حلوه اوي اصل ليه تتكلم و تفضفض و تفضل تحكي في المواضيع اللي خنقاك وانت عارف أن المشكله مش هتتحل بالعكس انت بتضايق اكتر لانك بتقول الشئ اللي بيأذيك بكل تفاصيله و المشكله الأكبر أن الطرف التاني اللي بتحميله مش ليساعد ولا بيحل المشكله بلا بيعقدها اكتر لما يقولك (معلش اصل كل

Strawberry_64200 🇪🇬

منذ أسبوعين

شعور عاطفي

عبّر عن شعورك بشكل مجهول

عايزة افضفض واتمنى تنصحوني اعمل اي او تقولولي رأيكو عشان انا مش عارفه احدد مشاعري...... 
ومعلش مقدماً اني هطول عليكو....... 
انا حالياً عندي 19 من حوالي 4 سنين كنت معجبه بشخص هو اكبر مني بـ 7 سنين انا مكنتش اعرف سنه في الوقت ده المهم يعني كان تعاملي معاه شبه رسمي أصلاً، هو فاتح محل ميك أب فانا كنت بروح اشتري مكياج او منكير فكان كل فين وفين،  وفي الاول كان عادي، بعدها بنت عمه اتجوزت ابن خالتي فهو كل ما اروح يسألني عامله اي ويسألني عن بنت عمه وبتشوفيها ولا لاء وكده، بعد كده لما كنت بروح كنت بحسه بيركز اوي معايا ومع انه كان جايب بنت تشتغل في المحل كان بيدخل يديني هو لما يكون واقف بر  ولما اروح ويجي زباين بعدي كان بيسبني للأخر او يقولي خليكي في الاخر احسن علشان اعرف اركز معاكي وانا بدأت انجذبله بس انا كنت عارفه ان دا مجرد إعجاب مراهقه لا أكثر، وبدأت اخد اي حد معايا عشان ما اركزش معاه ولا انشغل عنه لما يكون قدامي  فكنت باخد بنت عمي بما انها من سني وعارفه معظم الاوقات اللي بتكون فاضيه فيها، المهم بعد فتره بقيت باخد بالي انه بقى يركز مع بنت عمي اكتر ولو انا اللي بكلمه بلقيه باصص على بنت عليها مع اني اللي بكلمه، فكنت بضايق وبزعل،بس مكنتش ببين حاجه (لان مليش حق أصلاً) وفضلت اخدها برضو، وساعات كنت بروح مع اني مش عايزة حاجة المهم اشوفه بس واتحجج بأي حاجه، والدراسه بدأت وشغلتني عنه  وفكرت الاعجاب بدأ يقل، بس كان كل ما أشوفه قلبي يدق جامد اوي، وكنت بعنف نسي واقول ان دا مجرد إعجاب وهيروح، ودعيت ربنا ان لو هو مش من نصيبي يطلعه من قلبي وابطل تفكير فيه، سبحان الله في نفس اليوم حلمت بكابوس بيه وحاجه خوفتني وخلتني انفر منه فتره، بس للاسف المشاعر لسا موجوده، ومن سنتين بطلت اروح المحل الا نادراً ومبقيتش احس زي الاول والحمد لله اعجابي قل(بس برضو لسا في مشاعر) ولما اكون معديه من قدامه ساعات بلاقيه باصص عليا ولو واقفه في مكان هو فيه بحس انه مركز او ان في حد باصص عليا برضو  ، وامبارح كنا في خطوبه ابن خالتي وهو راح بس انا مشفتوش عرفت بعدين انه راح بس شفت مامته واخته، واخته تبقى صاحبه اختي من الطفوله وانا مصحباها، المهم لما الخطوبه خلصت وروحنا لقيت ابن خالتي بيقول انه كان موجود وكان بيدور على عروسه وشاف واحده وشكلها عجبته وخالتي قالت ان مامته كانت كل ماتشوف بنت تسألها هي بنت مين وكده، وانا زعلت شويه بس عادي لاني عافه انه مش ليا وهو مجرد اعجاب من طرف واحد، وبعدها بشويه قعت مع اخته (احنا جيران في نفس الشارع  وهي اصغر مني بـ.4 سنين) وسئلتها انتو لقيتو العروسه ولا لسا قالتلي معرفش والله، فقولتلها اللي ابن خالتي قاله قالتلي أخيراً العقده اللي عنده هتتفك (كانت قيلالي انه متعقد و مش عايز يتجوز ومفيش بنت عجباه) وقالتلي ابقى قولي لإبن خالتك يبعتلنا الفوتوسيشن عشان نشوف هي انهي بنت وانا هزرت معاها وعادي، وحالياً العروسه منزله صوره ليها هي وصحابها على الواتس فكنت بفكر اخد اسكرين للصوره وابعتها لأخته ويشوفو هي لو بنت منهم، وفي نفس الوقت متردده وبقول الموضوع ميخصنيش، وعلى فكره انا مسلمة من زمان ان هو مش ليا وحتى لو جه وخطبني انا هرفضه ولو انا مرفضتش اهلي هيرفضو، لانه معروف عنه من زمان انه بتاع بنات ومش سالك (الشكله الكبره اني عارفه كده من قبل ما اعجب بيه، واعجبت بيه برضو 😂)  فكنت عايزة نصيحه ابعت الصور ولا لاء، واتخلص من المشاعراللي باقيه دي ازاي ....؟؟؟

