مش عارفة اتعافى من الصدمات وحاسة بالوحدة

Question

بامر بمرحلة نفسية صعبة ومش عارفة افوق وارجع طبيعية
 بابا مات من قريب وحالتي وحشة من وقتها لسة مش عارفة اتعافى وارجع طبيعية وحاسة بوحدة وعدم امان واخويا قبله اتوفى من كام سنة بقيت احس مش مكتو بلي افرح خلاص وحياتي كلها ابتلاءات صعبة كدة غير كمان انفصالي بعد حب سنين طويلة وطلع اختيار غلط وجواز واطفال حاية عمالة اتخبط ومبلحقش افوق من صدمة صعبة الحياة تخبطنى تاني وكله ورا بعض مبلحقش افوق حرفيا ومش عارفة اتخطى ايه ولا ايه وارجع اقول اكيد ربنا ليه حكمة انا مش فهماها وافضل اقول الحمد لله على كل حاجة بس لحد امتى معرفش

Apple_82359 🇪🇬 · Accepted Answer

قريت كلامك كلمة كلمة وحسيت بيكي أوي. البقاء لله في باباكي، ربنا يرحمه ويصبر قلبك.
عارفة، ساعات ربنا بيقفل أبواب كتير في وشنا عشان بيجهزنا نفتح باب واحد بس، باب أحسن وأجمل ومناسب لينا أكتر. كل الخبطات والوجع اللي مريتي بيه ده مش نهاية الطريق، ده بس بيبني فيكي إنسانة أقوى بكتير عشان تبقي مستعدة للخير اللي جاي.
انتي يمكن شايفة نفسك دلوقتي تايهة ومطفية، بس صدقيني فيه ناس (ويمكن حد معين) شايفك زي الدهب

Chilli_76322 🇪🇬 · Answer

متابع

Ice Cream_31046 🇪🇬 · Answer

رب الخير لا يأتي إلا بالخير حطيها حلقه في ودانك

Chocolate_82944 🇪🇬 · Answer

اكيد طبعا وانا مؤمنة وراضية الحمد لله

Chocolate_82944 🇪🇬 · Answer

حاسة بدة فعلا انى عمالة اقوى عن زمان كنت ضعيفة اوي واما باشوف اللي مريت بيه لقيت نفسي عملت حاجات واتعرضت لمواقف تهد جبل او اكتر من راجل يمكن ميقدروش عليها باستغرب واقول انا عديت بكل دة ازاي اما بافتكره واستغرب نفسي جدا مع ان سني صغير قدام كل اللي شوفته طول حياتي دة كله وفقدان اقرب ناس ليا

Apple_83136 🇪🇬 · Answer

ربنا يرحمهم ويغفرلهم بس اتاكدى ان ربنا شايلك الخير

Apple_82359 🇪🇬 · Answer

ده اكبر دليل انك أقوى من ما تتخيلي بكتير اوي

Chocolate_82944 🇪🇬 · Answer

امين يارب

Chocolate_82944 🇪🇬 · Answer

بي وبعدين انا مش عايزة ابقى قوية كدة اوقات تانية باحس اني ضعيفة اوي اصلا يعني لسة تايهة وعمالة اتخبط واحتاج حد جنبي يسندني وتعبت ان انا اللي باعمل كل حاجة لوحدي وكمان مبقاش عندي ثقة فى اي حد خاصة في الارتباط بقى خوف فظيع من اي شخص

Cherry_83135 🇪🇬 · Answer

حاولي تعمل حاجه تفرحك شويا وممكن تكلمي مع دكتور لو مش قادره تتخطي واعرفي ان الموت جاي جاي بس هو كل واحد ف معاده لازم الفراغ الي بيسبوا حبايبنا بعد لما يمشوا يملاه حد تاني يكون طيب وحنين ويعرف يتعامل معاكي

Chocolate_82944 🇪🇬 · Answer

ما هو للاسف حتى دة مش لقياه مفيش حد طيب وحنين حواليا مفيش حد يطبطب او يهون وفعلا بادور على دكتور بس مش لاقية وخايفة من الخطوة دي برضو غير اسعارهم المبالغ فيها

Cherry_83135 🇪🇬 · Answer

بالعكس لازم تعملي كدا دا هيخرجك من الحاله دي تماما