اختي مش بتحترمني ووالدي كسر رجولتي!

Question

يا جماعة انا عندي مشكلة كبيرة وعايز نصايحكم 
انا شاب حاليا في سن الجامعة وليا اخت اصغر مني ب ٣ سنين واختي دي للاسف مش بتحترمني خالص بتشتمتي وتمد ايديها عليا وتكسر كلامي واللي وصلها لكده هو ابويا  !!! ابويا واحنا صغيرين كان بيجرأها عليا اوي يعني مثلا لما كانت تطلع بشعرها في البلكونه وانا ازعقلها واخليها تلبس حجاب وهي في البلكونه ابويا كان يزعقلي ويفشخني قدامها ويقولي لما اموت ابقي قولها كده ويقولها اطلعي براحتك يا حبيبتي ...زمان لما كانت بتتطاول عليا وبتحاول تمد اديها عليا كنت بضربها واربيها انها تحترم اخوها الكبير وفعلا بتظبط نفسها لحد لما يتدخل والدي ويضربني قدامها ويكسرني ويكسر رجولتي قدامها ويقولها اعملي فيه اللي انتي عاوزاه انتي في حمايتي ويقولي لما اموت ابقي ربيها ...لحد لما ابويا توفي الله يرحمه والموضوع ازداد سوء بقت مبتعتبرنيش راجل وتكسر كلامي وتشتمني تمد اديها عليت ولما اضربها امي تقوم مصرخه وتلم علينا الجيران وتعملنا فضايح فبقت اختي تستغل الحته وبقت تتجرأ اكتر عليا ...انا بجد مخنوق وحاسس اني مكسور مش عارف اسامح والدي خالص علي اللي عمله فيا ده وعلي انه كسر رجولتي وفشخني نفسيا وثقتي بنفسي بقت زيرو ...انا مش عارف اعمل ايه ولا ابدا منين اتعالج نفسيا الاول ولا اشكم اختي ازاي ولا اعمل ايه انا تايه 
محتاج نصايحكم ؟!

Banana_35773 🇪🇬 · Accepted Answer

للأسف اختك مشّ هتتغير وهتفضل تتعامل زي ما هي

وعلشان تحل ده
من الضروري الاول تفهم سبب التطاول وتحاول تعالجه معرفتش
لازم تحط حدود واضحة وتاخد موقف صريح ومباشر (مثال متحتكش بيها اطلاقاً أتعامل كأنها مش موجودة ولو لزم الأمر هتحتك بيها فيكون عن طريق حد في البيت مش تواصل مباشر معاها)
وممكن تطلب مساعدة من حد كبير في العيلة بس يكون عنده أسس ومبادئ وخبرة في السلوكيات ويكون عارف يعني ايه عيلة و أخ كبير

Mango_29955 🇪🇬 · Answer

واضح من كلامك ان ثقتك في نفسك مهزوزه جدا ... بس تتكلم معاها بهدوء وعرفها غلطها وانه مينفعش

Banana_56622 🇪🇬 · Answer

عملت كده طبعا ...بس للاسف ابويا رباها انها راجل واحنا شويه عبيد عندها وهي متبرمجه علي كده

Mango_29955 🇪🇬 · Answer

طيب خلى الوالده تتكلم معاها تفهمها

Cherry_46314 🇪🇬 · Answer

هقولك رايي بصراحة كبنت 
احنا مبنشوفش الرجولة بمدة الايد او بانك تتعصب وتزعق وتقول كلمةباسلوب أمر فتتسمع 
انت لازم تصاحبها عشان الضرب والاذى عمره مكان ينفع مع البنات بجد 
يعني هي لو سمعت كلامك وعملت كل الي انت عايزه عشان هي خايفة منك او عشان ترتاح من اسلوبك السئ انت هتستفيد ايه ساعتها 
صدقني صاحبها وتعال على نفسك وبادر بالاسلوب الجيد 
انا فاهمة انك خايف عليها او بتغار عليها بس لو جبتها بطريقة حلوة

Banana_35773 🇪🇬 · Answer

هو حضرتك قريتي الـ topic كويس؟؟

Cherry_46314 🇪🇬 · Answer

(تكملة)
والمشكلة فالمجتمع الي احنا فيه انه الراجل بقى يشوف ان الرجولة فانك تحكم البنت وتشكمها بغض النظر عن الاسلوب 
انا مع ان يبقى ليك كلمة طبعا على اختك الصغيرة وانك ممكن تبقى خايف عليها وهي مش واصلها الفكرة دي 
بس صدقني الضرب والزعيق والاهانة ضعف مش قوة 
القوة انك تقدر تقنع وتخلي كلمتك محبوبة عندها وليها قيمة 
وربنا يصلح بينكم ويوفقكم

Cherry_46314 🇪🇬 · Answer

ايوة فين المشكلة

Banana_35773 🇪🇬 · Answer

هو حضرتك قريتي الـ topic كويس؟؟

Banana_35773 🇪🇬 · Answer

المشكلة انه حضرتك بتتكلمي في اتجاه والـ topic في اتجاه تاني بس
كلام حضرتك مظبوط بس لحالة تانية مش للحالة دي

يا ريت نقرأ الـ topic تاني بس بتمعن وفطنة علشان نعرف المشكلة فين
تقبلي مروري

Cherry_46314 🇪🇬 · Answer

مش اختك مبتحترمش حضرتك 
ومش عاملة لكلامك حساب ؟؟

Cherry_46314 🇪🇬 · Answer

تقدر توضحلي ايه الي انا مش فهماه كويس 
عشان انا قرأت تاني ولسة مش شايفة ان كلامك فناحية تانية

Banana_35773 🇪🇬 · Answer

واضح انه حضرتك مش مركزة 
الـ topic مش خاص بيا 
بس اقرأيه تاني بتمعن علشان تعرفي الوضع كان ايه وهو عمل ايه وبقى الوضع ايه

الشطارة مش ف كتابة شوية كلام وخلاص

Banana_56622 🇪🇬 · Answer

محدش قادر عليها

Cherry_46314 🇪🇬 · Answer

والله انا شايفة المشكلة كويس جدا 
اخته مبتحترموش ولو قلها حاجة بتتعصب لدرجة انها ممكن تضربه 
والواضح ان فيه مشكلة مسببة كره بينهم وانه مفيش تفاهم بينهم خالص لدرجة الاتنين عايزين يضربوا بعض ويتعاملوا باسلوب وحش 
وانا بنصحه بس انه يقربلها ويظهر حبه ليها عشان يبقى فيه تفاهم واحترام متبادل بينهم 
(انا مش شايفة غلط فكلامي انت بس الي هجومي واندفاعي حبتين)

Coconut_61411 🇪🇬 · Answer

يلا نشخصن الموضوع و نحوله لقضيه حقوق .
الاعتداء الجسدي مرفوض بكل أشكاله في اتجاه 
ربط الفعل السلبي بالذكورية غلط بدليل انها هي بتتطاول و تمد ايديها فنقطه الصوابيه دي مش هتنفع هنا .
الرد غير موفق الصراحه

Coconut_61411 🇪🇬 · Answer

انا مش قادر اقولك علاقتكوا فين لان واضح ان الوضع سئ 
لو هي بلغت الحلم فللاسف مش هيبقي في حل الا التلاشي  
انك لا تهدي من احببت و لكن الله يهدي من يشاء 
لو في غيرك ذلك فده دورك يا بطل بالترغيب عشان تعيد برمجه دماغها ان شدتك خوف اكتر منها تحكم 
الوالد اخطأ لكن دعنا لانبكي علي اللبن المسكوب و نبدء من جديد تحت شعار سنشد عضدك باخيك

Croissant_60799 🇪🇬 · Answer

من شب علي شئ شاب عليه واختك اتعودت وعرفت اخرك فين مع والدك كان بيدلع وتبقي براحتها ومع والدتك بالتصويت والابتزاز بالسمعه بتاعتك والشنعه بتاعه البيت خايفه منك علي البنت اختك خلاص الموضوع بقي صعب تتحكم فيها في ناس بتقول صاحبها اعمل كده بس برده هي خلاص مبقاش ليها كبير احتك بيها بس لو لقيتها بتعمل غلط مينفعش يتعدي غير كده تجنبها شخصيه نرجسيه متدلعه بتاخد ال هي عايزاه وبتعمل ال هي عايزاه

Croissant_60799 🇪🇬 · Answer

انت حضرتك بتسقطي حاجه ناقصاكي علي المشكله حتي لو صاحبها هي مش عايزه سلكه ذكوريه عليها تقولها ايه الصح والغلط ووالدها دلعها وبتعمل ال هي عايزاه حتي لو غلط بدون عقاب أو عواقب

Croissant_60799 🇪🇬 · Answer

باي شكل مينفعش تهينك او تمد ايديها عليك تاخد موقف بدون ما تكسرها أو تهينها تعرفها رجولتك وقوتك هتتراجع هي ومش هتحتك بيك بالضرب تاني وكده تبقي خليت جزء من المشكله

Banana_56622 🇪🇬 · Answer

انا مش قادر اسامح ابويا علي اللي عمله فيا ده ليه عمل كده ؟ ليه واحد عاقل ممكن يكسر راجل قدام بنت ؟ ليه يحسسها اني مليش لازمه ؟ الغلط كله واللوم كله علي ابويا ...كان دايما يقولي لما اموت ابقي اتكلم ...اهو مات وبرضو مش عارف اتكلم اعذرني يا صاحبي طولت فالكلام بس انا بجد مخنوق من الموضوع ده من سنين ومش عارف اتكلم مع حد فالموضوع ده علي ارض الواقع ...نفسي اسيب البيت وارجع اعيش لوحدي

Croissant_60799 🇪🇬 · Answer

هون علي نفسك ياصديقي واتكلم براحتك احنا هنا علشان نفضفض لبعض وننصح بعض 
انت مسؤول عنهم اه ومينفعش تسيبهم بس فنفس الوقت متجيش علي نفسك وتوقف حياتك تماما
والدك كان عنده مشكله او حاجه هي ال خلته يتعامل كده الله يرحمه بقي ويسامحه خلاص ايا كانت أسبابه مش بقولك سامحه بس سامح نفسك وهون علي نفسك

Croissant_60799 🇪🇬 · Answer

بص الحريم فعلا بيحبوا ال يصاحبهم ال مش شديد عليهم بس انا كنت  هوافق مع كلام ال قالتلك كده لو كان والدك شديد وهي متعقده من كده إنما لا هي مش عايزه اي سلطه رحوليه عليها عايزه تعمل براحتها ال هي عايزاه صاحبها بما يرضي الله بس مينفعش تتهاون لو هي بتعمل غلط كبير ميتعداس فاهمني عاملها بما يرضي الله بس وتجنبها ف العادي

Cherry_46314 🇪🇬 · Answer

هي غلط فعلا وللاسف اتعودت على كدة 
وده غلط اهلها بس انا بتكلم دلوقتي فلو هو حابب يصلح الي اتكسر

Chilli_61524 🇪🇬 · Answer

بناء ع الي حكيته انت من وجهة نظرك فاسلم حل ليك انك مش مسؤول عنها الي هيتحاسب عليها بعدها هي شخصيا هما ابوها وامها الي وصلوها لكدا انت مش وصي عليها شرعا ولا قانونا فكءنب فانت مش محاسب والله اعلم واعلم طبعا اما من ناحية الرجوله والغيره فطبيعي احساسك لكن الي ف ايدك تدعي ربنا يهيدها و تتجنب تشوف الحاجات دي وتقلل من كلامك معاها