أنا تايهة ومش عارفة هعمل إيه بعد ثانوي

Marshmallow_69424 🇪🇬

منذ أسبوعين

شعور مكتئب

خلصت تالتة ثانوي وهبدأ أول خطوة في طريق جديد:كلية الطب. بس الحقيقة؟ أنا عمري ما كنت بحلم أكون دكتورة أو حتى أعرف أنا عايزة أبقى إيه. كنت فاكرة إن لما أوصل للنقطة دي، هبقى فرحانة، مطمنة، فخورة. بس أنا حاسة إني تايهة. بقيت من بدري قوي مش بعرف أتكلم عن اللي جوايا، بقيت بكتم كل حاجة لحد ما فجأة ألاقي نفسي بعيط في أي مكان من غير سبب واضح. بقيت مش بحب شكلي، رغم إن كل الناس بتقولي إني حلوة. بس جوايا حاجة مش مستقرة، مش مرتاحة. حاسه إني فقدت الشغف، فقدت حتى الاهتمام بصحتي أو مستقبلي. مش بكتب الكلام دا عشان حد يطبطب أو يقول كلمتين، أنا بكتبه لأني يمكن أول مرة أحاول أقول اللي جوايا بصوت عالي. يمكن يكون أول خطوة عشان أرجع ألاقيني تاني 🤍🤍

أنا جضان ومش حاسس بحاجة غير الزهق

انا جضان ده الشعور الحقيقي الي حاسس بيه مش كلمة وخلاص ورايا حاجة مهمة جدا هتاثر ع مستقبلي ومش هعرف ارجعها تاني وانا مش حاسس بخوف او شغف أو اي حاجة مش حاسس بحاجة خالص غير اني زهقان ومش عايز اعمل حاجة وعايز اعمل حاجة ف نفس وقت ومكبر دماغي وبقيت بارد جدا يعني ممكن يكون عندي امتحان فاينل واصحي واكمل نوم علشان مكسل بس مش اكتر .. عتدي شغل ومش فارق معايا امشي .. حياتي بتدمر ودايما للاسوء الي الحضيض ومش فارق معايا ومش خايف .. مش خايف من فكرة الحياة والموت ذات نفسها .. وحاجات كتير ومش عارف بتمروا بنفس الشعور ده وبتعملوا معاه او بتخرجوا منه ده إزاي ...عرض المزيد

6 الدعم

4 نصيحة

وحيد وسط الناس ومش قادر تفرح.. ليه؟

إحساس الوحدة مش لازم يكون بالضرورة ف عدم وجود ناس ممكن عادي خالص يكون حواليك ناس و بيتكلموا عادي و بيتكلموا و انت بترد عليهم او بتتكلم معاهم بس برضو الاحساس بأنك وحيد موجود.. و احساس الاكتئاب مش بالضرورة يكون ان الانسان يبعد عن كل اللي حواليه و يعزل نفسه و ميضحكش بالعكس تماماً تلاقي ان الاكتئاب منتشر اكتر بين الناس البشوشة اللي بتحاول تفرح غيرها و لكن مش بالضرورة برضو ان المنعزلين مش ممكن يبقوا مكتئبين كلها اختلافات و كله موجود بس بتختلف من إنسان لإنسان يعني أنك تحس انك مهمش مش حاسس بالفرح حتى و انت ف الفرح مش عارف تفرح زي باقي اللي حواليك نفسك تفرح و مش عارف و رغم دا كله مش عايز تبقى تقيل على حد مش عايز تشيل حد هم على همه خايف على الشخص اللي قدامك او على غيرك من نفسك اكتر منك دا غير مش عايز نظرة شفقة او استعطاف من حد و فوق دا كله برضو حتى لو عايز تحكي مبتعرفش محاولتش قبل كدا تعبر عن اللي جواك لحد فضلت طول حياتك و عودت نفسك تكتم و متحكيش غير لو هتقول او تحكي ف تبقى على هيئة كتابات ي تحتفظ بيها ي تنزلها بشخصية مجهولة عشان متتعرفش ضاقت بيك الدنيا لدرجة بتكتب بشخصية مجهولة ل ناس مجهولين مش عشان مستني نصيحة او رد لا عشان لمجرد انك قولت شوية من اللي كاتمه جواك عشان تخفف شوية من شعور للتعب اللي حاسس بيه ف وقت فرح الجميع انت نايم على سريرك مش عارف تتحرك مش عارف تقوم لا يسعدك سوى النظر لسقف اوضتك و التفكير فوق دا كله عندك overthinking رهيب المشكلة تتعب اكتر لما تحس ان اللي معاك حسوا بتعبك و بيلعبوا على تعبك بس بتحاول تقول مفيش عشان انت فعلاً مش عارف في ايه مش عشان عايز تكذب عليهم انت فعلاً مش حاسس بحاجة و لا شاعر باللي بيحصل حواليك بس رغم دا كله بتقول يارب و تحاول تاخد فترة تعبك و بعد كدا تقوم تاني و كأن مكنش في انسان تعبان و ترجع لحياتك و تحاول تقاوم و تقول ايه تقول" يارب مالي سواك وكلتك أمري ف اقضي حوائجي و خفف عني ألمي" بس يارب منغير ما اتسبب ف أذية اللي حواليا و لا حد يحس بيا و لا يحس بتعبي.. غرضي من البوست معرفهوش ليه عملته معرفش برضو كلام كله متغلبط متعرفش تطلع منه بحاجة ثابتة بس يعني اتكتب اتكتب ازاي والله لا أعرف زيي زيكم بس خير يعني و كله خير و اتمنى للجميع الخير و عيدكم مبارك و عيد سعيد ع الجميع و ينعاد عليكم جميعاً بالصحة و السلامة و يتنشر الخير و المحبة بينكم جميعاً و ربنا يخفف عن اي حد تعبان و افرحوا و عيشوا حياتكم و الله ما هي إلا حياة واحدة ف ي تعيشوها زي ما هي و تنبسطوا و تفرحوا و ترضوا بقضاء ربنا ي هتفرحوا و تنبسطوا برضو لا مجال للزعل هاه🙃 خير يعني بالتوفيق للجميع السلام عليكم.. ...عرض المزيد

10 الدعم

3 نصيحة