مش عارفة أعمل ثقة في نفسي في كل حاجة!

Question

جماعة بما اني مبعرفش افضفض في الحقيقة بتكلم هنا 
انا كتير اوي مش ببقى عارفة انا عايزة ايه بجد مش عارفه انا بحب ايه وبكرهه ايه 
يعني لما آجي اشتري حاجة لازم اخد رأي حد كذا مرة وبرضو بكون مترددة 
بكون مهزوزة يعني بعد ما بعمل حاجه لازم افضل اخد رأي الناس كلها 
مش عارفه ازاي يكون عندي ثقة بنفسي 
مش في موضوع الشراء بس دا بجد حرفيا في كل حاجه في حياتي كدا

Coffee_73125 🇪🇬 · Accepted Answer

عادي مفيش مشكله انا شايف ان حلك انك تبداي تخدي الموضوع بنفسك و متساليش حد يعني مثلا نزلتي تشتري حاجه انزلي لوحدك و جربي اشتريتي حاجه و اكتشفتي انك كنتي غلط؟ خلاص عادي مش نهاية العالم فاهمه؟ علمي نفسك و اخسري دلوقتي بدل ما تخسري بعدين لاننا بنعيش في الدنيا مره واحده فا عادي اغلطي و اتعلمي.. و برده قيسي كدا علي كل حاجه مش موضوع الشراء بس و برده مفيش مانع من انك تخدي راي حد بس دا مش معناه انك تنفذيه

Banana_56851 🇪🇬 · Answer

انتي تمام و كل حاجه بس انتي مثلا بتبقي عاوزه من الحاجه دي كذا حاجه ف لما بتختاري حاجه واحده بتبقي عاوزه احلي حاجه ف بتاخدي راي حد عشان تتاكدي بالدليل أن لو الشخص نقي حاجه مش عجباكي بتقولي لا يا رب اكون قدرت اوصل المعلومه

Peanut_56462 🇪🇬 · Answer

دا بيكون ناتج عن حاجه اتعرضيلها او موقف حصلت معاكى 
خلى شخصيتك متردده كده
حاولى تقلبى فى الدفاتر القديمه ةتعرفى السبب الرئيسى هتعرفى تحلى الموضوع ببساطه

Ice Cream_70537 🇪🇬 · Answer

فيه ناس بتبقى من سمات الشخصية بتاعتهم التردد
ودا بيبقى في كل صغيرة وكبيرة في حياتهم حتى على اتفه الاسباب
محتاجة تتعرفي على شخصيتك أكتر علشان الحيرة اللي انتي فيها تروح

Avocado_71605 🇪🇬 · Answer

دا يمكن قلة تجربه  وقلة احتكاك بالناس
متشغليش بالك برأي الناس اختاري دائما الحاجه الى تشوفيها كويسه ومناسبه متخليش عندك هوس إنك تختاري افضل حاجه لا اختار حاجه مناسبه عادي

Donut_65058 🇪🇬 · Answer

بس انا مستحيل افتكر حاجة زي دي

Donut_65058 🇪🇬 · Answer

فعلا طب ما انا كدا مش هخلص بجد كل حاجه في احلى منها

Donut_65058 🇪🇬 · Answer

طب ازاي اعرف شخصيتي انا فعلا ساعات كتير اوي ببقى مش عارفه انا عايزة ايه ببقى عايزة اعرف انا عايزة ايه وانا مين اصلا

Donut_65058 🇪🇬 · Answer

طب انا ما دا اللي انا عايزاه اصلا ان انا ميبقاش عندي هوس بس مش عارفة

Peanut_56462 🇪🇬 · Answer

لازم تحاولى علشان 90% من حل المشكلة معرفة المشكلة

Banana_56851 🇪🇬 · Answer

هو انا شايفه موضوع عادي خصوصا انك لما بتاخدي راي حد بيكون حد قريب منك ف الموضع عادي انما احنا لو أغنيات حنجيب الحلو و الاحلي و الاحلي مش حيبقي فارق راي حد 🤣