علاقة سامة

Orange_51919 🇪🇬

منذ يومين

شعور محبط

انا دخلت علاقه مع شخص هو كان في الاول كويس وكده بس بعدين لما بدات احكي له اكثر عن نفسي وان انا متخانقه كثير مع اهلي في البيت احنا قال لناس محافظين جدا وهو بدا يلاحظ حتى اني مش بحبهم ولا بحب القعده معاهم وكنت بحكي هما بيتكلموا معايا ازاي واسلوبهم وكده وبقيت بحس ان هو بيتعامل بنفس الاسلوب وبقيت بحس ان

Coffee_71216 🇪🇬

منذ 6 أيام

شعور محبط

السلام عليكم ورحمه الله وبركاته .. مشكلتي ان انا عندي واحد صحبي كنا في اول الوقت كويسين الي حدما بس المشكله انه عاوز ان انا أضحي بصحابي وكل حاجه وهو قصاد ده مش عاوز يضحي بحاجه خالص أوقات بحس ان انا زي ضله ملهوش لازمه بالنسباله بس عاوزني ابقي جمبه وخلاص كل ما ابعد عنه شويه واحاول ابعد وخلاص يرن عليا

French Fries_32968 🇪🇬

منذ أسبوع واحد

شعور مكسور القلب

عموما مسمحاكي بس عمري ما هنسي ولا عمري نرجع مستحيييييييل كل ما بفكر بزعل علي نفسي اني كنت بضيع وقت مذاكرتي عشان افضل معاكي وقت زعلك وتعبك وانتي كنتي تقولي الف سلامه وخلاص ولا كل. مره عيطت فيها عشانك دي حتي لما اهلنا بعدونا عن بعض عشان شافوا أننا بنبوظ بعض مبعتش عنك وفضلت معاكي اداتك بدل الفرصه عشر

Coffee_52367 🇪🇬

منذ أسبوعين

شعور عاطفي

موضوع:

ازاي قدرت تتعافي من علاقه سامه

كنت بحب واحد صعيدي و كان مريض كان عنده حب التملك و كان لازم يلبسني النقاب و سهله عليه أنه يسبني أقسم بالله تعبت بسببه و لحد دلوقتي يتعالج من علاقه سامه كنت فيها علاقه معفنه مبقتش أحبه بس كان محروق دمي أن بعد كل دا هوا إلي سبني رجعتله تاني و خزوقته و مشيت و ارتحت بس لحد دلوقتي يتعافى منه منه لله بجد

Pumpkin_76352 🇪🇬

منذ شهر واحد

شعور مرتبك

بعد خطوبه تقريبا سنتين وبعد قصه حب لقيت بني ادمه تانيه خالص غير اللي اعرفها وحبتها بسبب ظروف خاصه عندها وبسبب ان ابوها مش موجود انا كنت بتعامل معاها بطيبه جدا وبحاول قدر المستطاع انفذلها كل حاجه عشان محسسهاش بان نقصها حاجه او ظروفها واللي شافته في حياتها واحده واحده بدات اتهمش وبدا صوتها يعلي وبدا ا

Chocolate_76291 🇪🇬

منذ شهر واحد

شعور قلق

انا مريت في الفترة الأخيرة بحجات صعبة جدا جدا ..دخلت في علاقة سامة مع شخص نرجسي أذاني اوي واتبهدلت بس الحمد الله ربنا نجاني منه وعرفت اتخلص منه واطلعه من حياتي ..بس انا اتبهدلت لدرجة كبيرة لسا آثارها عليا ..وعندي مشاكل مع عيلتي بسبب الشخص ده ..انا نفسيتي لسا بادئة تتحسن واطلع م الموضوع بس كل يوم بفك

Waffle_75439 🇪🇬

منذ شهر واحد

شعور مكسور القلب

للتعفي من علاقة سامة، كما تقول الكتب : أن تتمهَل قليلًا. انت الآن كالجبيرة لقلب مكسور.. تحرَُك في أقل الحدود حتی لا ينكسر شيء اخر. لا تأخذ قرارات سريعة في العلاقات والمشاريع.. تريث تمامًا حتى خلص روحك من السم تدرجيً.. حرك بخطوات بطيئة ثابتة للأمام فقط..

Waffle_75439 🇪🇬

منذ شهر واحد

شعور مكسور القلب

موضوع:

ازاي قدرت تتعافي من علاقه سامه

الخطوة الاولي للتعافي من علاقة سامة : أن تشغل عقلك دائما الخطوة الثانية للتعافي من علاقة سامة، كما تقول الكتب: أن تحیط نفسك بأصدقاء يعطونك طاقة إيجابية. لا تستسلم للوحدة أبدًا..... يييييييييييي

Strawberry_73654 🇪🇬

منذ شهر واحد

شعور محبط

Coffee_73937 🇪🇬 انتي الي قليتي من نفسك معاه وهو طلع مش شخص امين واستغل انك مكدبتيش عليه وقولتي كل حاجه بصراحه لو كملتي هتتعبي عشان ده شخص غير امين

عرض الكل 3 نصيحة

عبّر عن شعورك بشكل مجهول

حد حكتله كل حاجة في حياتي في لحظات فضفضه اكيد النهاية متوقعة ومش مرضية..كل ما احاول أصلح نفسي يتريق على اللي فات و يفكرني و يشكك في نوايا و محاولاتي و لو رجعت أسوأ من زمان يقولي مش جديد عليكي ما انتي كنتي و بعد كده بقى يتكلم في الجواز ويقولي بس لازم تغيري كذا و كذا وكذا وكذا زي ما اكون عروسة تفصيل عند ترزي عاوزها على مقاسه و كل ده انا بتفرج ..بتفرج على نوع الشخصية .. وفي مرة قعد يحكي أنه في غربته معتمد على مامته في الاكل اللي لما بتيجي اجازه بتعملهوله  و الغسيل و الشرب والنظافة والترتيب رغم أنه مش صغير ويقول طالما فيه ست ف البيت يبقى هو ده دورها  الاكل والمطبخ و النضافة..و بعد كده حصل موقف أنه كسر حاجة فبقوله يعني لو اتجوزنا و اتضايقت انك كسرت حاجة في المطبخ هتعمل ايه قالي تضايقي ليه مهي بفلوسي وانا مشتريها اكسرها و اجيب غيرها.. كل العلامات واضحةتخلي  للاعمى يشوف.. كل المضايقني هو غلطتي ..حتى لما قررت ابعد عنه و كدبت أنه فيه حد اتقدملي وقابلني زي ما أنا طبعا على عكس نظرته اللي هو شايف أني كلي لازم اتغير علشان حد يتعطف و يتكرم و يتفضل عليا و يحبني ..قعد يتريق و يقولي ده واحد في الحلم اكيد ...انا الغلطانة عارفةاني حكتله من الاول بس مع الوقت بقيت شايفة أن احسن حاجة عملتها اني حكتله علشان اعرف حقيقته

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_72859 🇪🇬

منذ شهر واحد

شعور مكسور القلب

تعبانة اوي وقلبي وجعني اووي كان بيخليني أحس انو بيحبني جدا وبجد كنت بحس انو بيموت فيا بس بمجرد ما دخلت بنت تانيه في شلتنا بقا يحبها ويهتم بيها بالكلام أنا بكرههو من كل قلبي عشان مكنش من الأول علقني بيه وهو بمجرد ما يشوف اي حاجة بيعجب بيها مكنتش أعرف انو شخص عامل كده ازاي اتخطي الإنسان ده وأمسحه من

