مش قادره انسي خيانته وبعيش معاه عشان بنتنا

Question

مش قادره انسي خيانته ليا وبفتكر كل يوم اللي حصل بالتفصيل وبفضل اعيط، ومضطره اعيش معاه عشان بنتنا، مش عارفه انا بحبه ولا كنت بحبه، بس بحس اني مش طايقاه او محبتي ليه قلت او بتقل مش قادره احدد مشاعري، عندي كمية غضب جوايا بس ف نفس الوقت بتعامل معاه عادي وبعيط مع نفسي

Sugar_71625 🇪🇬 · Accepted Answer

لو مجرد خيلنه شات ولا فون وكلام عيال من ده انسى لان دى بتبقى هطل من البنى ادم ومش بيحس انها خيانه اعتبريه متخلف لكن لو علاقه جنسيه حقيقه قدام عينك مقدرش اقولك انسى لكن فكريه بربنا وخليه يحس انه لازم يوب بجد ووقتها لو تاب فعلا وانتى ؤجعتى بتاعه زمان فانشاء الله ربك كرمه كبير ليكى بس افتحى قلبك بجد

Banana_66333 🇪🇬 · Answer

وجهي واتكلمي معاه متكتميش الغضب دا

Chocolate_71634 🇪🇬 · Answer

وقتها وايامها كنت بفضل اتخانق واطلع الغضب ده ووصلت للطلاق وروحنا للمأذون فعلاً بس المأذون لما عرف اني حامل عطلها وقعد ف شد وجذب لحد مارجعنا تاني، بس اتغيرنا للأسوء وبقينا بنتخانق اكتر

Chocolate_71634 🇪🇬 · Answer

هي كانت علاقة حقيقة بس ماشوفتهاش بعيني، كلامهم كان باين اوي ان حصل بينهم حاجة

Chocolate_71634 🇪🇬 · Answer

انا بحاول اصبر والله وبصبر نفسي واني هنسي بس مش قادره، مع اول مشكلة بينا بفتكر كل حاجة وبحس اني عايزه امشي

Chocolate_71634 🇪🇬 · Answer

واتواصلت مع دكاتره نفسيين كتييييير واخدت ادوية بس مفيش فايده

Marshmallow_71628 🇪🇬 · Answer

طيب اهم سؤال انتي شايفه ايه الصح عشان صحه بنتك النفسيه تسيبيه ولا تكملي وهل لما تنفصلي ايه عواقب الانفصال واهم حاجه ايه الوصله لكدا طبع عنده ولا غلطه ومس هتكرر ولا تقصير من عندك

Olive_53202 🇪🇬 · Answer

يعني انتي بتبني الخيانه علي اساس فرضيه في دماغك من غير متشوفي حاجه او يكون عندك دليل متاكده منه دا ظلم كبير ليكي وليه برضو مفيش دواه بيعالج جروق القلب بطلي اي دواه علشان هيتعبك جسديا ونفسيا اكتر انا دكتور وعارف بقول اي كويس

Ice Cream_59172 🇪🇬 · Answer

حاجه تزعل احنا كا رجاله متربناش الصراحه وهوا المفروض من اول يوم خطوبه ينسى اى حاجه تانيه ويحافظ عليكى طبعا هوا غلطان محدش ينكر بس انتى عدى ..عديها عشان خاطر البنت وعشان بردو متضغطيش نفسك نفسيا خدى الموضوع بصدر رحب وبعديها اقعدى اتكلمى معاه وعاتبيه وطلعى طاقتك فيه

