التنمر

Biscuit_64034 🇪🇬

منذ 5 ساعات

شعور غاضب

انا بجد مش فاهمة الانسان هيفضل عايش وسط ناس بيأذواه و يضغطواه نفسياً بكل الطرق و اول ما يصووت فيهم بانه خلاص تعب و جاب آخره يقلبوا ملايكة و يفرشوا جناحاتهم قدام كل الناس و يطلعواه هو اللى وحش برضو مع انهم دشملواه ماسابوش فيه حتة سليمة بس برضو هما كويسين و مش قصدهم و يا عيني انت ظالمهم و مفترى و ف

Sugar_73923 🇪🇬

منذ 3 أيام

شعور مكسور القلب

انا عمرى ٢٦ سنه عندى مشكله يواجها من ١٥ سنه أنه شكلى اصغر من سنى بكتيير جدا يعنى حاليا اللى بيصلى يقول عندك ١٨ سنه وده مأثر على كل حاجه فى حياتى اتعرضت التنمر فى المدرسه فى الشارع وفى البيت كمان لدرجه انى فى كليه كنت بخاف اروح المحاضرات علشان مسمعش اى كلمه تضايقنى وده خلانى أسقط المهم انا إلى الآن ل

Waffle_65620 🇸🇦 الناس موراهاش غير انها تهبطك و تتريق وخلاص.. قرب من ناس سويه ونضيفه و فلتر اي حد يقولك كلمه وحشه و اتشغل بنفسك ونجاحك و ترجع بص عليهم ووهم لسه فشله

عرض الكل 4 نصيحة

Pineapple_60236 🇪🇬

منذ 4 أيام

شعور غاضب

هو اخنا يعني لازم نبقى أوساخ عشان نعجب؟ يعني ما ينفعش معاكم غير اللي يديكم بالجزمة!!! الطيب ما بقاش حلو خلاص؟ ليه مش هترتاح غير لما أوريك اني عندي حاجات وحشة زيك بالظبط وليه بتدور على الوحش اللي فيا أصلا م انا عارف انه موجود وبجاهد عشان أخبيه.. ليه عايز تخليني أبقى وحش؟ حلو انت كدا يعني ؟

Apple_72796 🇪🇬

منذ أسبوع واحد

شعور متعب

انا شب 28 سنه بحس دايما بالرفض وعدم القبول من بعض الناس حتا وانا فالكليه علي طول حاسس بده فقرت ادخل فالنشاطات بتاعه الكليه وعرفت ناس كتير اوي بس بردو كنت بحس بالرفض وعدم القبول من بعض الناس مع اني ولا بازي حد ولا ليا دعوه بحد ومش عارف الناس بتعمل معايا كدا لي انا علي طول من وانا صغير الشخص الناس بت

Biscuit_72550 🇪🇬 صدقني لو حاولت تقلل اهتمامك برأي الناس هتلاقي نفسك أهدى ومرتاح أكتر مش كل الناس هتحبك أو تتقبلك، وده طبيعي أهم حاجة ترضي نفسك وتكون مرتاح مع نفسك قبل أي حد تاني

عرض الكل 11 نصيحة

Carrot_52708 🇪🇬

منذ 3 أسابيع

شعور غاضب

أنا تعبت من التمثيل. تعبت أظهر قوي، وأنا من جوّا مليان وجع. كل مرة أفتكر إن شغلي هيقدّرني، ألاقي نفسي باتراجع خطوة. كل مرة أقول "المرّة الجاية هيشوفوا تعبي"، ألاقيهم بيـdowngrade me ويقللوا مني قدام الكل. أنا مش شخص سلبي، بس لما كل اللي حواليّ يقللوا منّي، طبيعي أبدأ أشك في نفسي. أنا كنت فاكر إني ش

Croissant_66460 🇪🇬

منذ 4 أسابيع

شعور ضائع

Coconut_64383 🇴🇲 اهتمي ب شكلك ولبسك و بشرتك وشعرك والألوان اللي تلبسيها وحبي نفسك هيشوفوكي حلوة واحلى كمان مما انتي شايفة شكلك

عرض الكل 12 نصيحة

عبّر عن شعورك بشكل مجهول

اتكلمت قبل كده عن اني مش عارفه احب نفسي واتقبل ذاتي زي ما انا 
ميرسي جدا لكل نصايحكم ممتنه لكل حد كتبلي نصيحه 
حابة اقولكم حاجه يمكن هي سبب اني بحس اني مش بحب نفسي 
وانا صغيرة كنت دايمًا بتعرض للتنمر من اهلي اولا واقرب حد ليا المفروض انا كنت مابين اخواتي الوحيده اللي بشرتي خمرية مش شبههم هما كانوا بشرتهم بيضه وشكلهم كده يعني المهم 
ماما لما كانت تتخانق معايا تشتمني وتقولي ياعبdه والله زي مابقولكم كده مع اني مكنتش سمرا اوي يعني وانا كنت بحب شكلي والله بس انا مكنتش اللي هو عبdه يعني 😂
بس كانت دايمًا لما تخانقني تقولهالي، مع الوقت بدأ حتى اخواتي يقولوها ليا الكلمه دي لما نيجي نتخانق سوا 
بقيت بحس طب انا ليه يارب مش شبه اخواتي ليه انا مش جميله ( اه بالظبط انا دماغي سستمت الجمال على انه للبشره البيضه بس بما انهم مش بيتشتموا بشكلهم)  المهم يعني مع الوقت برضو تعرضت للتنمر في المدرسه بس مش علشان شكلي كان دايما لأني انطوائيه ومش بكلم حد (يمكن علشان كنت بحسني مش جميله؟ مش عارفه) ومكانش عندي صحاب
ما علينا 
لما كبرت بدأت بشرتي عادي تبقى طبيعيه شبه لون معظم المصريين ومع الاهتمام شكلي بقا حلو وزي اخواتي عادي مفرقتش المهم بقا انا مش حاسه اني جميله وده بتأثير من طفولتي بتأثير من لما كنت بتعرض للتنمر من اهلي 
والحمدلله اهلي بطلوا يعايروني بشكلي بس انا لسه فاكره كل كلامهم اللي اتقال ولسه محفور فدماغي مش بنساه 
انا حبيت احكيلكم بما اني معنديش فرصه اروح لثيرابيست اعذروني على الاطاله 😂♥

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_65355 🇪🇬

منذ شهر واحد

شعور محبط

#فضفضه السلام عليكم... انا حابب اقول كلمتين للكل الناس بصفه عامه وللبنات بصفه خاصه ... انا واحد عندي ٣٠ سنه بدور علي عروسه ومش لاقي رغم اني الحمد لله عارف ربنا وبصلي ومقتدر ماديا وعندي شقتي ومحل ... !! طب ليه مش لاقي لان للأسف اتولدت بتشوه في نصف الوجه جهة العين وبعض الاصابع مش كامله ..!!! انا بد

Banana_32966 🇪🇬 فعلا دي ناس مريضه لان ان الانسان مش بشكله وبالذات في الزمن اللي احنا عايشينه ده طالما عنده اخلاق ودين المحترم فده كده انسان عظيم لان في ناس كتير بيبقى شكلها حلو وللاسف ما تتعاشرش فاصبر وان شاء الله هتلاقي بنت الحلال اللي تريح قلبك وتكون بجد زوجه اللي بتتمناها

عرض الكل 21 نصيحة

عبّر عن شعورك بشكل مجهول

#فضفضه

السلام عليكم...
انا حابب اقول كلمتين للكل الناس بصفه عامه وللبنات بصفه خاصه ...
انا واحد عندي ٣٠ سنه بدور علي عروسه ومش لاقي رغم اني الحمد لله عارف ربنا وبصلي ومقتدر ماديا وعندي شقتي ومحل ... !!
طب ليه مش لاقي لان للأسف اتولدت بتشوه في نصف الوجه جهة العين وبعض الاصابع مش كامله ..!!!

انا بدور عن طريق خاطبه ف الاقي الخاطبه بتقولي شوف لك وحده مش مؤهل عالي او عندها اعاقه علشان ترضي بيك حتي لو اعاقه مش ظاهره...

اتكلم عن اهل العروسه.... 
لا احنا مينفعناش حد عنده مشكله .. بنتنا مش اقل من فلانه..!!
مش مسموح حتي بدخولي البيت واقعد اتكلم معاها وتتكلم معايا يمكن يحصل قبول ..!!

اتكلم عن البنت... 
انا ليه اتجوز واحد عنده اعاقه وانا قدامي الشباب الزي الفل كتير ليه احط نفسي ف موقف زميلتي او قريبتي تقولي ملقيتيش غير ده وتتجوزيه...!! ... حبيبتي انتي الهتعيشي مش صاحبتك ولا اختك ولا اهلك علشان تسمعي لتفكيرهم المعاق اسف ف الكلمه يعني .. انتي لو مرتاحه كملي وحطي صوابعك ف عين التخين وخدي الخطوه ووافقي وخلي عندك اصرار لللموضوع مش علشان حد قالك كلمتين يبقي هو صح .. لا اقعدي معاه شوفيه اسمعيه افهميه مش شرط من اول مره اطلبي يكون في قعده تانيه لكن مش من قبل ما يدخل تسمعي لكلام الحوليكي او لنفسك دي مصيبه في حد ذاتها..

اتكلم عن الحياه بشكل عام ...!! 
للاسف لا عارف اشتغل في مكان كويس مع ان عندي خبره ف مجال الكمبيوتر وحاليا بدرس برمجه 
ولا لاقي اصحاب بجد وتقريبا كده بقت كلها مصالح اليومين دول

طب الزيي يعمل اي يموت نفسه ؟! مش منطقي اكيد ..!!.
طب انت راضي .. ايوه راضي ومقتنع مليون ف الميه بقضاء ربنا وقدره وان الله اذا احب عبد ابتلاه .. ❤️

انا نفسي اقول كلمه لكل حد بيفكر كده سواء الاهل او البنت او حتي الراجل انه يصاحب راجل زيه بس عنده مشكله وبيرفض  مصاحبته اقسم بالله انتو الناس مريضه ومعاقه فكرياً وذهنياً لا الشكل بيدوم ولا الفلوس بتدوم ولا الصحه بتدوم بس الانسان لما يبقي ابيض ونضيف من جواه دي بالدنيا ومافيها .. واقسم بالله كل واحد قال كلمه او اتصرف تصرف وجرح بيها حد لهتترد له بس ف وقتها وساعتها هيفتكر كلمته القالها او التصرف العمله تجاه واحد زيي (الدنيا سلف ودين) وهيترد لك قبل ما تتكفن وتدخل قبرك ..!!

مش علشان اتولدت بابتلاء ف يتكتب عليا اعيش حياتي محروم من حجات كتير زي اني اشتغل شغل كويس ف مكان كويس من غير تنمر وحقد ولا ياعم دا انت ٥%  +  ارتبط ببنت كويسه + الاقي صاحب وراجل جدع ف ضهري لكن احنا ف مجتماعتنا العربيه بنفكر بعقلنا وبنفكر ف كلام الناس قبل ما بنشوف احنا عايزين اي علشان نشوف احنا لو عملنا الاحنا عايزينه ده الناس هتقول علينا اي لو كلام حلو تمام نتوكل علي الله ولو كلام وحش لا ياعم فكك ونكبر دماغنا ...

ملحوظه مهمه جدا الكلام للفئه المقصوده من الناس دي الهم الاغلبيه العظمي الباقي الا من رحم ربي تفكيرهم العكس تماما ...
ملحوظه كمان انا مش داخل اقول الكلمتين دول علشان الاقي حد يقولي كلمني هجوزك او كلمني هنبقي اصحاب ..

لا تسلم اوتسلمي .. ربنا عارف انا شوفت اي وعيشت اي وحاسس ب اي وقادر يعوضني فغمضة عين عن كل حاجه حصلت وانا مستني عوضه بجد سواء ف شغل كويس او زوجه صالحه او صاحب راجل ف ضهري ومحسش اني لوحدي ف الدنيا ومش من حقي اعيش زيي زي اي انسان سوي  يمكن اكون مستعجل وده بسبب النفسيه الادمرت من كلام وتصرفات الناس بس انا متاكد ان فرج ربنا كبير وجاي .. 
الحمد لله انا عايش حياتي كويس زيي زي اي حد بالعكس ممكن اكون احسن وده مش تنمر بس زي ما بيقولو من شاف بلاوي الناس هانت عليه بلوته .. !!

