مش عارف أتعامل مع الخوف والرهبة في شغلي

Question

السلام عليكم 
عندي كذا مشكلة وصراحة مش عارف اتكلم مع مين 
انا من صغري وشايف (او اتربيت ع كدا) ان احنا كرجاله مينفعش نشكي من حاجه جوانا او ظاهرة للناس بدافع ان انت كدا ضعيف او هش ومش راجل لكن مع الوقت حسيت اني مبقتش قادر وكم التفكير والمشاكل اللي ف دماغي خليتني مش عارف اتعامل مع حد حاسس برهبة من التعامل بقيت عايز الناس هي اللي تاخد الخطوة وتتكلم معايا مع ان دا مبيحصلش 
انا لسه ف بداية حياتة العملية وانا شغلي كله بيبقي عملي وفيه تعامل كتير مع اشخاص واصحاب اماكن وناس من مختلف الثقافات وللأسف شغلي بيبقي مسؤل عن حياة بني ادمين 
ف انا الخوف اللي جوايا دا بقي متسلط عليا وبقيت حاسس ان دماغي بتتشل وانا بتعامل مع مريض تعبان وكمان وانا بتعامل مع الناس ف اتمني لو حد عنده مشكله للخوف والرهبة اللي جوايا دول وكمان ازاي اقدر اكون علاقات اكتر مع زمايل شغلي عشان بقيت احس ان مبقاش عندي قبول 
وشكرا مقدما لأي حد هينصحني نصيحة
تعديل بسيط بلاش حتة دكتور نفسي او لايف كوتشينج عشان مش هقدر بصراحة ع خطوة زي دي حاليا

Coffee_32625 🇾🇪 · Accepted Answer

اعتقد انك ناقصك تجارب اجتماعيه حقيقيه . حل مبدائي جربه روح اقرب مكان لبيتك او حتى المسجد او منتزه يتجمع فيه الاطفال والناس و امسك اقرب شخص تكلم معه حتى لو طفل عمره عشر او خمس سنوات و بعد الصلاه الي جالس جنبك في المسجد افتح معاه حوار اعمل هدف انه في اليوم بتكلم سبعه اشخاص مثلاً وانت روح الاماكن العامه و كلمهم

Lemon_32636 🇹🇷 · Answer

اخوي ايش سبب الخوف والرهبة؟

Coconut_32671 🇪🇬 · Answer

بجد مش عارف يمكن خوف من ناس او خوف عمتا بس حاسس انه خوف من حاجه انا مش عارفها 
امبارح روحت دخلت الحمام ووقفت قدام المراية قلت ايه يبني هنخيب ولا ايه جرالك ايه الحاجات دي كانت بتفوقني زمان امبارح معملتش حاجه

Lemon_32636 🇹🇷 · Answer

لو محتاج تحكي مع حدا انا موجود. كيف بتقدر تبعت عالخاص بهاد البرنامج؟

Coconut_32671 🇪🇬 · Answer

مش عارف بصراحه لسه منزله من شويه

Lemon_32636 🇹🇷 · Answer

طيب اسمع عطيني (بدون تفاصيل شخصية) رؤيتك لنفسك المثالية
يعني انت نزلت التطبيق وكتبت البوست لانك مو رضيان عن نفسك صح؟ كيف لازم حياتك وشخصيتك يكونو حتى تكون راضي عن نفسك؟

Strawberry_32754 🇪🇬 · Answer

من رأيي لازم تطلع اولا فكره ان الراجل مينفعش يشكي و كل ده من دماغك و اعرف ان الراجل بني ادم مش روبوت و كل انسان من حقه و من الطبيعي انو يشتكي و يعيط و يزعل و يضعف اوقات اصل انت مش دايمآ هتكون بنفس قوتك او بنفس ثباتك الكل بيعدي عليه فتره وحشه و فتره حلو و هكذا و الطبيعي انك تحتاج ناس حواليك تطلعك من اللى انت فيه ف نصيحه مني جرب تروح و تبدأ انت تعرف الناس اللى حواليك 1#

Strawberry_32754 🇪🇬 · Answer

اول فتره هتحس برهبه فظيعه بس بعد مره و اتنين هتلاقي ان كان عندك رهبه من لا شئ حرفيآ و كمان انت لازم تبقي عارف تتعامل عشانك اولآ و عشان شغلك ثانيآ و اخر حاجه هقولهالك غير كلامك ل دماغك بمعني ان قول لنفسك كل يوم ان لا انا هتعامل مع الناس و هشيل الرهبه اللى جوايا دي و قول لنفسك انك عندك قبول و انك تتحب و حتي لو فشلت مره و اتنين عادي هتقدر ف التالته افضل مستمر لحد م تقدر توصل للي عايزه 2#

Coconut_32671 🇪🇬 · Answer

شكرا جدا هعمل كده ولكن هل احساس الخوف بيروح مع الوقت؟

Coconut_32671 🇪🇬 · Answer

ايوة دايما احس اني مش راضي عن نفسي حتي اني بمكانه كويسة وتعليم كويس بفضل الله بس انا من جوايا مش عارف احس اني شخص كويس حتي

Coconut_32671 🇪🇬 · Answer

متفهم دا من حضرتك بس انا من جوايا مقدرش احكي لحد مشكله او شعور واحس ف عينه نظرة شفقة مثلا واوقات بحس ان دا ممكن يخدشني اني اشكي لحد المفروض انت راجل وتتحمل ودا لعب عيال 
متفهم رأي حضرتك فعلا بس اعتقد الموضوع دا محتاج وقت ومجهود وربنا المستعان

Coconut_32671 🇪🇬 · Answer

متشكر جدا كلامك جميل ويحترم