عصبية والدي بتدمر صحتي النفسية والجسدية

Question

ازيكم يا شباب اتمنى تكونوا بخير 
في بس مشكلتين من مشاكلي في ناس كتير بيتعاملوا معاهم بسهولة بس بالنسبالي معرفش ليهم حل واحدة منهم هيا العصبية المفرطة اللى اتسببلي بيها والدي اللى دايما كان عصبي عليا وانا صغير وأنا كبير لحد دلوقتي بقا عندي ٢١ سنة بس ربنا يديله الصحة مبقاش يضربني زي الأول بس لا يزال اثر العصبية ده بيدمرني ويدمر صحتي نفسية وجسدية وبيبوظ صورتي قدام نفسي

Strawberry_75117 🇪🇬 · Accepted Answer

ممكن سؤال ؟ لو في لحظة حسيت ان انت بوظت حاجة بسبب العصبية بتفكر في ايه بعدها

Sugar_75353 🇪🇬 · Answer

في واحده كبيره في السن ٥٦ دكتوره قالتلي هتمرض وتتعب وتموت ويادوب يزعلو عليك وينسوك  عيش لنفسك ده نصحتي بعد جلطه وانا كان عندي ٢٥ سنة خد نصحتها مني

Blueberry_66715 🇪🇬 · Answer

هي مش مشكله هينه و سهله تحديدا انها اتشكلت مع شخصيتك انت محتاج تشوف دكتور ممكن يساعدك 
انت كويس و زي الفل بس انت محتاج تحلها عشانك عشان متأثرش عليك ب اي طريقه ♥️

Lemon_75239 🇪🇬 · Answer

قليل لما ببوظ حاجة انا عصبي على نفسي مش على غيري يعني ممكن ابقى مثلا عملت حاجة غلط او حاجة حصلت ضايقتني بقوم متعصب على نفسي ومع الوقت بقيت قولوني بيتنفخ وأقعد تعبان وقت طويل
لو اتعصبت على حد او شخص بقعد افكر هل الموضوع كان مستاهل اصلا وبتضايق والتفكير المفرط واقعد ارد ف دماغي والحاجات دي عشان أصلح الموقف جوا دماغي

Lemon_75239 🇪🇬 · Answer

المشكلة انا عارف ومش قادر أوقف

Lemon_75239 🇪🇬 · Answer

ممكن اروح المستشفى العباسية بتاعت الصحة النفسية بإذن الله هما كويسين اوي هنا

Strawberry_75117 🇪🇬 · Answer

طيب انا دوكتور فبالنسبة لموضوع قولونك جد coloverine A قبل الاكل ضروري عشان ميحصلش مضاعفات 
بالنسبة لمعاتبتك الشديدة لنفسك اول ما تلاقي نفسك داخل في الدوامة دي اعمل الي بقولك عليه ده بالترتيب وان شاء الله تحس بتحسن 
١- خد نفس عميق لحد ما تملي رئتك تماما وطلعه وانت مطبق شفايفك اكنك بتهوف في حاجة ده بيشغل عصب الهدوؤ عندك فبيطلع مادة اسمها اسيتايل كولين بتهديك علي مستقبلات النيكوتين في المخ

Strawberry_75117 🇪🇬 · Answer

٢- قول اللهم يا حي يا قيوم برحمتك استغيث اصلح لي شأني كله ولا تكلني الي نفسي طرفة عين 
٣- حط ديما في بالك ان جوجل مابس لما بتاخد طريق غلط مش بيزعقلك بيقولك جاري حساب مسار اخر اعمل كدة انت كمان لنفسك لما تغضب من تصرف غشيم فكر في ان كل الي انت محتاجه انك تعدل المسار مفيش شخص مبيغلطش سيدنا ادم غلط 
٤- متكملش الي كنت بتعمله ساعتها اعمل حاجة تانية لمدة ١٠ دقايق اعمل شايك نعناعك لمونك وارجع تاني كمل

Strawberry_75117 🇪🇬 · Answer

مع الوقت هتتحسن وهتحس ان انت معنتش محتاج الخطوات دي ان شاء الله واظب علي انك تحمد ربنا ولو تقدر واظب علي انك تاخد دش ساقع بيحفز خروج السيريتونين (هرمون محفز) بيخلي عندك شعور بالرضا اكتر واقرأ قرآن لو انت مسلم بيهدي جدا

Lemon_75239 🇪🇬 · Answer

متشكر اوي بجد انا كنت بعمل حاجات من دي بس مكنتش مواظب هحاول اواظب وبإذن الله هتغير شكرا يا دوك ربنا ينفع بيكي الناس