وأسفه اوي لو اتكلمت كتير وقولت تفاصيل ملهاش لازمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_68412 🇪🇬

منذ شهر واحد

شعور غبي

نلعب لعبه حلوه اقول افشخ سر عندي و انت قول افشخ سر عندك نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن

Corn_77329 🇪🇬 وقتها مش هيبقا سر

عرض الكل 4 نصيحة

Coffee_19911 🇪🇬

منذ شهر واحد

شعور آسف

عبّر عن شعورك بشكل مجهول

Iam not sorry ولكن عاوزه احكي عن حاجه عندي واحده نقدر نقول صحاب انا اي حد بيبقى صاحبي بسرعه المهم كانت بتحكيلي عن صاحبه ليه وانها حاسه انها صاحبتها شمس بتغير منها وبتحسدها لأسباب كتير زي لما بتجيبلها هديه شمس بتسألها جبتي فلوسها منين ونفسي يكون عندي فلوس زيك كتير ومواقف تانيه كتير بس هما لسه صحاب مش ده اللي انا عاوزه ارغي فيه النهارده انا عاوزه ارغي في حاجه تانيه كنت بفكر فيها وهي ان من ضمن كلام البنات الاوفر شويه ده قالتلي انها بتخاف منها ولما سألتها ليه قالتلي علشان والدها اتوفى من زمان جدااا من ساعه ما كانت صغيره بس هي عمرها ما فكرت تزوره ولما أهلها بيروحوا يزوره هي بترفض انها تروح ولما حاولت ابرر موقف شمس واقول انها جايز تكون مش بتحبه او والدها شخص مش كويس مين عارف قالتلي لأ وان شمس دايما بتقول انه بتحب والدها جدااا وانه بيوحشها وان كان احسن اب في الدنيا بس فكره انها عمرها ما زورتها دي مرعبه ازاي بنت يهون عليه والدها بالشكل ده وبسبب كلام صاحبتي عن شمس افتكرت حاجه وهي والدي اكتر شخص بحبه في حياتي كلها بس كان يوم درس الرياضه دروس ثانويه وايامها وصح الدرس كان الصبح بدري وفجأه موبايلي رن وانا عارفه ان بابا مسافر وبين على خط ماما وخط ماما في تليفوني علشان تليفونها بايظ وانا رديت عليه وانا في الدرس بعد ما استأذنت المدرس ( اهم حاجه الاحترام يا شباب بعيدا عن النكد الل بحكيه اهو درس آداب سلوك مجاني ) وبابا كلمني وقالي عامله ايه وانا قولت الحمد لله كله فل وانت وساعتها قالي انا فين وقولت انا في الدرس واسفه هتضطر اقفل وماما في البيت تقدر ترن على موبايل محمد اخويا هتلاقيه هو كمان في البيت وقالي تمام خلي بالك من نفسك وسلام وقفلت لحد ما روحت البيت لقيت محمد بيشاورلي اطلع بسرعه ولما طلعت لقيت ماما بتجري حوالين نفسها تجيب الخمار والجزمه ومحمد وشه متغير وكلهم ساكتين وبعدين بصيت لماما قالتلي ابوكي في المستشفى حصله حادثه في الشركه واتحرق ومحتاجنا ساعتها سكت وخدت شنطتى ودخلت الاوضه طلعت كتب الرياضه وبدأت اقرأ في درسي وستي جت وخالتي علشان يقعدو معانا والمهم ان بابا قعد اسابيع في المستشفى كل الناس القريبه والغريبه راحتله واخواتي كلهم وبنات عمتى وولاد عمتى التانيه كل الناس حتى اللي مقدرش يروح زي ستي فااا كلم بابا علشان يطمن عليه لكن انا الوحيده القريبه منه وبنته الوحيده كنت خايفه جداا اشوفه او اكلمه او اروحله فضلت اتجاهل الاتصالات والرسايل واتحجج بدروس ومراجعات مش بتاعتي علشان مروحش المستشفى وبس كده مزورتش بابا ولا كلمته وعدت الأسابيع وبابا رجع من المستشفى وحشه زي ماهو نفس الوش اللي انا عارفها وبحبه بابا لسه بابا فااا لاتقلقوا يعني مش هنهي القصه بحزن بالعكس كل حاجه بقيت كويسه..
انا حكيت ده لان من كلام صاحبتي عن شمس وزيارتها لوالدها المتوفى فكرتني بيا وبتصرفي اللي الكل اعتبره برود او جحود نوعا مااا فااا مش عارفه مفيش حكمه من الموضوع ممكن نسميها شويه فضفضه وده اكونتي واظن انه ملكي هكتب فيه ما اشتهي...
وبس كده المره الجايه هبقى احكي حاجات بتضحك وصح بقى عندي اخيرا صاحبه جديده بلهجه جديده ولا مش من بلاد برااا انا بشجع المنتجات المصريه 
صاحبتي الجديده من العياااااااط 
باي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73294 🇪🇬

منذ شهر واحد

شعور ضائع

انا ليا واحد صحبي قريب مني اوي و معاه هو بالذات مبحبش ابين اني زعلان من حاجه عشان مشيلهوش هم فوق الي عنده و بحب اطلع الجانب التافه مني و بحب ابقي ببضحك علطول و هو موجود بس هو بيجي علطول بقلي بطل تفاهه و اعقل و سعات يقلي انا مش عارف انت مبسوط لي هو في حاجه عندنا غير الهم بس انا عشان عارف و عارف نيته

Carrot_18027 🇪🇬 طب ما انت فعلا مخترتش صاحب صح

عرض الكل 3 نصيحة

Banana_52613 🇪🇬

منذ شهر واحد

شعور متعب

انا مخنوقه اوي بجد عارفين لما تحسو من كتر ما انتوا مخنوقين أن انتوا مش قادرين تتنفسوا انا بجد تعبت اوي ليه كل دا بيحصل نفسي الاقي حد احكيله كل حياتي وويقولي امشي ازاي من كتر ما انا يأست بقيت ماشيه بضايق كل الناس يمكن حد منهم يكون دعوته قريبه ويدعي عليا اني اموت وتستجيب بجد تعبت كل حاجه مقرفه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_71258 🇪🇬

منذ شهرين

شعور متعب

انا تعبت يا جماعه بجد بحاول اتصنع القوه وانه مش فارق معايا بس من جوايا غير مفيش حد اقدر احكيله ابدا بخاف احكي لأي حد حاجه عني بس انا بشر محتاجه افضفض بس مش بثق في حد و حتى لو حكيت بحس بلإحباط بعد ما احكي😅😥

Coconut_66562 🇪🇬 اختيار الشخص اللي تحكي معاه مهم جدا ... يجب أنه يكون اولا امين وعنده أخلاقية في الخلاف لو كان في دايرة معارفك أو عندك زي البرنامج هنا ممكن تحكي فيه لشخص ميكونش بيحكم على الناس ولو قدم نصيحة بيكون حذر كل الحذر فيها .. وربنا يروق بالك تحياتي

