مش عارفه اتأقلم في المحافظه الجديده وبتعاني من التنمر

Question

انا لسه ناقله ل محافظه جديده من سنه بس مش عارفه اتأقلم بيتنمروا عليا شكلي طريقه كلامي مش لاقيه اللي يفهمني و هم بجد فاكرين اني نقلت محافظتهم بارادتي بس الموضوع مش بإرادتي نهائي دي ظروف خلتني انقل لهم بس بجد مش عارفه اتأقلم وسطهم + عندي رهاب اجتماعي ف بخاف من البشر ف بجد يعني بتعب من تنمرهم ده اوي

Popcorn_68444 🇪🇬 · Accepted Answer

رضا الناس غاية لا تدرك..اشتغلي و اجتهدي و متشغليش بالك بحد..و كل واحد فيه عيوب بس محدش بيبص على عيوبه و دوري عالناس اللي شبهك..دوري على ناس نضيفة مش ناقصة و متسمعيش لحد كل همه إنه يقلل من الشخص اللي قدامه عشان يداوي نقصه

Apple_61281 🇸🇦 · Answer

فكك ولله الناس وللشعب مصري الا من رحم ربي تعبان في دماغه مش تمشي ورا كلام الناس

Banana_68165 🇪🇬 · Answer

محتاجه نصيحه مش عارفه اتكلم مع حد

Apple_67479 🇪🇬 · Answer

سيبك كلام النااس لا بيقدم ولا بياخر و طول ما انتي حطة ف دماغك اني كلامهم يزعلك و ياثر عليكي و ع حياتك يبقي مش هتخلصي الناس لا بتبطل كلام لا ع الشكل ولا اسلوب الكلام او طريقة اللبس بس انتي كبري دماغك و اعتبري مفيش حاجه طول ما انتي ماشية صح و مبتعمليش حاجه غلط او تغضب ربنا سيبك من اي حد يتكلم

Apple_61281 🇸🇦 · Answer

بصي اتعملي معاهم ب احتقار وفكك منهم ولله خديهم علي قد عقلهم وحقك عند ربك

Coffee_67699 🇪🇬 · Answer

عارفه قصة جحا و ابنه والحمار 
والله مهمها هتعملي برضو الناس هتتكلم فا سيبك منهم يا فندم و اللي ليه عندك حاجه يبقي يدور عليها

Coffee_67699 🇪🇬 · Answer

خير يا فندم

Orange_67310 🇪🇬 · Answer

بصي التنمر دا نصه حقيقه والنص التاني انتي بقيتي واخده ان كل كلمه بيقولوها تنمر علي الاقل حاولي انك تستقربي ناس تتعاملي معاهم وهتلاقي الموضوع اختلف وراجعي ردودك ممكن تبقي اصلا اندفاعيه

Orange_67546 🇪🇬 · Answer

انا حاسس بيكي جدا واللي بتمري بيه مش سهل خالص بس خليني اقولك حاجة بكل صدق
انتي مش لوحدك ومش غلطانة
الناس اللي بتتنمر عليكي مش شايفين غير سطحك ومش شايفين وجعك ولا ظروفك ولا نضالك اليومي علشان تبقي بخير هم مش عارفين انك بتحاولي تتأقلمي رغم خوفك وانك بتدفعي تمن مش بايدك
انتي مش دخيلة انتي انسانة ليكي مكان وليكي قيمة سواء كانوا شايفين ده او لا
والتنمر عمره ما كان دليل على ان فيكي حاجة غلط

Orange_67546 🇪🇬 · Answer

بالعكس ساعات الناس بتتريق على اللي مش شبههم علشان هو مختلف وده ضعف مش قوة
انتي اقوى من اللي بيحصل حواليكي حتى لو مش حاسة بكده دلوقتي
خطوة صغيرة كل يوم هتفرق حتى لو مجرد انك ترفعي راسك في الشارع او تبتسمي لنفسك في المراية
وعلى فكرة مش لازم الناس كلهم يفهموكي كفاية تلاقي حد واحد بس تحسي معاه بالامان ومع الوقت هتلاقيه يمكن مش دلوقتي بس هييجي

Orange_67546 🇪🇬 · Answer

ورهابك الاجتماعي مش عيب دي حاجة حقيقية ومؤلمة بس برضه قابلة للعلاج والتغيير بالراحة والرحمة لنفسك
فكل ما تضغطي على نفسك افتكري الجملة دي
انا مش لوحدي وانا مش المشكلة المشكلة في القسوة اللي حواليا وانا لسه قادرة اكون طيبة رغمها
ولو عاوزة نكتب سوا طريقة ذكية للرد على التنمر او نحط خطة بسيطة تساعدك تتأقلمي خطوة بخطوة
انا جنبك ولو حتى في الكلمات

Banana_68165 🇪🇬 · Answer

متشكره ل حضرتك جدا كلامك افادني و هحاول اتأقلم مع اللي حواليا

Apple_67479 🇪🇬 · Answer

لو حبة انا اخ هنا ليك او ليكي و هسمعك و ان شاء الله توصل لحل

Blueberry_63525 🇪🇬 · Answer

كلنا هنا اخواتك  وبعدين ليه مش عارفه تتاقلمي

Banana_68165 🇪🇬 · Answer

الناس مش شبههي يعني مثلا تخيل تكون عايش ف مستوى معيشي عالي و تنزل فجأه ل ناس مش شبهك انا مش بقلل من حد بس ناس مش شبهي ولا انا شبههم

Blueberry_63525 🇪🇬 · Answer

الظروف بتحكم اختي ممكن تقولي انتي في محافظه اي الان

Strawberry_67489 🇪🇬 · Answer

والي ميعرفش القصه ؟

Kiwi_67696 🇪🇬 · Answer

ثقي ف نفسك ملكيش دعوة بحد مع الوقت هتلاقيهم بيتمنوا يصاحبوكي 
ركزي مع نفسك كوني زي مانتي جميلة 🩷

Mango_68151 🇪🇬 · Answer

خدي كلامهم حافز ليكي عشان تبقي ناجحة  وكلهم هيتمنو يقربون منك لما يلقوكي ناجحة

Tofu_68181 🇪🇬 · Answer

ركزي ع نفسك و ازاي تكوني ف مكانة افضل الناس بتروح و تيجي و هيتبقالك ف الاخر تعبك ع نفسك و بس.

Watermelon_56950 🇪🇬 · Answer

اعملي سيرش

Strawberry_66678 🇪🇬 · Answer

اصبري وكبري حتتعودي

Mango_68191 🇪🇬 · Answer

حاولي تلاقي صحاب جيرانك كويسين وعلفكرا كلنا مرينا بده بجد ومهما عملتي النا مبتسبش حد فحاله بجد