مش قادرة اتعايش حاسة باستنزاف بقالى سنة ونص فى نفس الاكتئاب حتى بعد ما فى حاجات اتغيرت ومهما احاول وافرح نفس الحالة بترجعلى ومش عايزة اعيش ومش عارفة اموت مش عايزة اكون كئيبة وتعبت وبحاول بس بجد حالتى النفسية بتسوء مهما أحاول وخسرت كل حاجه ومش عارفة ارجع حاجة وحتى ابسط هواياتى ونفسى مش قادرة اتعامل مع نفسى بقيت بحسنى شخصين ولما الأفكار تبقى فى دماغى كتير بسبب اصوات بتفكر كتير بسكته أو اضرب دماغى عشان يهدى أنا كان عندى وعى كبير بس كتر التفكير اتقلب ضدى وبيستنزفنى الفضفضة بتصبر شوية بس مش بتعملى حاجه ومش عارفة اساعد نفسى ومحدش بيعرف بردو لان حاولت اطلب المساعده قبل كده وكل مرة سواء فى اى حاجه محدش بيساعد ومحدش يقولى روحى لدكتور لان مش هعرف اقول لأهلى ومش هينفع أخرج من وراهم عشان انا بنت وفوق كده الوضع المادى سىء حاسة انى مش عايشة مش عارفة بجد اعمل اى ولا اتقبل الشعور واحاول اتعايش وخلاص حتى لو ملقتش سبب أعيش عشانه بس ده بردو بيستنزفنى وبيبعدنى عن ربنا لأن حتى العبادة بتكون من غير روح أنا بجد تايهه مش لاقية معنى لأى حاجه لا للحياة ولا للموت والآخرة والجنة والنار ولا اى حاجه ومع ذلك اللى بيصبرنى يقين بربنا مش اكتر واللى عايزة مساعدة فيه ازاى أخرج من ده ازاى ارجع للحياة ؟ حاولت كتير وبفشل كالعادة ..

6

8