عرض الكل 22 نصيحة

Potato_63928 🇪🇬

منذ شهرين

شعور لا مبالٍ

مجرد فضفضه أنا عيد ميلادي النهارده الموضوع مش مأثر فيا اوي زي زمان لأن كنت بهتم الناس تنزل استوري وكل سنه وانتي طيبه والشغل ده بس بردك مكنش بينزلولي كتير حوالي ٩ بالكتير يعني ،ليا سنتين مبقتش مهتمه السنه ال فاتت كانوا بيبعتوا مسج بس دلوقتي محدش افتكر خالص غير واحده الغريبه أن أنا وهي مش بنتكلم كتير

Chocolate_64293 🇪🇬

منذ شهرين

شعور خجول

فضفضه .. شكرا لنفسي انها لسه مكمله لحد دلوقتي رغم اللي بيحصل ومش بلوم علي الظروف ولا المواقف لا حسيت اني لو مكنتش غلطت م كنتش هعرف الصح طول عمري اهلي هما اللي بيحددوا كل حاجه في حياتي ف انا م اتعاملتش قبل كده مع قسوه العالم لوحدي بس لما اتعاملت من غيرهم اخدت علي دماغي بس فوقت وحسيت اني كان لازم اخد

Almond_70472 🇪🇬

منذ شهرين

شعور مكسور القلب

طيب أنا بقالي ٣ أيام في الشارع وممل لسه كمان ١٢ يوم وكل ده لأني كرامتي نقحه عليا يعني عدت اليومين الي فاتو نمت في الجامع ومقضيها ماء لما خلاص لأني فعلا ماشي من غير ولا جنيه كان آخر عشرين جنيه ع المحفظه طبعا مش ها اعرف اسحبها فا قررت اشحن بيها كرت ومش بشحت بس فضفضه الله ياخدك بالي في بالي 😂

Strawberry_69121 🇪🇬

منذ شهرين

شعور وحيد

موضوع:

امتى حسيت إنك كنت محتاج حد يسمعك وملاقيتش؟

للاسف بعد وفاة امي حسيت اني لوحدي مش قادره اتكلم وافضفض مع اي حد مبقاش في ثقه حتى لاقرب الناس ليا لان كل واحد بياخد الفضفضه دي من وجهة نظره هو وايه الاستفاده والضرر بالنسباله هو وبس مش مهم انا حاسه بايه ودنيتي وللاسف خلاص انا بقيت بعرف كل واحد بيفكر ازاي وهيرد عليا لو اخدت رأيه في اي موضوع ازاي فبطل

Kiwi_65249 🇪🇬

منذ شهرين

شعور مكسور القلب

بصوا انا عاوز افضفض شويه هنا انا عندي ٣٩ سنه منفصل وعايش انا وابني وبنتي باختياري طبعا علشان انا عاوز أحافظ عليهم الحمد لله ناجح في شغلي عندي بيزنس وفعلا شغلي اهم حاجه في حياتي ولكن بصراحه دايما بحس اني ناقصني حاجه جوايا بحس اني وحيد انا الحمد لله رب العالمين بصلي وبقرأ قران مش معنى كلامي اني مش راض

Tofu_69705 🇪🇬 ليه مش عاوز تتجوز طيب

عرض الكل 2 نصيحة

Blueberry_69403 🇪🇬

منذ شهرين

شعور آسف

أو منزلته الابلكشين كنت مبوسطه أن هحكي كل اللي جويا وانا جايه اقول الوقتي اني معتش لقي حاجه جويا اعتقد ان كان ناقصني شعور أن حد ممكن يسمعني واحكي ليه بصراحه عن احساسي بس ولم لقيتوا نسيت أو كنسلت ع اللي عوزه احكي

Strawberry_68947 🇪🇬 لمجرد انك حسيتي انك في مكان امن دا لوحده خلاك تطمني

عرض الكل 15 نصيحة

Orange_69263 🇪🇬

منذ شهرين

شعور وحيد

موضوع:

امتى حسيت إنك كنت محتاج حد يسمعك وملاقيتش؟

علي طول بجد دي قصه حياتي امنيه حياتي الاقي حد يسمعني و يحس بيا من غير ما يحكم عليا و يديني نصايح و محاضرات و يقطمني بس مفيش للاسف و ده عاملي الم شديد لان طبعي بحب الفضفضه لو حد قدر يتخطي المشكله دي يقولي ازاي

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع