Potato_86280 🇪🇬
منذ 6 ساعات
.
شعور آسف
مش عارفة أبدأ منين، بس حرفيًا أنا مرعوبة ومتوترة جدًا. النهارده وأنا راجعة من الدرس أنا وصحابي، كنا بنتكلم وبنضحك عادي جدًا، ماكناش بنعمل حاجة غلط ولا بنضايق حد، بس في مجتمعنا الضحك في الشارع للبنت بيتشاف كإنه جريمة. المصيبة إن أبو واحدة من صحابي شافنا، وهو أصلًا راجل صعب جدًا، وزعقلنا بطريقة بشعة قدام الناس، وصاحبتي اتكسفت جدًا، وأنا كمان حاسة بكسفة وخوف مش طبيعي. هي دلوقتي هتتبهدل لما تروح، وأنا مش عارفة أتصرف إزاي ولا أعمل إيه لو حد قال لأهلي، ساعتها هتبقى وقعة منيلة فعلًا 😭. مش عارفة بصراحة... هل أنا كنت غلط علشان ضحكت؟ ولا عشان عايشة في مجتمع شايف الضحكة "قلة أدب"؟ أنا مش بدافع عن نفسي، بس والله كل اللي حصل كان هزار بسيط بعد تعب الدرس، ومكانش قصدي أضايق حد ولا أحرج حد. أنا دلوقتي تايهة، وخايفة على صاحبتي جدًا، ولو حصلها حاجة أنا مش هسامح نفسي أبدًا 💔. يا ريت اللي يقرا يفهمني، ويقولي بصراحة... هل اللي حصل يستاهل كل ده؟ وإزاي أتصرف لو فعلاً الموضوع كبر؟
0
10
