عندي مشكلة في ثقتي بنفسي وده بيعرقل حياتي

Question

عندي مشكله ان ثقتي في نفسي صفر الموضوع ده من صغري مش فاهم ليه وديما مش عايز اشوف حد وديما بقعد لوحدي ود مأثر علي حياتي العمليه زائد انا تخين 95كيلو وده بردو مأثر وعمال اعافر في شغل هنا وهنا واشتغل فريلانسر وبحاول اغير من حياتي ومفيش حاجه نجحه وديما بحس ان اي حد يشوفني يكرهني انا مش فاهم نفسي في حجات كتير اوي مأثره علي حياتي وعايز اخلص منها

Carrot_34289 🇪🇬 · Answer

انا حاسه بيك لان انا نفس الموضوع وبسبب كدا جالى اضطراب ف الاكل بس للى عوزه اقولهولك حب نفسك لأنها الوحيده فى العالم ده للى تستاهل انها تتحب كفايه رفض من الكل مش هيكون انت كمان

Donut_34753 🇪🇬 · Answer

اول خطوه نضف دايره معارفك
تاني حاجه اشتغل ع نفسك عارفه هتتعب شويه بس هتعدي وهتقدر
تلت حاجه اعمل جدول لي نفسك ف الرياضه
طور ف علاقتك مع ربنا
طور ف علاقتك مع الناس و الي م عايز يتعامل معاك ف داهيه عادي تمام حاول تلاقي وقت لي نفسك وتحدد اهدافك صح وتشتغل ع نفسك قبل نتشتغل ع اي حاجه وثقتك هتيجي اول لما تغير ف شكلك او تغير من دايره معارفك

Watermelon_30722 🇪🇬 · Answer

اتأكد أن الافكار دي مش حقيقية ،وأن في غيرك كتير عانوا من النفس المشكلة.. حاول تغير طريقة تفكيرك تقعد مع ناس بتثق فيهم ،حاول وحاول حتى لو فشلت المرة اللي بعديها ممكن تنجح وافتكر ان نفسك تستاهل انك تشتغل عشانها .. مش عشان تبان بصورة احسن للناس ... اللي عايز يحبك هيحبك وانت كاره نفسك عادي واللي عايز يكرهك هيكرهك وانت في احسن حالاتك

Biscuit_29511 🇪🇬 · Answer

خليك دايما مقتنع انك مهما عملت الناس هتفضل تتكلم عليك لان الناس مبقتش صافيه من جواها وبالنسبه انك بتحس أن كل اللي يشوفك يكرهك دول بيبقو غيرانين منك وبالنسبه لثقتك في نفسك انت ربنا خلقك في احسن شكل ليك وربنا بيحب شكلك كدا انت بقا سايب فكره ان ربنا بيحب شكلك كدا وبتدور علي كلام وحب الناس قرب من ربنا وحب نفسك وادعي بكل اللي بتتمناه والأهم من دا كلو انك نحب نفسك وربنا معاك في شغلك