حبيت افضفض مش اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_54845 🇪🇬

منذ شهرين

شعور غير مكتمل

Sugar_59199 🇪🇬 ممكن لو هو محترم وكويس وبيحبك انتو الاتنين تساعدوا وتشجعوا بعض تروحوا الجيم وكده وممكن لو اتعاملتي معاه اكتر تحبيه بس لو انتي مش متقبلاه ومش حباه ورفضاه تماما ساعتها ممكن تتكلمي معاهم تاني أو اتكلمي معاه قوليله انك مش مرتاحه ومش عايزه دلوقتي وانت شخص كويس وربنا يوفقك او ممكن تدخلي حد من قرايبك في الموضوع وانتي مش معيوبه ولا الكلام ده انتي جميله وشكلك طيبه فبلاش تقولي كده وربنا يسعدك يارب

عرض الكل 32 نصيحة

عبّر عن شعورك بشكل مجهول

طولي 178 وزني 120 عارفه اني اوفر ويت بس بسبب الطول ده مش بابن اوي و لكن لا يمنع اني ممكن يتقال عني تخينه ماعنديش مشكله في ده عندي 25 ينه اتقدملي عريس اطول و اتخن بكتير تقريبا قدي مرتين عنده 29 سنه اول ما شوفته اتخضيت و ماتقبلتوش العيله كلها ضدي عشان معترضه علي شكله و ان المفروض العلي رايه باطحه يحسس عليها ماينفعش ابقي تخينه و طويله و عريضه و اعترض عليه و كل واحد عنده عيوب و لازم يضحي بعد خناقات كتير كبيره فشخ اني قالتلي بابا هو اليرفض او يوافق مش انتي اصلا روحت قولت لماما علي اساس بابا الهيتجوزه بابا الهينام معاه علي نفس السرير بابا الهيقربله ماما زعقت فيا و شتمتني و قالتلي انتي قليله الادب و ده كلام مايتقالش طب ما انا قولت بكله الطرق المؤدبه في الدنيا ماتسمعش اعمل ايه قولته صريح بردو عيب و ماينفع و لازم اتنازل و اقبل بيه حتي لو مش متقبلاه عشان مش هلاقي حد يوافق بيا بحجمي ده بعد كده و ماما الهي امي بتقولي انتي ماتسويش حاحه اصلا في سوق البنات و احمدي ربنا ان حد وافق بيكي بمنظرك ده و تحمدي ربنا عشان غيره حتي لو خسيتي و رضي بيكي هيزلك قدام بما تخلفي و ترجعي تتخني تاني ده متقبلك زي ما انتي ما لازم يتقبلي هو مش شايف نفسه عامل ازاي تقولي عادي هو راجل مع ان سبحان الله اخويا 22 سنه لسه طالعله كرس السنادي في كل الرايحه و الجايه تقوله ايه المنظر ده و تتنمر عليه لما قعد معاه و قولتها ده بكرش قد كده قالتلي فين ده ماعندوش لما قولتلها انتي قولتي انا لو قعدت معاه و لقيته تخين اكيد مش هقبل بيه لبنتي و وقعدتي و طلع تخين قبلتي ليه انا معرفش هيجوزوني غصب عشان انا معيوبه و ماتعدش علي البنات بسبب طولي و وزني الهنا اصلا وراثه من عيلتها ….

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_51170 🇪🇬

منذ 4 أشهر

شعور عاطفي

كنت عند جدتي في العيد جدتي قعدت تعلق على وزني وقعدت تقول اني مليانه على الفاضي وقالت كده قدام ولاد عمي وهما كبار وكل مره اروح تقولي نفس الكلام وقدامهم جيت لبست بيجامه جيه ابن عمي الصغير قعد يقولي اني تخينه وقعد يحلف وقعد يقول كلام لدرجه اني عيطت واخويا طول ما احنا هناك بيعاملني اسوء معامله كل ما اتك

Watermelon_28759 🇪🇬

منذ 7 أشهر

شعور مكتئب

عبّر عن شعورك بشكل مجهول

بدون مقدمات هبدأ على طول 
انا بنت عادية بس من سن حوالي رابعة او خامسة ابتدائي بدأ وزني يزيد .. كنت بحب الاكل .. اهلي كانوا بيلفتوا نظري لكن للاسف كان بطريقة مباشرة .. اكيد مش اقسي طريقة في الدنيا بس كنت بتجرح .. في الاول والاخر كنت طفلة .. بدات اسمع تعليقات مش لطيفة في المدرسة ومن اهلي واحيانا كان بيبقى نقاش حاد مع حد من اهلي .. كرهت نفسي .. حاولت اكتر من مرة اقلل وزني وبفشل .. بطلع غلي في الاكل .. بشوفه مصدر سعادة .. بقيت بكره شكلي في الصور مع اني ميبانش عليا خالص قد اي انا بكره نفسي لاني شخص معروف انه فرفوش ودمه خفيف ومش بحب احكي الموضوع دة .. دايما لما صحابب بيتكلموا بين بعضهم عن الوزن عامةً مش عليا بحس باحراج ومش بشارك في الحديث وبسيبهم هم يتكلموا .. الموضوع عمال يزيد .. انا بحاول انظم اكلي بس انا بجد بقيت بكره شكلي .. بكره نفسي .. دايما مش مرتاحة .. حتى وانا قاعدة لوحدي بفكر قد اي انا مستحقش حد يبصلي حتى وان ازاي فيه ناس مستحملة شكلي .. مع اني ملامحي مش وحشة يعني اصنف عادية ووانا صغيرة كان الكل بيشوفني جميلة بس لما وزني زاد بقيت بسوف نفسي ابشع واحدة في الدنيا .. الموضوع اثر حتى على مذاكرتي .. بقيت مش طايقة حاجة .. مش طايقة اذاكر مش طايقة اتكلم مع حد .. دايما نفسيتي تعبانة ودايما بحس اني مستحقش اكل .. لو حد عنده طريقة كويسة اقل بيها وزن و ازاي على الاقل اتقبل نفسي اكون شاكرة جدا واتمنى محدش يقول كلام مش لطيف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_21153 🇪🇬

منذ 7 أشهر

شعور لا مبالٍ

عبّر عن شعورك بشكل مجهول

التنمر الموضوع بعيد عن ان هو يعني بيادي المصايب كثير وحاجات كثير جدا وفي ناس بيجي لها امراض نفسيه واكتئاب وادي المصائب اكبر بكثير
بص يا اخويا واختي انت لو عندك اي حاجه مش عاجباك في نفسك او مخلياك مش واثق في نفسك دي غلطه منك وفي غلط كبير جدا من اللي حواليك بس كونك صدقت منهم حاجه زي دي يبقا انت عندك مشكله ف عقلك 
بص يا حبيبي ربنا سبحانه وتعالى قال ( لا يسخر قوم من قوم عسى ان يكونوا خيرا منهم ) 
ودا كلام ربنا وانت كواحد لما تتريق انت كدا مش بتعيب ف الشخص انت بتعيب ف خلق الله وخد التقيله انت كمان بتكدب القرءان اه بتكدب القرءان ودا كفر 
ربنا سبحانه وتعالى قال( ولقد الانسان في احسن تقويم)
وقال كمان( وصوركم فاحسن صوركم ) 
ربنا بيقول ف القرءان فاحسن صوركم وفي احسن تقويم 
وتيجي انت تقول مناخيرك كبيره ، صوتك رفيع، انت قصير، انت..... 
ف اللي انت بتعمله دا مصيبه كبيره جدا ووزرها ضخم ربنا يعافينا 
ومفيش حاجه اسمها عيب خلقي الكلمه دي حرام لان مفيش عيب ف خلق الله 
واخيرا يصديقي انت جميل مهما كان كلام الناس عنك اي لان ربنا خلقك ف احسن واجمل صورة متاخدش كلام حد وتخليه يضايقك 
ربنا سبحانه وتعالى قال( وخيركم عند الله اتقاكم ) يعني مفيش حد مميز عن غيره الا بالتقوي والعمل الصالح 
# ابتسم فانت جميل

بعيد نشر حاجات كنت منزلها قبل كدا لعل حد يستفيد
ومتنسوش جدودي الله يرحمهم من دعائكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_48998 🇲🇦

منذ 8 أشهر

شعور غير مكتمل

مرحبا👋. *راح احكيلكن موقف عن سخرية القدر. _ انا كشخصية بكرھ العنصرية والتمييز أشد كرھ .وبشجع الناس لحوالاي انھم يتقبل نفسھم +(انا أؤمن انا الجمال نسبي وان الجمال العقلي بمقدورته تغيير ملامح الشخص ) حتى ھما نفسھم بيشوفوني قدوة في القوة والثقة بالنفس وقوة شخصية ، لكن أنا عكس ذلك لاني مابحبش كثير

Watermelon_50460 🇮🇹

منذ 8 أشهر

شعور مرتبك

في ناس غريبه بجد تكون كويس ومحترم معاهم وهما تقريبا بيفكروك طيب وساذج لكن لو اتعملت معاهم ب قله زوق زيهم دا عادي نشوف وحدة لبسه كويس شيخه او لبسه خمار أنا كنت عايزة البس الخمار اقرب الناس ليا اخواتي وقالولي لاء هايكبرك هايخلي شكلك وحش لكن لو متبرجه ورقابتك باينه دا عادي احنا ازاي كدا واحنا مسلمين حت

Strawberry_41532 🇪🇬

منذ 8 أشهر

شعور مكسور القلب

كنت عامله حادثه وانا صغيره ومن ساعتها وكل حاجه اتغيرت فقدت عين واحده بقيت معنديش ثقه فى نفسى وبقيت حسه ان قليله ومفيش حد هيحبنى رغم أن مش وحشه بقيت عوزه اخبى عينى من الناس اتعرتض للى التنمر كتير واخويه هو السبب وهو عايش حياته عادى ونا بتعذي رغم أن بقول الحمدلله بس زعلانه الحادثه دى عده عليه 10سنين

Strawberry_49821 🇪🇬 يروحى انتى خلى سلامك النفسى يسيطر على مشاعرك اكتر من كدة والتنمر دة بيجرح الشخص لما يكون عايز يصدق اللى اتقال عنه ف انتى سيبى اللى يتكلم يتكلم اللى يقول يقول وروقى دماغك كدة وهتلاقى اللى يحبك ونصيبك موجود ومكتوبلك متقلقيش وافتكرى كمان ان جزء منك سبقك للجنة بإذن الله

عرض الكل 3 نصيحة

Broccoli_33441 🇪🇬

منذ 8 أشهر

شعور متعب

انا من وانا صغيرة بتعرض للتنمر بشبب وزني انا كنت 37 كيلو ومشيت علي نظام غذايي وبقيت 50 كيلو وتعبت اوب علشان اوصل للوزن دا هل كدا مناسب ولا احاول تاني لاني زهقت من التنمرومهما بحاول بحس انه مش كفايه وانهم هيرجعوا يتنمروا عليا تاني اعمل اي وانا 18 سنه

Coffee_40196 🇪🇬 في تطبيقات ومواقع بتحسب الوزن معتدل ولا فيه نحافة عن طريق الوزن والطول والسن. ابحثي عن BMI على جوجل وشوفي وزنك المعتدل من كام لكام. مهم انك توصلي للوزن اللي تكوني راضية عنه ومقتنعة بيه وسيبك من رضا الناس. عايزك تلاحظي اللي بيتنمروا عليكي هتلاقيهم عندهم زيادة كبيرة في الوزن أو نحافة وهيفضلوا يتنمروا عشان هما عندهم مشاكل نفسية وعدم رضا عن نفسهم فبيعملوا حيلة نفسية أنهم يعيبوا غيرهم

عرض الكل 5 نصيحة

Ice Cream_72258 🇪🇬

حد عايز يتكلم؟ أنا متاح دلوقتي

حد عايز يتكلم انا متاح ،،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء ،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء ،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،،،،،،،،،،،،،،،،،،،،،،،،ء،،ء،ء،ء،ء،ء،ء،ء،ء،،،ء،ء،ءء،ء،ء،،ءء،،ء،ءء،،ءء،ء،ء ...عرض المزيد

0 الدعم

0 نصيحة

Potato_64725 🇪🇬

محبط وعايش لوحدي من 4 سنين ومش عارف أتقرب من حد

انا محبط جدا بسبب ان الواحد بقالو 4 سنين لوحدو مش بتكلم ولا برغي ولا حياتي فيها حد شغل 12 ساعه بروح اكل وانام وطول الاسبوع عايش زي اللي مش عايشين مش عارف اقرب من اي واحده لان مفيش واحده مناسبه بسبب علاقات سابقه بقيت مش عايش حرفيا بقيت كئيب ومش بتكلم وهيجرالي حاجه موضوع بقا تقيل جدا عليا 😢😢 ...عرض المزيد

0 الدعم

0 نصيحة

Pistachio_74417 🇪🇬

كنت جدع مع صحابي ومحدش حس بيا.. الوحده بتقتلني

انا كنت الصاحب اللي اي حد يتمناه حرفيا كنت بفضي نفسي لو حد من صحابي احتاجني كنت ديما بكلمهم اطمن عليهم لو حد غاب برن اتطمن عليه وبكلمهم انزل اقعد معاهم واقابلهم واعمل كل حاجه حرفيا وكنت جدع مع الغريب قبل القريب قعدت سنتين علي الحال دهمش حاسس بقيمتي عند حد لحد ما بلكتهم واحد واحد وصحيت حساباتي وانا حاليا الوحده بتقتلني حد عنده حل ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع