خايفة خطيبي الغني يشوف وضعنا البسيط ويتغير عليّ

Avocado_57183 🇪🇬

منذ يوم واحد

شعور ضائع

السلام عليكم دلوقتي عارفه ان ممكن موضوعي يكون تافه بس والله التفكير مموتني انا واحده عاديه من اسره اقل من عادي حالتنا الماديه تحت المتوسط والحمدلله بيتنا برضو في حي شعبي بيت اقل ميُقال عنه انه مخزن تفتيش واهلي لما سكنوا غيرو وعملوه شقه على قد حالنا المهم اتعرفت على شاب مع ان دي مش اخلاقي نهائي ولا بطبعي اكلم شباب او الكلام ده بس فضلنا فتره ملقتش منه حاجه وحشه طيب جدع محترم ومن هذا فا الولد ده بان انه من عيله تقيله ومعاهم فلوس وا وا وا وعيلته كبير انا العكس تماماً يعتبر معرفش غير خالاتي وخلاني بس بالمعنى ماما مقطوعه من شجره وبابا مش معانا ف هي اللي بتصرف نكمل حكاية الولد اللي اتعرفت عليه هوا طلب انه يكلم ماما وعايز فعلاً يخش جد بس انا محروجه اوي او حاسه اني مشرحتلهوش وضعنا بما فيه الكفايه وحالتنا الماديه دي بجد موضوع مُرهق مش عارفه اجبهاله ازاي وبعد الوقت ده كله..داخلين على سنتين ولا عمري قابلته كله كلام شات وفون بس لانه من محافظه ونا من محافظه وخايفه يجي يتقدم نظرته تتغير او اهله يبصلنا بصه مش حلوه او ان احنا على قدنا مش عارفه التفكير وجعلي دماغي بنسبالكم هتكون حكايه تافه بس والله خلاص تعبت وبفكر افركش الدنيا قبل ميجي يتقدم او يدخل جد مش عوزاه يشوف حياتي عامله ازاي بيتنا عيلتنا اللي معرفش فيها حد غير كام شخص بسس انا مكسوفه ومُحرجه اوي وكل شويه بفكر انهي معاه واقطع علاقتي بيه بسبب الموضوع ده بس للامانه هوا شخص كويس وتتمناه اي بنت من حيث الخُلق الاحترام الدين الشكل حالته عموماً تعبت والله ونا مش بيهمني المديات خالص بس الفكره نفسها مخوفاني ان هوا اعلى مني ماديا بكتير ونظرته ليا ممكن تتغير او اهله انا يعتبر مش معرفاه حياتنا ماشيه ازاي او معرفاه حجات عني بالكامل لاني خايفه!!! اسفه على الاطاله بس ارجوكم حل

خايفة أتزوج وأخلف بنت بسبب ماضيي مع الإساءة

انا بنوته عندي ٢٠ سنه؛ وانا صغيره كان باباي بيضريني ويتف عليا ويشتمني ويضربني جامد برجله وبايده ودا كله بسبب المذاكره علشان اخويا الأكبر مني اشطر مني واخواتي ال٢ اولاد وبيذاكروا عني ؛ وفضلت على الحال دا حتى بعد ما بلغت؛ وكنت ساعات بتضرب انا تعبانه؛ وماما لما كنت بشتكيلها كانت بتقولي معليش دا بباكي بيحبك بيخاف عليكي.. الخ؛ وانا في بدايه البلوغ كنت بحس ان لما بصحي كأن بنطول البيجامة نازل؛ بس كنت بقول اكيد من كتر ما بتقلب وانا نايمه؛ بس اكتشفت انه اللي بينزل اخويا الكبير و بيحاول يتحرش بيا (عن طريق انه يشوف عورتي ويحاول يبوسني) ووقتها من الخوف كنت بثبت وبعمل نفسي نايمه؛ وبعدها قلت لماما وقعدت تبكي وبتبعدني عنه مده وبتاع؛ مره السنين ولاحظت ابويا بيبص على الأماكن الحساسه عندي وانا لابسه اي حاجه؛ ف قلت لماما ووقتها قالتلي انا بيتهيئ لي (علشان بس الموقف اللي تعرضت له زمان)، دلوقتي بابا بطل الضرب واخويا بقى حد كويس وغيور؛ ولكن انا مع اني بتعامل معاهم بإحسان وحنيه الا اني من جوايا مش عارفه اتعافي ومن اقل موقف برجع افتكر ايام زمان؛. وانا بما اني مليانه جدا وتخينه دا مخليني بلبس في البيت واسع ودا شرع ربنا بس الا اني حاسه جدا بالوحده وخايفه اتزوج واخلف بنت وتتعرض للحاجات اللي انا اتعرضت لها؛ وانا لما بحس بفراغ جوايا بروح اكل اي حاجه مسكره واحضن نفسي وأحاول اواسيها وتنسي ايام زمان؛ انا الحمد لله ملتزمه بالصلاه والقرآن ولبسي محترم و العباده والدين والاذكار بس نفسيا مش عارفه اتخطى اللي حصل؛ وهل ممكن في يوم لو اتزوجت وخلفت بنت وقتها مش عارفه هيبان عليا اني بخاف عليها بزياده وهل زوجي هيتفهم؛ وهل اصلا هعرف لما اتزوج احس بالأمان اللي طول عمري ماحسيتش بيه؟ ...عرض المزيد

3 الدعم

4 نصيحة

ليه اختارني يدمر حياتي وأنا طفلة؟

دلوقتي بعد 15 سنه من محاوله اني أنكر انا مش هقدر انكر تاني انا اتعرضت للت*ح*ر*ش وانا صغيره يمكن مكنتش واعيه وقتها لأن كان عمري تقريبا 5/6 سنين وكان الي عمل كده ابن عمتي الكبير كان أكبر حفيد ف العيله كان تقريباً هو فالعشرينات وقتها وانا مكنتش فاهمه حاجه بس انا بجد حاولت كتير اني انسي الموضوع واقول انو يمكن كان بيهزر لانو كان بيندهلي يقولي ياعروستي وكان بيبوسني من خدي انا فكرت انو زي تيتا وجدو كده عشان انا طفله ف بيحبوني بس هو مكنش مريح ابدا كان بيقعدني علي رجله ويديلي الفون بتاعه العب عليه انا مكنتش ببقي مرتاحه بس كنت طفله صغيره لقيت حد ادالي الفون العب ف فرحت وانغمست فاللعب ومكنتش فاكره اي حاجه مع الوقت احنا نقلنا بعيد عن بيت العيله وهو سافر وعاش بعيد عننا بره المحافظه كلها وعدي وقت كتير ومكنتش بشوفه لحد بعد المواقف دي ب4 سنين هو اتجوز وتقريبا بقاله5 سنين متجوز فضل يناديلي بعروستي دي حوالي 7 سنين ويقولي لما اكبر هتجوزك انتي عروستي وانا مكنتش فاهمه كنت طفله صغيره لسا بتعلم اقرأ واكتب وكان بيناديلي كده عادي قدام تيتا وجدو واهلي واهله والكل موجود عادي مش همه وتناسيت الموضوع عشان اعرف اعيش وقولت بحسن نيه انو يمكن كان بيلعب معايا بس لما ركزت استوعبت انو لا انا مكنتش الطفله الوحيده وقتها فالعيله احنا كنا 6او7 اطفال اشمعنا اختارني انا ؟ ليه قرر أنو يسيبلي مشكله نفسيه ومشكله ف حياتي انا؟ ليه قرر كده انو يخليني اقعد اعيط علي حاجه مش ذنبي انا كنت ناسيه الموضوع لحد من ساعه لقيت الجرس بيرن وانا لوحدي ف بصيت اشوف مين ولقيته افتكرت كل حاجه وترددت انزل افتحله الباب بس هو شافني وعارف اني موجوده ورديت عليه نزلت فتحتله وقولتله اتفضل قالي اتفضل ايه تعالي سلمي سلمت عليه وانا قرفانه منو ومن نفسي ودخلته الدور الارضي وسالني عن بابا فين وقولتله انو مسافر وسألني عن امي وقولتله أنها خرجت واخواني الولاد كلهم ف الدروس بره قولتله اعملك شاي ولا حاجه وفضلت واقفه مردتش اقعد قالي لان انا كنت جاي اسلم عليكو عشان مسافر بكره وقام عشان يمشي وهو خارج راح ماسك خدي وقالي مع السلامه وسلميلي عليهم لما يجي واهم حاجه سلميلي علي ماما وراح ماشي انا بكرهو بكرهو اوي وبقرف منو وبقرف اشوفو اول مره اكره انسان بالطريقه دي دمرلي نفسيتي وحياتي انا كل ما اتناسي الموضوع اشوفه قدامي وافتكر كل حاجه انا اتاذيت منو نفسياً اوي وعمري ما هسامحو انا مكنتش عملتله حاجه عشان يعمل كده ليه اختارني يدمرلي حياتي وانا لسا ببداها ليه قرر أنو انا الي لازم أعيش ف معاناه ليه محدش من اهلي شك للحظه وبعدو عني انا كنت طفله ومهما جابو عليا الغلط انا طفله اكيد مش لابسه حاجه تخليه يبقي من حقو انا طفله ومكنتش بلبس لبس مكشوف وانا صغير بل بالعكس يعني بنات عمتي كانو يلبسو شوت وتيشرت كت انا كنت بلبس بنطلون وتيشرت طويل حتي وانا طفله كنت بعيط عشان مش بحب البس حاجات قصيره ده ذنبي ؟ اشمعنا انا انا اذيته ف ايه عشان يدمرلي حياتي انا لحد دلوقتي خايفه اني من اني اتجوز ورافضه الموضوع ومش عايزه مش بطيق الرجاله بكرههم كلهم معرفش ازاي انا هقدر اتعايش مع الموضوع وازاي هتجوز ويبقي عندي اطفال ازاي هآمن علي نفسي مع راجل وازاي هآمن علي عيالي من ابوهم حتي مش ابن عمتهم ولا عمهم ازاي عآمن انو ابوهم نفسه مش هيعملم حاجه وانا عارفه انو لو بقي عندي اطفال ف انا هخنقهم من خوفي عليهم وهبعد حتي ابوهم عنهم انا عمري ما هسامحه انو سببلي كل المشاكل دي انا بقا عندي اضطرابات في تصرفاتي ف حركاتي انا بخاف من امي وصلت أن لما امي تمسك ايدي بقرف بقرف لما حد يسلم عليا بخاف اقعد جنب حد حتي لو بنات حتي لو اخويا كل ده بسبب واحد معندهوش قلب قرر يدمر حياه طفله معملتش ذنب واحد عشان يعمل فيها كده حسبي الله عليه وعلي اي حد شبهو واي حد بيعمل كده ف اطفال وحتي كبار يارب تتحرقو وتدوقو ف عيالكو تشوفوهم قدامكو كده بيتعذبو ومتقدروش تعملو حاجه يارب يوجع قلبكو زي ما وجعتو قلب ناس ملهاش ذنب يارب تتحرمو من اي حاجه تتمنوها الله لايرحمكم وتتعذبو فالدنيا والاخره ...عرض المزيد

2 الدعم

3 نصيحة

خايف اتجوز واتخان.. كرهت الحب والعلاقات

عمري 21 سنة شايف مشروع الجواز ده مشروع فاشل واخاف اجرب فيه التجارب اللي مريت بيها والعلاقات كرهتني في الجواز خلتني اخاف اتجوز اتخان او يتكدب عليا او ملاقيش شخص يفهمني وفي الاخر نطلق وبقيت كاره الحب والعلاقات وبقالي 3 سنين بدون علاقة حب ...عرض المزيد

0 الدعم

2 نصيحة