زميل متجوز بيحبني.. أخشى أكون ضرة في حياته!

Question

صباح الخير

عايزة أعرضلكم مشكلتي ياا جماعة انا عندي 25 سنه وفجأة لقيت واحد زميل ليا في تدريب اعترف بحبه ليا 
هو شهم وجدع وحنين ولو عايزة اي حاجة بيعملهالي حبيته جدا وحسيت انه ما مرش عليا حد زيه 
قالي انه هيتقدملي وممكن نتجوز 
بس هو صارحني قبل كده انه متجوز وعنده بنتين صغيرين  ومراته لو اتجوز ممكن تطلق لأنها بتحبه 
وهو بيحبها  ولما سألته ايه اللي يخليك تحب واحدة تانية وانت متجوز قالي بتدخل في كى حاجة ومش بتفهمني بس عادي قاعد معاها وبيحبها 
وقالي لو اتجوزنا هيعمل ما بينا ومش هيطلق واحده فينا

انا خايفة من الجواز دا ومش عايزةأكون ضره ولاا اخربله حياته  بس بحبه جدا وهو بيحبني

تنصحوني ب ايه

Chocolate_65147 🇪🇬 · Accepted Answer

ابعدي عنه هتبقي خرابه بيت وهو مش كويس ولو خيروه بينكم هيسيبك انت 
انت مجرد نزوه

Carrot_65133 🇪🇬 · Answer

انصحك انك تخلعي بدري بدري وبدون تفكير

Orange_64916 🇪🇬 · Answer

ابعدي عنه الي بيخون مراته اكيد حيخونك بعدين

Watermelon_58589 🇪🇬 · Answer

اهلك بيوافقوا ؟

Onion_59528 🇪🇬 · Answer

طبعاً لأ مفيهاش كلام الا لو هيا وافقت وراضيه وانتي وافقتي وهيقدر يعيشكوا زي بعض غير كدا انتي اللي هتخربي بيته لأن الموضوع كله واقف عليكي موافقتها بس مظنش انو يحصل لأنك لو معملتيش الحاجات اللي مراته بتعملها دي هيحبك ويفضلك عنها اكتر واكيد هتنفصل أو تسببيلها مشكله نفسيه طول حياتها

Watermelon_32587 🇶🇦 · Answer

باختصار
كلمه وحده
اهربي

Potato_64725 🇪🇬 · Answer

طالما علي البر بلاش مش يمكن فجاة يقرر انه يرجعلها

Hazelnut_65158 🇪🇬 · Answer

مش مناسب ليكي ومشاعره تجاهك مؤقته يعني لو لقى واحده ثالثه هيحبها برده وينجذب ليها واضح ان  مشاعره العاطفيه لسه ما نضجتش

Mango_63982 🇪🇬 · Answer

التعدد مش عيب ولا حرام 
بس لو عاوزة تضمني حقك في زوجك كزوجة لازم زوجته الأولى تعرف علشان تقدر تستمتعوا بحياتكم مش تبقو متجوزين في الحلال وعاملين زي الحرامية أو بتقابلو بعض في السر

Avocado_65140 🇪🇬 · Answer

لاا مش هيحب واحدة تانية قالي لو كنت شوفتك قبل الزوجة الاولي كنت اتجوزتك وما اتجوزتهاش

Broccoli_65111 🇪🇬 · Answer

سيبيه لأولاده ومراته لو انتي مش هتقبلي جوزك يخونك واللي خان مراته ام عياله هيخونك انتي كمان ابعدي من غير تفكير حتى لو هيكرهك مش مشكله بس والله هتندمي ومراته هتتعب اوي بسببك وهو قالك انهم بيحبو بعض

Avocado_65140 🇪🇬 · Answer

هو قالها انه هيتجوز بس هي كانت بتزعل وما كنتش راضية

Avocado_65185 🇪🇬 · Answer

واحد متجوز لا 
الي مترضهوش ع نفسك مترضهوش ع غيرك 
الدنيا دوراه و هيحصل فيكي الي هتعمليه فيها

Avocado_65140 🇪🇬 · Answer

مش هو اللي حبني وانا حبيته غصب يعني

Avocado_65195 🇪🇬 · Answer

تعرفي انك كده خرابه بيوت وهيدعي عليكي دعاوي هتخرب حياتك بجد ابعدي عنو واقطعي علاقتك بيه تماما