موضوع:

تجربتك بعد رجوعك من سفر مدة طويلة؟

اتربيت وقعدت اكتر من نص عمري في السعودية وخلصت دراسة الثانوية فيها والحمد لله. طبعا لازم انزل مصر عشان الجامعة لان مفيش طب للمصريين في السعودية ولقيت نفسي واخد بعضي وماشي وراجع لبلدي الي مكنتش بنزلها إجازات إلا يمكن شهر كل 4 أو 5 سنين. في السعودية كنت المصري الطعمية الي في المدرسة هناك كان فيه ناس من أعظم ما قابلت وفي المدرسة كل السعوديين كنت عرض للتننر منهم. كنت اجتماعي جدا. قولت خلاص خلصنا من الحوارات دي اما انزل مصر. رجعت مصر لقيت كله بيعاملني على أساس السعودي الي جاي يتفسح في مصر. سواء من قرايبي الي بيعاملوني على اني شخص غريب. وفي الجامعة الي بيعاملوني اكني مش مصري. طريقة كلامي عادية جدا ومش متأثرة خالص باللهجة السعودية وعايش طفولتي عالطريقة المصرية بإمتياز. بس تيجي ما بين صحابك في الجامعة مثلا يحسسوك إني واخد مكانهم في طب على الرغم انهم في طب. يقولوا أكيد انتا أهلك معاهم فلوس قد كده أو مثلا يقولوا ان انتا جاي طب بسهولة ومتعبتش في الثانوي عشان توصل لهنا. فالواحد بيتأذى من الحاجات دي. الخلاصة إحساسي إني بقيت زي اللاجئ أو معدوم الجنسية، ولا هنا حاسس إني في بلدي ولا هناك حاسس إني في بلدي ولفي بينا يا دنيا وهنشوف آخرتها.

11

10