toheal logo

Coffee_68523 🇪🇬's منشور

Coffee_68523 🇪🇬

منذ أسبوعين

.

شعور متوتر

مش عارفه ابتدي منين ولا منين و بجد زهقت من الحياه و كل يوم بقوم من النوم و بحس إن في حاجه تقيله عليا. أهلي أقل حاجه ممكن أقولها إنهم مرضي نفسيين. بس المشكله إنهم من نوع المرضي إللي مش مقتنع إن في حاجه غلط و للأسف أنا في جحيم الوعي إني بردي علم نفس. بس أنا مش جايه أتكلم عنهم كلهم، بس عن واحد منهم، بابا. بابا يعني مش عارفه اقول عليه نرجسي ولا عمره العقلي طفل مش واحد داخل علي الستين سنة. يعني بذمتك أنا إزاي ادي اهتمام لحد و أتكلم معاه و هو عمره ما عمل معايا كده؟؟ ولاهي أنا مفتكرش ليه موقف واحد قعد معايا علشام يفهمني أو يتكلم معايا أو يعرف هواياتي أيه. و تقريبا وميعرفش حتي إيه هو،اللون المفصل بتاعي. و لما حظي الاسود أقعد معاه علشان نتكلم، لازم يطلعني أنا غلط و هو صح و أنا إللي غبية و مش بفهم. و من ساعتها و أنا مش بحب أقعد معاه من ساعتها و السنين عدت و دلوقتي اليومين دول كأنه بيترجاني إني أقعد معاه. بحس إنه شخص غريب عني. القعده معاه بتبقي تقيله آوي عليا و الدنيا بتبقي awkward علشام آكتر الوقت ببقي ساكته مش بتكلم. هقول إيه لشخص لازم يطلعني غبية و هو زي احمد زويل ولا اينشتاين؟ و كل شوية يتعصب علي إللي خلفونى بسبب الحكايه ديه و هو حرفيا مش عارف يتقبل إنه السبب في إني مش بقعد معاه. ولاهي لو سألته اسئله بسيطه عني مش هيعرف يجاوبها. بعيدا عن كل ده، أنا مش بحس إني بنته و هو موجود (هو بيسافر كام يم علشان الشغل) بحس انى الخدامه إللي مش محتاج يدفعلها مرتب ولا يحترمها. و كل كلامه علي إن إزاي هو لما يكبر و يبقي عاجز إن انا،إللي هخدمه. هو حرفيا مش حاطط في دماغه حاجه تانيه غير إن أنا إزاي هبقي الممرضه بتاعته و بسببه كرهت الرجاله و الجواز و كمان علشان مسيحيين و مفيش طلاق فموضوع الجواز ده جايبلي كميه ضغط رهيبه علشان إما عارفه إني لو اخترت غلط، خلاص مش هعرف إطلع من الجوازه ديه (في طلاق بس ده بيبقي في أضيق الحدود) لما بفكر في إن قد إيه أنا مش بحب بابا، بحس بالذنب انى المفروض أكرمه إنه أبويا بس إزاي أكرم شخص بيفكر في نفسه و مش بيفكر في عياله؟ بجد بكره الايام إللي بيبقي فيها و يبقي عايزة أعمل skip للايام ديه لحد ما يسافر. و كمام حاجه كمان، بكره اليوم إللي بروح اطلب منه فلوس. إحنا الحمدالله معانا فلوس (مش الغنا زي نجيب ساويرس كده أو رجال الاعمال. أهو مستورين) و بينشف ريقي لما بطلب منه مصروفي. سمعته قبل كده بيقول لبنت عمي لو عايزة فلوس اطلبي ومتتكسفيش أنا زي بابا، بس في نفس الوقت بيقفل علي المليم و لازم يعرف أنا هصرفه في إيه و كل نقوله علي سعر حاجه يجعر و يقولي لييييييه دي غاليه لوي، مع إنه هو هو نفس البني أدم إللي ممكن يدفع ٥٠٠ أو الف جنيه علي لبسه هو و يجيب احدث إيفون عادي لكن أنا لو طلبت منه فلوس علشان أجيب تليفون جديد لو عندي ال ٦ آلاف يقول ده غالي آوي. أنا حاجه إني بهرتل سيكا بس ده ضغط سنين من تصرفاته إللي مش تصرفات اب و أنا عارفه إني ممكن اكون شكلي بكدب بس يعني أنا مش هبقي مكتئبة و كارهه حياتي من فراغ و كل،يوم بعيط قبل ما أنام. أنا عارفه إن إللي بيعمله ده مش حلو بس لازم أحس بالذنب إن ممكن أكون أنا إللي مكبره الموضوع. بجد مش عارفه أحس إزاي.

2

19


Orange_67546 🇪🇬

أفضل نصيحة

.

منذ أسبوعين

ومتخافيش من المستقبل ربنا قادر يعوضك بكل اللي اتحرمتِ منه يمكن مش من باباكي بس من ناس تانيه يفهموك ويحضنوك ويحبوك عشان انتي انتي مش علشان هما محتاجين حاجه منك ومتقلقيش من انك مش عارفه تحسي دلوقتي الاحساس هييجي لما يبدأ الألم يهدى شويه وده هيحصل لما تعترفي بوجعك وتحترميه بدل ما تلومي نفسك عليه انتي مش غلط وانتي مش لوحدك وانتي تستاهلي حب واهتمام وحياة أهدى من كده بكتير وفي النهايه كلنا جنبك اصدقائك

11

0

Chocolate_68355 🇪🇬

.

منذ أسبوعين

اومال لو جيتي عيشتي معاياا هتعملي اييي هتكرهي نفسك اكترر داا كدهه باباكي رحمه عن بابا انا عايشه اسود منك ومينفعش نتكلم ولو اتكلمناا يبقاا احناا متربناش ولا شفناا ربايه مش عايزين يفهمو ان الجيل داا غير داا احناا غير احنا بنات عايزين حاجات يامه لا ازاي احناا غلط وبس قعدني من التعليم قال ايي مفيش فلوس وانا عارفه انه فيه بس مقدىش اتكلم عارفه يعني ايي لماا يبقاا حلمك حاجه وخلاص هتحققيه ويجي هو يطيره مش

0

0

Chocolate_68355 🇪🇬

.

منذ أسبوعين

عارفه الشارع دا انا مش بيرضي يخليني اخرج حتي مع زمايلي او لوحدي عنده لا حتي لو عايزه انزل اشتري حاجه خاصه لياا يقعد يوعق ويوقولي منتش ناوله مفيش فلوش مش هتخرجي غير يوم فرحك خلاني اتخطب لحد انا مش عايزاه مش علشان ف حد ف حياتي لا مكنتش حابه الشخص لومه الناس وقفتله بعد مكان خلاص فرحي قرب مكنتش هعرف اسيب ومشااكل يامهه بس حرفياا الواحد زهق مبقاش عنده طاقه بقيت عايزه اروح لدكتور مفسي من اللي اناا فيهه

0

0

Chilli_60185 🇪🇬

.

منذ أسبوعين

بصي هو بيحبك بس هو مش عارف بيبن حبو ليكي جيل ابوكي وابويا مش زينا ابوكي ممكن يكون عندو ضغوطات مخلياه كده بس ده ميمنعش انو بيحب بنتو الاب بيميل اكتر لبنتو اوقات بيكون هما مش فاهمينا قعدي معاه كلمي متتكسفيش طلعي الي في قلبك وهو هيتفاجئ ويقول عندها حق انتي بنتو ومحدش يكره بنتو هو مش مولود كده في حجات قصرت عليه بس انا واثق أن بيموت فيكي مش بيحبك بس بس التعبير هو مش عارف يعبر كويس ولا يدي حنان أو حب

0

0

Orange_67546 🇪🇬

.

منذ أسبوعين

عارف احساسك وحاسس بيه كويس ومش شايفه هرتله خالص دي حاجه اسمها وجع مكبوت بقاله سنين وده اللي بيخليه يخرج مره واحده بشكل عشوائي وملخبط بس مليان صدق ومليان وجع حقيقي انتي مش مجنونه ومش مهووسه ومش مزوده الامور انتي بنت كان من حقها تحس بحضن ابوها وتسمع صوت بيتكلم عنها بحنيه من اقرب حد ليها لكن للأسف اتحرمت من ده فكبرتي وانتي متعلقه بسؤال واحد انا ليه ما استهلتش اب حقيقي يسمعني ويحس بيا ويحبني

11

0

Orange_67546 🇪🇬

.

منذ أسبوعين

ليه ما استهلتش اب حقيقي يسمعني ويحس بيا ويحبني زيه زي باقي البنات كونك بتدرسي علم نفس ده مش لعنه لكن blessing برضه لانه خلاك تفهمي وتفسري اللي بيحصل بدل ما تصدقي انك انتي الغلط او انك تستاهلي اللي حصلك انتي مش غلط انتي اتوجعتي وبتحاولي تتصلحي مع اللي فُرض عليكي غصب باباكي ممكن يكون فعلا نرجسي او ممكن يكون عنده مشكلات طفوله متحلّتش بس ده عمره ما كان مبرر انه يكسر فيكي او يقلل منك

11

0

التجربة أفضل عبر التطبيق

حمّل تطبيق توهيل على هاتفك لتجربة أسرع