حاسس إني رجعت للصفر تاني بعد الفراق

Question

بعد ماقررت تنهي العلاقة وتفركش الخطوبة ودا كان قرارها لواحدها رجعت بعتتلي وكلمتني امبارح وللاسف رديت عليها..
حاسس اني رجعت للصفر تاني بعد مرور شهرين بحاول اعمل فيهم كل حاجة ممكن تتعمل عشان اتخطى واكمل حياتي..
غلطت في حقي كتير جدا جدا وعملت كل حاجة ممكن تنهي العلاقة وانا كنت دايما بعديلها ومن ربع غلطة مني قررت تمشي وترجع عادي ومش عايزة تستوعب انها اللي هدت كل حاجة وماينفعش يكون في رجوع..
اعمل ايه؟

Apple_53375 🇪🇬 · Accepted Answer

بص انت عملت كل الصح بس لازم تسمحها من حياتك و شوف حد يكون احسن منها يبحبك و عايزك و متمسك بيك و مستعد يضحي عشانك بس بطريقه صح

Grape_53277 🇪🇬 · Answer

واجهها بكل الكلام اللي جواك لو كان ردها ايجابي كمل 
بس لو كان ردها سلبي وبتغلطك فكرامتك وراحتك النفسيه فوق كل شيئ يبني 
انتو حاليا مش مع بعض طول اليوم لو ملقتوش حل لمشاكلكم صدقني مش هتتهنوا في حياتكم مع بعض عشان هيبقا وشكم في وش بعض طول الوقت بعد الجواز

Grape_53277 🇪🇬 · Answer

انا برضو لسه موصلتش لمرحله الخطوبه زيك وميبقاش عندي علم اوي 
بس انا قولتلك اللي انا شايفه صح من وجهة نظري

Watermelon_53419 🇪🇬 · Answer

دي تبعد عنها تماما مهما كان روحك فيها 
دي هتوريك العذاب النفسي على أصوله بعد كده

Orange_27820 🇪🇬 · Answer

الفكرة ان من اكتر الحاجات اللي أذتني اني خطبتها وهي قررت تسيب ومانكملشوقدنا مانعرفش حاجة عن بعض ٤ شهور وخلاص كل واحد راح لحاله  وبعدها رجعت هي اللي قالت نحاول تاني واتخطبنا تاني ونسيت وعديت وسامحت.. وكررت كل حاجة تاني..
الموضوع مؤذي بشكل مش طبيعي ومش قادر اتخطاه

Orange_27820 🇪🇬 · Answer

وضحلي طيب!!
دا عن تجربة شخصية؟

Watermelon_53419 🇪🇬 · Answer

ايوة عن عدة تجارب معايا او مع غيري
بس تعال خلينا حياديين برضو 
ركز في التفاصيل كويس وشوف سبب زعلها ايه؟
ربع الغلطة اللي بتقول عليها ده خيانة مثلا ؟ 
وعموما هو في حد سوي نفسيا بينهي علاقة من طرفه ويتجاهل الطرف التاني ومايهتمش لرأيه!؟؟
عالأقل تواجه وتقول ١ ٢ ٣

Orange_27820 🇪🇬 · Answer

الربع غلطة دي مش خيانة وماتجيش حاجة في اخطاء كتير عملتها 
ولكن فعلا لو المواجهة هتكون حل… مش في النهاية بنوصل لنتيجة واحدة؟
وهي ان مش مكملين!

Grape_53277 🇪🇬 · Answer

واجهها بكل اللي انت حاسه مواجهتك ليها هي اللي هتحدد كل حاجه وصدقني خليك دايما بتسعى لراحتك النفسيه الجواز ده مش حاجه بسيطه ده مشروع حياه مينفعش تتجوز وتكتشف بعدين انك تسرعت وتندم فكر دلوقتي وصلي استخاره مره واتنين وتلاته وصدقني ربنا هيبينلك كل حاجه

Grape_53277 🇪🇬 · Answer

مواجهتك ليها هتبينلها كل الحاجات اللي بتأذيك دي هي ممكن تكون مش واخده بالها من اسلوبها وممكن تكون شايفاك ساكت فمكمله مينفعش تسكت يا صديقي لازم تتكلم مره ودايما اختار اللي يريحك طول حياتك

Orange_27820 🇪🇬 · Answer

يارب .. متشكر🙏🏻

Orange_27820 🇪🇬 · Answer

انا اتكلمت كتير جدًا ولكن كل مرة كانت مابتوصلش لفكرة اني بقولها دا عشان نكون احسن ولكن كانت بتوصل لفكرة اني بعيّب فيها ومش عاجباني
على الرغم اني مستحمل كتير جدا والله وبشتكي قليل اوي لما تكون فعلا الحاجة خلاص مش قادر اتحملها