أنا ولد عندي 14 سنه وفي مشكلة في بيتي أن اختي اتخطبت في سن صغير جدا كان عندها 15 سنة وكانت مش حابه أنها تتخطب في الوقت ده بس مع الضغوطات والصعوبات اللي مرت بيها وافقت والولد ده كان ابن خالتها وبعدها عملوا خطوبه والناس كلها عرفت انها اتخطبت وخلاص بقي بقالها سنه ونص ولما دخلت ثانوية فنون جميله حبت المجال وكانت حابه تكمل فيه بس خطيبها كان مش متقبل بس هي ما قلتلوش بس كانت عارفه أنو هو هيرفض لانه قالها أن بعد ما تخلص الثانويه هننجوز بس حصل حاجه أن اختي كانت حابه تكمل دراسة و مرت بأزمه نفسيه مش عارفه تعمل ايه وهي اصلا مش حابه خطيبها ده بس خايفه تظلموا بس في الاخر خدت قرار أنها متكملش مع خطيبها وانا دعمتها في الموضوع ده وقالت لكل العيله بابا واخويا وحرفيا كل العيله كانوا متقبلين ما عدا ماما وعيلتها كلهم كانوا زعلانين خصوصا أن خطيب اختي يبقي ابن خالتها يعني من العيله الكل زعل وكره اختي وماما عندها الضغط وماشيه علي علاج وبطلت تاخده بسبب انها زعلانه وحرفيا كلهم ابتدوا يحسسوها بالندم واختي دخلت في ازمه نفسيه تانيه وانا مفيش حد راضي يسمعني لأن أنا سنى صغير و مفيش حد راضي ياخد برأيي واختي كل ما حد ييجي من عيلة خطيبها بتسيبهم وتقعد في اوضه لوحدها تعيط يا ريت تقولي حل لأن الموضوع لسه ما خلصش و هما كلهم قاعدين يقولها فكري وهي اصلا بتقول مش موافقه تحسوهم بيغصبوها بس بالزوق

9

9