Sugar_58312 🇪🇬 · Answer

بلاش تدورى على خراب بيتك 
هو خلاص غلط وانت عرفتى 
يبقى تقعدى معاه وتبدأى الكلام تقوليله انا عايز اتكلم معاك كأننا اصحاب وبشتكيلك منك وتطلعى كل اللى جواكى بس بدون تجريح فى الكلام وبدون صوت عالى 
اتكلمى بحب 
وبعد ما تخلصى كلامك 
قوليله ليه عملت كده واعرفى هل انت قصرت فى حاجة معاه ولا لا
وخلى مشاكل بيتك مقفوله عليكم 
وحاولوا انتوا الاتنين تخلقوا الحب بينكم من جديد
وعرفيه ان هو سندك وضهرك ومعندكيش غير

Banana_71646 🇪🇬 · Answer

سامحيه النسوان حلوين و الواحد بيضعف😂

Chocolate_71634 🇪🇬 · Answer

مش عايزه احرمها م باباها ولا تتربي م غيره عشان صحتها النفسية ماتتأثرش هو بيعاملها بحب وحنية وكويس معاها، ف نفس الوقت بنتخانق كتير قدامها ومفيش بينا احترام، مش قادره احدد العواقب بس شايفه اني اقدر اعتمد ع نفسي كليا واربيها، واللي حصل قال انها غلطة ومش هتتكرر ومش هنكر انها اغوته ولفت عليه منها لله

Chocolate_71634 🇪🇬 · Answer

لا مش فرضية م دماغي انا شوفت كل حاجة ع الموبايل وكلامهم سوا وهو اعترف وعرف الاهل

Chocolate_71634 🇪🇬 · Answer

عملت كل ده بس بيشوف اني بعلقله حبل المشنقة ف الاول كان متقبل اي حاجة بقولها دلوقتي لو ذكرت الموضوع او لمحت غضب عني بيتضايق وبحسه مش فارق معاه، هو كان كويس جداً واحنا اصلا كنا بنحب بعض قبل الجواز كذا سنة بس بعد الجواز اكتشفت انه كان راسم شخصية غير الحقيقة وان ف بلاوي معرفهاش زي انه مابيصليش ومدخن شره وبيشرب مخدرات

Chocolate_71634 🇪🇬 · Answer

الكلام ده بقاله اكتر م سنة واتكلمنا وعرفنا الاهل اصلا وكنا هننفصل ورجعنا بس انا مش قادره اتخطي

Chocolate_71634 🇪🇬 · Answer

؟!

Sugar_58312 🇪🇬 · Answer

طيب حاولى تقعدى معاه زى ما قولتلك وطلعى اللى جواكى بهدوء 
دورى على انك تلمى بيتك واسرتك حواليكى

Chocolate_71634 🇪🇬 · Answer

مابقيناش بنحب نتكلم ف الموضوع عشان بيقلب بخناقة، انا بحاول والله بس الموضوع صعب اوي اوي

Sugar_58312 🇪🇬 · Answer

طيب انت فى كلام عايزه تقوليه وشايفه انه صعب تقوليه ؟ 
ما انتم مالكمش الا بعض علشان بنتك
فا لازم تكون الدنيا بينكم كويسة علشان بنتك تطلع كويسة 
مينفعش يكون فى خلافات بينكم قدامها 
الانفصال مش حل صح
بنتك هتكبر وعايز تحس احساس الابوية والامومة
ولازم تحس انها وسط اسرة قوية 
علشان متطلعش ضعيفة ومش واثقة من نفسها

Chocolate_71634 🇪🇬 · Answer

مش موضوع كلام مش عارفه اقوله، انا كل مابتكلم بحس برضو ان لسه ف نار قايده جوايا وماطلعتش اللي جوايا ودايما دماغي شغاله وبتفكر ف اللي فات وبتعامل عادي خالص مابحسسوش بحاجة، بس انا بقيت حزينة طول الوقت ومنطفية جدا

Banana_71646 🇪🇬 · Answer

مش ادره تتقبلى الموضوع

Sugar_58312 🇪🇬 · Answer

طيب خلينا نتكلم اكتر واحاول افيدك بحاجة لو اعرف 
علشان اللى انت فيه ده هيأثر على بنتك