أنا عندي ٢٠ سنة ومن وانا صغير كان عندي صحاب كتير وكنت مبسوط اني ليا صحاب بيحبوني واحبهم بقيت كل اما ادخل من مرحبة لمرحلة صحابي بيقلوا لدرجة اني لما بقيت بشوفهم في الشارع معدناش بنقف نتكلم زي زمان ولا نهزر يدوب بيسلموا بالحاجب ويمشوا مع اننا كنا اعز صحاب بس معرفش فيه ايه فمن ساعتها وانا مبقتش احب اتصاحب علي ناس كتير يدوبك بيبقوا معارف وهما بيبقوا واحد ولا اتنين صحابي بس بعدها بفترة بنبدأ نبعد ونرجع تاني زي الاغراب انا عمري في حياتي ما فضفضت واتكلمت مع حد او قولت لحد اسراري بسبب حد زمان كنت بتكلم واحكي معاه وف الاخر بقيت مشاع قعدت كتير اوي عقبال ما تخطيت الموضوع علي فكره انا بعامل الناس كويس وبكل طيبة والله حتي صحابي في الجامعة اتعرفت علي معظمهم في اول شهر بس بعد الجامعة محدش يعرف التاني غير كل فين وفين كده وانا مبعرفش افضفض مع امي او ابويا او حد من اخواتي لاني الكبير وبيعتمدوا عليا في مشاكلهم وهما اللي بيحكولي وانا مينفعش ابان قصادهم ضعيف او اشيل حد فيهم هم مشاكلي يمكن تبان حاجات تافهة بس احساس وحش لما تلاقي شلة صحاب وانتا معندكش شلة ومعندكش حد لو حصلك حاجة تروحله.

2

4