مش عارفه اعمل اي ف حياتي بعد التخرج.. وخايفة من المجهول

Strawberry_60725 🇪🇬

منذ شهر واحد

شعور قلق

موضوع:

الخوف من المستقبل المجهول

انا اتخرجت من اسبوع وكم يوم بس ..وفعلا مش عارفه اعمل اي ف حياتي ..الشغل في نفس مجال الدراسة مش بالسهولة دي عشان معنديش خبرة ..مستنية الوثقية وابدا اشوف حياتي ..عارفه ان مش اول شغل هلاقيه هيبقا الي انا عايزاه ..وفكرة اني محتاجة اصبر بالسنين مش ايام عشان اوصل بس لمكان عايزة اشتغل فيه ..مش حتى اني ابقا متمكنة فيه ..يدوبك احط فيه رجلي بس ..الموضوع ممل ومقلق..وخصوصا لما استوعب اني خلال سنين الكلية محطيتش خطة مستقبلية واضحة ..وكنت بتهرب من دا ..دلوقتي حاسه بندم وخوف فعلا من المجهول ..هعمل اكيد الي عليا بس ربنا يستر

تجربتي مع التدريس وإحساسي باليأس الشديد

أنا أول ما اتخرجت فى ٢٠١٩ اشتغلت فى التدريس ، بدرس انجليزى.. اشتغلت فمدرسة فى الزيتون و بعدين سبتها عشان زمايلى كانوا وحشين اوى فى التعامل، بعدين جت كورونا فقعدنا بقى كلنا فى البيت، و بعدين اشتغلت فى مدرسة فى مدينة نصر ، هى بعيدة عليا بس قلت مش مشكلة و استحمل بس كانوا زمايلى برضه مش لطاف برضه بس يعتبروا كويسين بالنسبة للمدرسة الاولى ، بس المشكلة كانت فى المشرفة بتاعتى و موظف ال hr كان راجل عجوز و قليل الذوق و سليط اللسان بطريقة كل المدرسين كانوا بيكرهوه أصلا ، لانه بيكلم كل الناس بطريقة زبالة، فسيبت المدرسة بسببه هو بالذات ، المهم قعدت بعديها سنة مبشتغلش و بعدين اشتغلت فى مدرسة Modern school اللى هى semi international دول بقى بيطفشوا الناس الجديدة أصلا، و مخليين أولياء الأمور هم اللى بيمشوا المدرسة و بيتعاملوا مع المدرسين كأنهم شغالين عندهم ، فبرضه سبتهم و بعدين اشتغلت فمدرسة تانية فمصر الجديدة ، ادونى ملفى بعد ما التيرم التانى ده خلص عشان زعقت للعيال فالفصل! أنا حاسة بيأس رهيب و حاسة انى معنديش طاقة اعمل حاجة خالص و انى ادور للمرة المليون على شغل تانى من اول و جديد! ...عرض المزيد

1 الدعم

5 نصيحة

زهقت من الشغل وعايز أمشي بس خايف ما ألاقيش حاجة أحسن

أنا زهقت من الشغل وعايز امشي منه بس خايف بعد كدا ملاقيه حاجة أحسن أنا عندي ٢٧سنة وشغال خدمة عملاء في البنك الاهلي الناس شايفانا من برا ياما هنا وياما هناك واحنا علينا ضغط بدني ونفسي رهيب وموضوع حلال وحرام بردو أنا مقلق منه حد يفيدني ...عرض المزيد

4 الدعم

5 نصيحة

خايفة من بيت العيلة بعد الجواز واهلي يرفضوا

محتاجة نصيحة عشان دماغي مش عارفه تبطل تفكير أنا بحب واحد بقالي سنه و ٤ شهور وهو بإذن اللّٰه هيتقدملي الشهر اللي جاي هو قدي في الدراسه واحنا الاتنين في علاج طبيعي لسه قدامنا ٣ سنين علي التخرج هو بيشتغل ومعتمد علي نفسه و كفايه انه نزل يشتغل عشان يحوش عشان يجي يخطبني لانه مش عايز يعتمد علي حد من اهله عايز يعمل كل حاجة بنفسه أنا بحترم انه مسئول وانه قد اي كلمه بيقولها وقد وعوده راجل بمعني الكلمه وحنين جدا وبيحبني بشكل أنا اوقات بقول يا بختي انه بيحبني الحب ده ومتأكده انه عمره ما يأذيني المشكله في الشقة هو اهله عايشين في فيلا دورين وشقته الدور اللي فوقيه و الشقه اللي فوقها شقة اخوه ( اخوه لسه صغير في ٦ ابتدائي يعني) المهم الشقه كمساحة هي كبيره ٣ اوض وحمامين ومطبخ و الصالة واسعة هي تقريبا ١٨٠ متر و الشقه ليها سلم خارجي من بره حسب ما هو وصفلي أنا اكيد مروحتش شوفت فالمهم أنا خايفه من فكره بيت العيله وخايفه من مشاكلها وخايفه كمان اهلي يرفضوا لان اهلي عندهم خلفيه انه بيت عيلة معناها مشاكل ولوده السبب الوحيد اللي لما يتقدم ممكن يترفض عشانه أنا مش هعرف أدافع او اقول حاجة لأنهم عندهم خبره عندي و اخاف اراهن ويطلعوا صح في الاخر عنده اخت اصغر نتي بأربع سنين هي بتعاملني كويس بس ده اكيد عشان لسه مبقتش مرات اخوها مثلا اتكلمت معاه بكل صراحة في ده قالي انه مش هيقدر يجيب شقه تاني بره لانه وجود الشقة موفر عليه كتير مع انها لسه علي الطوب الأحمر فهتاخذ منه برضو نشطيب وفرش كتير و قالي مش حابب بعد الجواز يجيب شقه بره غير لما يشتري ارض ويبني عليها زي والده وانه ان شاء اللّٰه هنسعي اننا نسافر بعد التخرج و كل ده وقالي خصوصيتك هحافظ عليها ومحدش هيطلب منك اي حاجة حتي قولتله المفاتيح قالي انها هتبقي معايا ومعاه بس و محدش هيدخل البيت غير و أنا موجوده فيه او هو موجود فيه هو بيطمني بكلامه و انه مش هيحكي لحد حاجة عننا وكل ده حتي قالي انه كلم ماماته في الموضوع ده وهي أصلا شايفه انه ده العادي والطبيعي و انه عنده حق بس أنا خايفه برضو وبيقعد يقول اهله طيبين ما طبيعي اي حد يقول علي اهله كده فالمهم اني خايفه جدا من الموضوع ده وبرضو مهو بيعمل اللي عليه و طالع عينه في الشغل بس خايفه بعد الجواز كله ده يبقي سبب مشاكل أنا لسه برضو معرفش اهله وخايفه كمان اهلي يرفضوا و ساعتها أنا مش هعرف بجد اتكلم واقنعهم حتي ...عرض المزيد

7 الدعم

4 نصيحة