Marshmallow_69067 🇪🇬

منذ شهر واحد

شعور ضائع

عبّر عن شعورك بشكل مجهول

انا حاسة اني سامعة جوا دماغي حلل بنخبط في بعض.. كل مرة بعد مااتناقش مع ماما بحس بكدا.. هو مش بيكون نقاش ماما بتكون عايزة تعلم الى هى مقتنعة بيه وبس وبتقلب الموضوع زعيق وتقولى انا تعبانة ومش عايزة اتكلم دلوقتي.. ممكن نقعد نتكلم في موضوع ألف مرة عشان تقتنع ونتفق خلاص وترجع تغير رأيها لحد م اعصابي بتبوظ.. حتى لو حاجة تخصني لازم تكون مقتنعة لانى اتربيت اخاف افكر وانى اسمع كلام الكبار ولما حاولت اعاند وامشي بدماغي عشان اتعلم واغلط فعلا كنت بحس في عنيها نظرة انتصار واستهزاء الى هو مش قولتلك.. تعبت انى عمرى ضاع وحاجات كتير فاتتنى بسبب خوفي انا عندى ٣٠ سنه دلوقتي لحد دلوقتي بخاف اخد قرار لوحدى مش ضعف شخصية بالعكس باخد القرار بس لازم حاجة جواية بتخليني انى لازم اقنع مامل عشان احس بالامان واني مطمنه انا عارفة ان دا مش صح بس هي برمجتنى ع كدا.. لو رفضت عريس مثلا تفضل مضايقة وافضل اتكلم ساعتين اقنعها بوجهة نظرى الى هو انا مش مضطرة اعمل كدا لكن بحس انى مهددة نفسيا لو معملتش كدا .. انا مأخدتش من ماما واحد ع المليون من اهتمامي بيها وبمشاعرها وبوقتي الى بدهولها واهتمامي بكل تفاصيلها وكل حاجة يتحبها في حين ان دا محصلش معايا ومع ذلك كل كلمة تقولى انتي عاقة مهما عملت برضو انا عاقة وتفضل تقولى يا ويلك من ربنا وتقول كلام صعب وبعد كدا تقولى انا مقولتش كدا انتى بستهيقلك انتى موهومة داانتى اغلى حد عندي لدرجة انى فعلا بحس انى متلغبطة ويمكن اكون انا مأفورة الدنيا.. من كتر الضغط ابقى بتكلم انسى انا بتكلم في ايه وسط الكلام كذا مرة ومن فترة كان لسانى بيتقل وانا بتكلم بس دلوقتي لا.. ملخص الكلام حاسة انى اتزنق في كورنر البر وان مفيش حاجة تانية في الحياة هتحاسب عليها او هاخد حسناتك عليها.. بابا الله يرحمه كنت بشوفه كل م يشوف طفل يفضل يكلمه ع البر وان ولادك هيعملوا فيك الى بتعمله في اهلك وهما اصلا اطفال يعنى هما محتاجين رعاية اهلهم مش العكس الاطفال دى لما كبرت بقوا اكتر ناس شايلة اهلهم يعنى مش مقياس.. بحس ان الاهل بيتعاملوا مع ولادهم كأنهم بيعبدوهم او انهم ملكية خاصة او يفضلوا يحسسونا اننا السبب في معاناتهم او انهم متحملين عشانا رغم اننا مطلبناش منهم دا وكل ضغط نفسي هما عاشوه عيشونا اضعافه.. وطلعنا جيل ٩٠%منه عايز دكتور نفسي.. انا حتى علاقتي بربنا بخاف من عقاب ربنا اكتر م بطمع في رحمته وبرغم كدا بيغرقني رحمة والله بحس انى مش معايا غير حد غير ربنا طول الوقت من وانا صغيرة هو الى رباني وحمانى وبعد عن طريقي كل حاجة وحشة حتى من غير مااحس مش اهلى الى عملوا كدا اهلى كانوا هيئة محمكة حبهم مشروط مهما عملت بيتقلل من الى بعمله ومش بيعجب ودلوقتي ماما بتبوظلى اعصابي وتفضل تقولى انتى هتموتيني انا بقى بيجيلى بانيك اتاك وبيتعلقلى محاليل وموسع شعب عشان اقدر اتنفس كنت بوصل لمرحلة ضربات قلبي بتصحيينى من النوم او معرفش انام منها اصلاا حاسة انى محاصرة معرفش انا فين حياتى انا معرفش حياة تانية....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_72871 🇪🇬

منذ شهر واحد

شعور مستنزف

عبّر عن شعورك بشكل مجهول

أنا عندي 19 سنة و أنا الكبيرة في اخواتي فانا اللي علطول عليا الحمل و العبء في كل حاجه بس دي مش مشكلتي مشكلتي هي في امي أنها مش بتحبنا كلنا و علطول بتقولها اننا جينا غلطة و أن اد ايه هي كان نفسها تخلف ولد لحد منا اللي جتلها و كل شوية تدعي عليا اني اموت و ربنا يخدني زي ما خد ابويا و عمرها ما اتعاملت معايا على اني بنتها علطول شايفني عدوة ليها أو اني ضرتها و تفضل تتنمر عليا و على شكلي و على وزني و على اي حاجه بعملها في حياتي لدرجه انها بطلت تعمل اكل بقالها سنة و 6 شهور و بقت تقولنا ان الاكل ده رفاهيه و ان الحمد لله انها بتصرف علينا اصلا و مبقناش بناكل حاجه غير المكرونة و الجبنة ده لو موجودة كمان حتي علبة الجبنه الدومتي بقت رفاهيه بالنسبالنا و مش بتعمل لحمة او فراخ غير و جوزها موجود عشان هو بيجي يوم واحد بس في الاسبوع و حتي لو تكرمت علينا و وقفت عملت اكل بتعمله وحش اوي اوي و بكميات كبيرة علي أن تلات اشخاص هياكلوا و بتعاقبنا بالاكل د و تفضل تأكلنا منه فطار و غدا و عشا و انا تعبانة و مكتوبلي أدوية و نظام غذائي للسكر عشان عندي و عندي مشاكل صحيه في القلب و حاجات تانيه كتير و الموضوع ده مأثر فيا اوي و مش ده و بس كل ما نطلب منها فلوس تقول معيش و مش بتدينا حاجه و بتضيع فلوسها كلها علي اوردارات ليها سواء مكيب أو حاجات سكين كير بس مش بتدينا فلوس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_70037 🇪🇬

منذ شهر واحد

شعور مرهق

موضوع:

