كنت بحب واحدة ايام الكلية وهي كمان كانت بتبادلني نفس المشاعر واخر يوم في الامتحانات قلتلها اني عايز اتقدملها رسمي وهي ادتني وقم مامتها وخليت مامتي فعلا تكلمها وكانت مرحبة جدا بموضوع الارتباط بس الوقت مش مناسب ليهم للخطوة دي بسبب مرض باباها بس والدتها ووالدتي اتصاحبوا مع بعض شهور لدرجة بيسألو على بعض كتير وبيصحوا بعض للفجر، المهم مرة واحدة الاتصالات اتقطعت ومابقيتش بترد على والدتي وهي كمان مكانتش بترد عليا وانا حزنت وقتها ان الموضوع انتهى على كدة خصوصا اني مش عارف ايه اللي حصل. بعد كدة والدتي جالها سرطان واتسحلت معاها كذا سنة لحد في الاخر ما اتوفت. لقيت البنت دي بتكلمني بعد وفاة ماما وبتعزيني وانا عرفت منها ان بابها اتوفى وفضلنا نتكلم بالايام ونسأل على بعض ولما جيت افاتحها في موضوع الارتباط تاني اتهربت ومابقيتش ترد عليا وقتها انا جاتلي صدمة ماتحملتش تعمل فيا كدة تاني وتبعد من غير أسباب وخصوصا انى لسه في صدمة وفاة والدتي وجالي اكتئاب وقعدت كذا سنة اتعالج منه واتعالجت الحمد لله. بعد كدة اتعرفت على واحدة وحبينا بعض واتجوزنا فعلا وخلفت منها. مراتي عندها مرض نفسي إكتئاب ثنائي القطب وانا كنت عارف كدة قبل الجواز ووافقت اكمل معاها وكنت سند وداعم ليها واتحسنت كتير بس مازالت بتاخد ادوية لانها ماتقدرش تبطلها. حصلت مشاكل كتير مابيننا بسبب انها مش بتقدر تعمل حاجات مهمة في الجواز بسبب مرضها وبعدها بكذا سنة جالي اكتئاب وفضلت كذا سنة بتعالج لغاية دلوقتى وهي مش قادرة تبقى الداعم ليا في الوقت دا. المهم اني طول السينين دي انا مانسيتش حبى الاول أو مراتي ما قدرتش تنسيني الحب ده والبنت اللي كنت بحبها مازالت على بالي ومش قادر أنساها خالص. انا بحاول افضفض هنا وأطلع اللي جوايا لاني مش لاقي حد يقدر يسمع منى الكلام دا وكنت أتمنى ان مراتي هي اللي تسمعني بس للأسف مش قادرة تعمل الدور دا. الداكترة النفسيين اللي بروحلهم نصحوني أتجوز تاني بس موضوع الجواز بالنسبة ليا لازم يبقى عن حب مش جواز لمجرد الجواز. محتار جدا ومضغوط جدا جدا ومش بنام بالايام من كتر التفكير وعندي over thinking هيموتني

2

3