انا عندي مرض جلدي(بهاق) وده بيبقي بقع كده في الجسم وهو في جسمي كله من وانا صغيره جدا للأسف مبثقش في نفسي بسبب البهاق ده وبحس دايما ان شكلي وحش ووالدي دايما بيتريق عليه ويفضل يقولي مش عارف هتتجوزي ازاي بالبهاق ده لدرجة ان كان في واحد متقدملي قبل كده وقولتله ان عندي بهاق وكده قالي عادي وأول ما قعد مع بابا قالو انا موافق بيها وهي كده عادي يعني وبابا متكلمش وسكت انا بعاني بسبب الموضوع ده كل مابصاحب بنت لازم تسألني عليه وفي اللي بيتريق وفي اللي بيجبر بخاطري بكلمتين عشان مزعلش بس انا تعبت فعلا ومدايقه جدا اني معنديش ثقه بنفسي واني دايما شايفه نفسي وحشه ده غير والدتي اللي كل شويه تقولي انتي تخينه اوي والسكر هيجيلك وهتتعبي بعد كده وده برضو مضايقني مع ان انا ٧٢كيلو مش عارفه انا كده تخينه ولا لأ بس هي دايما تقولي اني تخينه دايما بتكسف امشي وسط صحابي بسبب شكلي ودايما عايزه ابقي في البيت بجد تعبت كل الناس بتتريق عليه ومفيش حد بيحبني

8

6