مش عارف انساها واتخطبت وعاوز حد يهتم بيا

Question

انا كنت بعمل عمره انا واختي واحنا راجعين شوفت بنات اخوات كانوا معانا في العمره واحده منهم عجبتني وكانت صيدلانيه اعجبتني جدا ومن البنات الي بدور عليها، كلمت اختي تكلمها وقالت حاضر بس طلعت منتظره حد من زميلها يخطبها 
مش عارف يمكن علشان هيا خريجة صيدله وانا اداب بس انا كملت تعليم في الجامعة الألمانية وهكمل تاني في اسليسكا الفرنسيه 
بس مش عارف انساها وببعتلها ع الواتس وأسلم عليها وخلاص ، هيا اتخطبتي وبالتالي مش عارف اتكلم أو انطق وعارف أنها عارفه وحاسه بس حتى حصل خلاف بينها وبين اختي في الآراء وزعلت من اختي

مش عارف اعمل ايه وانا اصلا 32 سنه وتعبان وهلكان مش بصاحب بنات وعاوز افضل كويس أحد اما اتجوز وارضي ربنا بس انا تعبت عاوز حد يهتم بيا واهتم بيه

Banana_65139 🇪🇬 · Accepted Answer

انساها يا صاحبي انت بتقول اتخطبت معني كده انها مش كدبت عليك ممكن تكون فعلا كانت بتحب حد وهو اللي اتقدم لها في بنات كتير جدا المهم المكان اللي تدور فيه خلي اختك او والدتك يدوروا لك علي المواصفات اللي انت عايزها بلاش تفضل أسير لواحده هي مش شايفاك وكمان بقيت لواحد غيرك

Avocado_66904 🇪🇬 · Answer

انا فاهمك وبحاول والله 
احنا ك شباب انت عارف البنات عاملين ازاي دلوقتي والموضوع فعلاً بقى صعب ومرهق انك تلاقي بنت تصلح زوجه وام

انا فعلاً بعمل كده، دعواتك

French Fries_66568 🇪🇬 · Answer

الي يبيعك بيعه هيه مش احسن منك في حاجه عشان تقلل من نفسك وتتمسح فيها كبير دماغك منها وهيجي الي احسن منها

Banana_65139 🇪🇬 · Answer

ربنا يوفقك يا صاحبي بس صدقني لسه في بنات ناس كويسه دور وهتلاقي واكيد اختك عندها صحاب واكيد اخلاقهم زي اختك فاختك تعرفك بيهم وممكن يطلع لك نصيب فيهم

Avocado_68382 🇪🇬 · Answer

متدورش علي حد يهتم بيك ويأدي الغرض المطلوب حاليا 
عشان مبجرد دا يحصل هتكنسل الشخصية وتشوف نفسك عليه وتبدأ تحصل أنانية للاسف 
انت سنك مناسب للزواج يبقا هتدور ع الشخصية المناسبة اللي تنفع تبقا زوجة عشان يبقا ف بيت مستقر وتشتغل علي نفسك انك تبقا زوج مناسب وأب مسئول الاهتمام هييجي والحب والاعجاب بس ف مرحلة معينة بعد ما تقرر بعقلك متمشيش ورا النفس الامارة بالسوء وخلي نيتك دايما خير