ازاي قدرت تتعافي من علاقه سامه

كانت علاقه سامه لابعد الحدود ومكنتش عارف اسيبها بسبب الحاحها وصعبان عليا اللي بينا لكن اخدت القرار بدون راجعه وزي ماكانت علاقه سامه كان البعد عنها اصعب ما يكون فضلت شهر مبنامش غير بالمهدئات وسنتين لحد ماتعافيت خالص وخلال الفتره ديه مدخلتش اي حد حياتي لان اي واحده كانت هتقرب مني هتلعب بحياتي البخت لا

Ice Cream_72678 🇪🇬 القرار اللي هتاخد بالعقل مؤلم بس مش هتندم اكيد التجربة دي علمتك وده هيفيدك تختار احسن المره الجاية ❤️

عرض الكل 4 نصيحة

Orange_54834 🇪🇬

منذ شهرين

شعور مكسور القلب

عبّر عن شعورك بشكل مجهول

شعور صعب اوي لما تحس ان البني ادم الي انت بتحبه هو يبقى أقسى حد عليك وهو ماشي أنا حبيت واحده بقالي سنه كانت بتعملني حلو وانا بالمثل في اول علاقتنا كان عندي مشكله مع شكلها بس قولت كل حاجه مش بالشكل وتقبلت الموقف سابتني اول مره لانها كانت عايزه تبعد عني تاني مره بردوا لنفس السبب وكانت على اول شهر 2 الي فات سألتني مرتين ورا بعض ورجعتها وكأني بعامل عيله صغيره وبعدين سألتني خامس مره  ولما رجعتها تاني بعديها بأسبوع كان المفروض نخرج ولما خرجنا مكنتش حاسس اني طايقها ولما حست اني خلاص ممكن أسيبها فضلت تعيط فلما عطيت صعبت عليا العشره الي بينا وفعلا أنا من نفسي قومت من نفسي تاني وكأني كنت بعمل مجهود لوحده متستاهلش سابتني من حوالي أسبوعين وحاولت أرجعها ورجعت بس بالعافيه آخر مره بقى ودي جابت النهايه كانت اول امبارح كانت يوم الجمعه كان قبليها علطول يوم الخميس كانت خرجه معايا وكانت مبسوطه أكلنا وشربنا وكانت مبسوطه جدا وانا كنت مبسوط لانبساطها وخرجت مع صحباتها بعد خروجاتنا وكانت متضايقه اوي من الخروج مع صحباتها تاني يوم بعد صلاة الجمعه رنت عليا وكانت الشبكه وحشه وبتقول انها متاضيقه فحاولت اني اكلمها بس كنت فاكرها عماله تهزر في الكلام تضحك لان زي ما بقولكوا الشبكه وحشه بتقولي انت بتهزر قامت قفله السكه في وشي المهم كنت فاكر انها اتضايقت عشان أنا بهزر وانا عامل حسابي انها بتهزر أصلا أنا معرفش والله انها مش بتهزر وفي الاخر قالت لاخويا انها هتسبني وتمشي فلما رجعت من صلاة الجمعه لقيتها عملتلي بلوك من كل حته ده حتى من LinkedIn يا راجل 😂 حاولت طبعا كالعاده أرجعها بس هي المرادي بتقولي أنا انطفيت منك وانطفيت من تصرفاتك وقعدت افهمها اني والله ما سمعت كويس وهي مش عايزه تسمعني ولا تسمع أنا بقول اي أنا اتعلقت بوجودها بس أنا كمان متدمر بس مستحيل تاني احاول هي مش عايزه ترجع وعماله تحلف وتقول والله ما هرجع والله أنا لو فضلت طول عمري لوحدي مش هرجعلك واني كنت كويسه معاك طيب أنا اعمل اي حاسس بشعور خنقه بيجيلي كل ما بصحى من النوم مش بلاقيها شعور صعب اوي 
بس أنا عندي كذا سؤال هل هي هترجع تاني ؟ 
هل أنا أتعايش ازاي مع الموضوع لان في خنقه رهيبه كانت فكره نفسها بتمن عليا بحنينها يعني اي حاجه أنا بعملها كانت بالنسبلها حقها لاكن هي لما بتعمل حاجه وحده ولو يبقى هي كده عملت الي عليها وزياده وقولوي يا حماعه أنا بجد متدمر مش زعلان بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_70890 🇪🇬

منذ شهرين

شعور متعب

أول مرة اتكلم وأقول حاجة زي دي بس أنا تعبت من والدتي كل شوية مشاكل معاها والمشكله اني فعلا مبقتش بحبها أو بمعني مبقتش اطيقها بسبب الكلام اللي بتقوله لي وأنا أكتر حاجه بكرها ان حد يتعامل معايا بطريقة مش حلوة لان أنا مش بتعامل كدا مع حد ف مش بحب الطريقه التعامل مع ايا كان مين الحد دا تقلل مني مثلا او

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع