مساء الخير انا اول مره اكتب هنا واترددت شويه كتير بس من الزهق والخنقه قررت انا عايزه افهم لما الواحد يكون واصل انو مش عايز يقعد مع اهلو ولا بقي حاببهم وصحابه نصهم واكتر قطع علاقتو بيهم والرجاله والحب مبقاش عنده ثقه ١ ٪ فيهم والشغل والفلوس وتحقيق الاحلام بقوا حاحه من اتنين ياتوصلها وانت متغمض متبصش لا حلال ولا حرام يا تنفض من حلم حلم لغايه متتجوزي زي باقي القطيع يبقي احنا عايشين بنعمل اي يعني! وعن الحلول ف انا جربت كلوكتابه وتعبير وترتيب عن مشاعري عملت دكاتره نفسيه وروحت سيبان البيت ووصلتله وعملته ورجعت ارتباط ورجاله فشخوا حياتي اكتر مكانت خربانه وملقتش برضو اللي شبهي ولا دماغنا واحده والوحيدة اللي كانت معيشاني ف الدنيا ومصبراني ماتت اختي والراجل الوحيد اللي حبني وحبتو واتخطبتلوا وانا صغيره مكملتش ومطلعش نصيبي ودلوقتي انا ٢٥ سنه ومعايا كارنيه المحاميه واسمي محاميه وبيقولوا اني جميله واني اخلاقي كويسه اوي لدرجه اني مش عارفه اعيش في الدنيا حاسه اني وضوحي ودماغي متنسبش الكوكب والناس اللي عايشه معاهم فكرت ف الانتحار كتير بس برجع اقول مش عايزه اموت كافره بعد كل المجاهده اللي عشت عمري كله اجاهدها لنفسي دي مش دلوقتي بقيت مبقيت ملتزمه ع الصلاه بعد متوبت من الشباب والارتباط والعلاقات المحرمه بعد متغيرت في شخصيتي كتير ووعيتها ونضجتها بس حقيقي الواحد كل يوم بيصحي مش عارفه هو بيصحي ليه ومحدش يقولي قربي من ربنا واحنا هنا ع نعبد ربنا وكلام بديهي معروف عشان هشتمه

5

19