معنديش شخصية قوية وبهرب من الواقع لعالم خيالي

Question

انا من وانا صغيره ومش عندي صحاب وديما بتعاني من تنمر بسبب شكلي لان لوني اسمر وده خلاني معنديش شخصي قويه وديما لو حد غلط في انا الي يبدا واعتذر غير اني بقيت شايف إن محدش بيحبني لاني اختي اكبر مني بسنتين واكتر انسانه انا حبيتها في حياتي لكن هي ديما تدعي عليه بكل الدعوي وكمان من كام سنه كانت تفضل تقولي انا بكرهك وحاليا بتقول عليها ضعيفه لاني مش بعرف اخد حقي او مثلا ازعل حد مني وبضتر اهرب من العلام ده واعيش حياه كامله في خيالي وده مخليني مش عارف اعمل اي حاجه خالص ولا عرفه اذاكر ولا اكلم حد بقيت بحب اهرب واخش انام عشان اعيش في خيالي

Strawberry_74772 🇪🇬 · Accepted Answer

دول عايروني و قالولي يا اسمر اللون يا ليلي صحيح انا اسمر ولوني يحبوه كل البيض ياللي مفيش حد بيقيم حد علي اساس الشكل أو العرق أو المعتقدات يعتبر بني ادام سوي و انا من رايي ما مضايق علي نباح الكلاب العنصرية

Cherry_20253 🇪🇬 · Answer

نفس الحياة هنا.

Mango_76448 🇪🇬 · Answer

والله الحياه بقيت صعبه وناس بقيت بتكره الواحد في حياته ويجوا قدامق ويقول لك انت ازاي وحشه واختك حلوا انت بجد اخوات

Grape_76245 🇪🇬 · Answer

لون بشرتك مش عيب: جمال الإنسان مش في لونه
ولا شكله الجمال في شخصيته في قلبه، في روحه. ناس كتير سمر منهم ملكات جمال وفنانين وعلماء 
و صدقيني مفيش احسن من ان الواحد يصاحب نفسه ومع الوقت ربنا هيبعتلك الصاحب او الصاحبه الحقيقه او ابن الحلال  الي يستاهلك ويقدرك ويقف جمبك 
نصيحتي معتيش تفكري كتير وبلاش فكره التعمييم اي نعيم في تنمر بس مش كل الناس متنمره في بردو ناس ولاد حلال الدنيا لسه بخير/❤️

Coffee_56002 🇪🇬 · Answer

والله ي بنتي انا مقتنع ان مفيش حد وحش لان ربنا خلقنا كلنا حلوين واحنا خير خلق الله بس ايل انا فاهمه ان دا نقص ف الناس ايل هي ممكن تشوف وحشه او ضعيفه عيشي حياتك ي بنتي زي مانتي عاوزه محدش ليه عندك حاجه لهما ايل خلقينك ولا ليهم جمايل عليكي

Biscuit_76449 🇪🇬 · Answer

متفهم شعورك ومشاعرك ومن حقك تشعري بالحزن، بس عايزه أقولك أن جزء كبير من علاج المشكلة هو الاعتراف بيها، ثاني حاجه ماحدش هيساعدك قد ما أنت هتساعدي نفسك هتتوجهي لدكتور نفسي أو معالج ثقة اونلاين أو أوفلاين وفي جهات بتقدم الخدمات دي  ببلاش وبمستوى كويس، وهتبدأي تمشي على الخطه العلاجيه وتطوري نفسك 
هتذاكري وهتجيبي درجات كويسه، هتاخدي كورسات، هتلعبي رياضه ، هتطوعي في نشاط بتحبيه، اعملي هواياتك.

Biscuit_76449 🇪🇬 · Answer

طول الوقت قولي لنفسك كلام إيجابي.
ومع الوقت هتبقي واثقة من نفسك وشايفه نفسك جميلة.
وتأكدي أن مش ذنبك ولا غلطك أنت طلعتي سمراء ولا شقراء دي خلقة ربنا وربنا مش بيخلق حاجه وحشه.
وأنت غير مسؤوله عن ده، بس غيرك مسؤولين عن أخلاقهم وتعاملاتهم اللي مش آدميه من الناس عشان دي حاجه هما اكتسبوها ما اتولدوش بيها

Chilli_48447 🇪🇬 · Answer

قولى ليها ان السمار الجمال كله بس انا عارفه انك متغاظه منى 😉🥰
انتى محتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى قرار