تايهة

Strawberry_84830 🇪🇬

منذ 5 أيام

شعور قلق

حاسه اني الوحيده ال واقفه والدنيا كلها بتمشي انا حصلي دروب فدراستي الجامعيه ومكملتهاش ومحدش يعرف انا حاليا عندي26سنه مش عارفه اعمل اي حياتي حرفيا فاضيه لدرجه اني نسيت انا كنت شاطره ف اي بقي عندي خوف اني اعمل اي حاجه خوف اني اتساب لوحدي والفكره أنه محدش ممكن يصدق اني بخاف لاني لابسه قناع حبيت واتخذلت

Donut_84841 🇪🇬 الي عملتيه وحش انك اهملتي نفسك لا اكتر ولا اقل وقعتي في حفره لقيتيها مريحه كسلتي تقومي معا ان الحياه مش عايزه راحه ولو سبتي نفسك اكتر من كده هتدمري بجد هتوصلي لمرحله انك مش هتعرفي تقاومي اي حاجه صعبه بعد كده ابدأي معا نفسك في الصعب بالتدريج عشان ترجعي تقومي والحياه لعبه تحدي اكسبيها واكسبي اخرتك عشان دي الهدف من الحياه ان لما الموت يجي يبقا عندك الي تقدميه ليه وعندك ناس تفتكرك باثر طيب

عرض الكل 5 نصيحة

Sugar_47357 🇪🇬

منذ أسبوع واحد

شعور ضائع

" هل رفضتني احلامي حقاً أم أنا من تخلي عنها ولم أسعي إليها قط " الحمدلله دائما وأبداً.. حالي افضل من ناس كتيير بس حاسه ان ف مكان مش انا ده .. مش عايزه اندم قدام ان سبت الوقت يعدي من غير ما اعمل اي حاجه مش قادره القي نفسي حقيقي تايهه .. ابسط الاشياء معرفتش اعملها حسه ان روحي منهكة من كتر المشاكل وض

Strawberry_77918 🇪🇬

منذ أسبوع واحد

شعور مرتبك

حاسه اني تايهه تايهه دينيا قررت انى اتعلم حاجات من دين معين بدافع العلم و الفضول اعرف الناس دي بتفكر ازاى و بتؤمن ب ايه لقيت نفسي تهت متعلقه بين ديني و الدين التاني اللى كنت عايزة اعرف عنه في حاجات مش مقتنعه بيها في اللى انا بتعلمه جديد بس بحس فيه براحه بيشيل عني تأنيب ضمير شايلاه من سنين و

Waffle_78601 🇪🇬

منذ أسبوع واحد

شعور مرهق

انا بمر بوقت وحش جداً ، حصلي صدمات شديدة و مؤذية ورا بعض في خلال وقت قصير و من وقتها وأنا في دوامة مش عارفة أخرج منها ، انا استوعبت و فهمت اللي حصلي و اللي مريت بيه لكن للأسف تبعياته هي اللي مأثرة عليا ومش عارفة اسيطر عليها ولا أقف مع نفسي و ألم شتات الأمور و أعيد ترتيب حياتي و أولوياتي بالشكل الجدي

Strawberry_82803 🇪🇬 ربنا يعينك ويوفقك يارب

عرض الكل 3 نصيحة

Apple_22069 🇪🇬

منذ أسبوع واحد

شعور متعب

وكالعادة برشد كل التايهين وانا متاهتي ملهاش اخر ساعات بحس اني بوشين وش بيساعد كل اللي حواليه وبيحاول يبقي إيجابي ولذيذ ومرح ودمي خفيف ومع نفسي وش تاني خالص بقعد ألوم نفسي علي اني بحاول اكون شخص مريحه علي اللي حواليا بس انا بسبب كدة انتسي ان ليا احتياجات انا كمان نفسيه وبقعد اقول برضوا انا ليه عمري م

Lemon_51455 🇪🇬

منذ أسبوعين

شعور مستنزف

بقالي فترة معنديش صحاب، الحقيقة من وأنا طفلة كنت طول عمري بعاني في موضوع الصحاب دا بس جت فترة عملت فيها شوية صحاب وحسيت ان خلاص الموضوع عدى بعدين رجعت تاني لنقطة الصفر. حاليًا مليش حد في الدنيا غير صاحبة واحدة ومش بنتكلم غير كل فين وفين ومش بنشوف بعض حتى. بقالي ٤ سنين في الجامعة ومعرفتش اعمل صاحبة

Banana_77933 🇪🇬 فاهم كل كلمه كأن انا اللي كاتب الفرق بس اني ولد بمر بكل حرف قولتيه ومخدتش بالي من الحوار ده غير في الثانوي لما لاحظت ناس قريبه مني مبقتش قريبه زي الاول بس بصراحه بعذرهم اصل انا مش حد interesting كده بقول كده عن نفسي رغم اني مفيش حد قعد معايا الا وشكر فيا وحبني بس اللي هو وجودك حلو اوي بس غيابك مش فارق خالص ولا حد بيلاحظه اتخرجت ومش عارف ايه الحل

عرض الكل 18 نصيحة

عبّر عن شعورك بشكل مجهول

بقالي ٤ سنين في الجامعة ومعرفتش اعمل صاحبة واحد، يمكن في أول سنة كنت قافلة الباب شوية عشان نفسيًا مكنتش تمام بس بعد كدا لقيت الفرصة ضاعت ولحد دلوقتي مش عارفة الاقي شخص واحد اتكلم معاه. فيه شوية ناس عارفاهم بس معرفتي بيهم مقتصرة على الكلية والمواد بس، حتى لما بنروح نفطر مع بعض الموضوع بيبقى غريب ومش راكب كأننا مش عارفين ازاي نتعامل مع بعض و غير كدا بحس ان أنا مش جذابة اوي كصديقة بالنسبة ليهم.

أنا معرفش بصراحة أنا عايزة ايه من اللي أنا بكتبه دا نصيحة ولا مجرد فضفضة بس الموضوع شاغل دماغي وبفكر فيه كتير اوي بالرغم من إني بحاول ابقى تمام لوحدي واتقبل دا، وفي العادي انا اصلا مش شخص اجتماعي اوي وبحب ابقى لوحدي كتير بس حاسة ان الموضوع ضرب مني وبقيت لوحدي على طول ومعرفش ازاي اغير دا.

ساعات بحس انا مش عارفة انا عايزه ايه اصلاً، يعني اوقات ابقى مع ناس واحس اني عايزة ابقى لوحدي واوقات ببقى لوحدي وبحس اني عايزه ابقى مع ناس وصحاب بس مفيش. كلامي متلغبط جدًا بس الفكرة كلها اني تايهه وحاسه اني عايزه الاقي نفسي واعرف ازاي اتعامل مع الناس بجد.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_72527 🇪🇬

منذ 3 أسابيع

شعور غير مكتمل

فيه كذا شعور متلغبط عندي ، محتاجة بس احكيهم حاسة بالذنب ، اني متأسفتش بدري و أن الاسف بعد سنتين اكيد مش هيكون ليه معنى و حاسه بالزعل عليه ، مع أنه perfectly fine بس اكيد لو كلمة قولتهاله زمان هيفتكرها مع أنه عارف اني مش قصداها و حاسه بالضيق انه رجع تاني و لا كان فيه اي حاجه ، مستغربه الموضوع و حاسه

Avocado_76653 🇪🇬

منذ شهر واحد

شعور محبط

عبّر عن شعورك بشكل مجهول

انا خريجة اداب قسم لغة عبرية بدل م كنت بطلع الأولي وكنت واثقة ف ربنا انه ان شاء الله هتعين الدنيا فجأة اتقلبت رأسا علي عقب وكل حاجه اتدمرت ف سنتين بس (سنه تالتة وسنه رابعة)  بسبب ظروفي الصحية .
القصة بدأت لما دخلت كليه انا انطوائيه خالص بس شاء القدر اني ابقي ف شله ٨ افراد وانا كنت التاسعة فيهم كان فيه واحده منهم شاطرة وكنت بحبها عشان هيا شبهي وكنا طول الوقت مع بعض ف الكليه ولما بنروح البيت كنا بنفضل مع بعض كول بنذاكر وبنحفظ وبنسمع لبعض حصل دروب بدون ذكر تفاصيل انا بعدت عن البنت دي خالص واتجنبتها ومن سنه تالته اخترت اني ابقي لوحدي مع العلم اني ف سنه اولي الترم الاول كنت لوحدي وطلعت الاولي واتعرفت الي شلتي ف الترم التاني لما اتعرفت ع الشله وعلي البنت عرفت انها طلعت التانيه فضلنا ع الحال ده لحد سنه تالته وبقيت لوحدي من هنا تعبي زاد وأثر عليا وعلي نفسيتي وعلي تركيزي وعلي مذاكرتي مخي من كتر الالم مكنتش بعرف انام ولا احط راسي علي المخده ف ف بالكم هقدر امسك كتاب عشان اذاكر؟ اللي كنت خايفه منه حصل طلعت التانيه ف سنه تالته ورابعه هونت علي نفسي وقولت اكيد التقدير التراكمي هيسعفني وللأسف محصلش والبنت اللي كانت صحبتي طلعت الاولي تراكمي ولو هياخدوا تعيين هتبقي هيا انا قولت يمكن مش رزقي ومش طريقي وكل واحد ليه رزقه وده مش معناه اني ألوم نفسي علي حاجه مش بأيدي قولت خلاص مش هعمل ماجستير وهقعد مع نفسي افكر انا عايزه ايه دلوقتي قولت اني هكمل تعلّم اللغة العبرية عن طريق الكورسات واحسن مستوايا عشان ابقي fluent ف اللغه بس مش عارفه اعمل الخطوه بسبب حاجتين اني مش لاقيه شغل عشان ادفع فلوس الكورسات لانها بجد غاليه الشهر ب ١٠٠٠ وشويه السبب التاني ان اهلي مش مساعديني نهائي ماما اول م عرفت اني طلعت التانيه مش الاولي هزقتني ومسحت بكرامتي الارض وقالتلي انتي زيك زي الخدامه تقعدي تطبخي وتكنسي وتغسلي وبابا يعني مش عارفه اقولكم ايه والله بس مفيش منه امل انه يديني كورسات ويلتزم معايا لحد م ابقي ف مستوي عالي.. حاليا انا تايهه مش عارفه طريقي امشيه ازاي مش لاقيه خيط امسك فيه انا بجد مدايقه ومقهوره  علي حالي وعلي اللي وصلتله خسرت كل حاجه حتي صحابي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_52024 🇪🇬

منذ شهر واحد

شعور مرهق

عارفين يا جماعة كنت بفكر في الانتح.ار، مش هعمل كده أكيد إن شاء الله، بس كون الفكرة تيجي في بالي دي مشكلة كبيرة أوي. بحس محدش بيحبني، أو أنا مش قادرة أشوف ده أبدًا. مش عارفة أعمل أي حاجه، أنا تايهة حقيقي بجد، مش فاهمة ومش عارفة، اليوم النهارده بايظ بشكل مش طبيعي من كل النواحي، أنا حقيقي مش عارفة أخرت

Avocado_75401 🇪🇬

منذ شهر واحد

شعور مريض

مبقتش قادرة اتعامل مع بنى ادمين ولا عندى ثقه فى حد علطول خايفه من الناس من راكشناتهمً من تفكيرهم كان حد عنده حساسيه حتى من الهوا مش عارفه اكون علاقات ولا اشتغل على نفسى تايهه طول الوقت ووحيدة بشكل مفزع

Croissant_71322 🇪🇬

منذ شهرين

شعور ضائع

عبّر عن شعورك بشكل مجهول

طول الوقت حاسه انى عندى مشكله بس مش عارفه ايه هى و لما كبرت اتاكدت انى عندى Dady issues بس وانا صغيره مكنتش اعرف ايه المشكله ال عندى او انى عندى مشكله أصلا بس كنت ديما بتخيل ان عندى اخ اكبر منى بيطبطب عليا و يحبني و يهزر معايا و كنت مقتنعه ان عندى اخ بس تاه مثلا او اي حاجه و كنت لو بشوف واحده صاحبتي بتكلم اخوها مثلا افضل باصه عليهم و ببقا نفسي اعيش المشهد ده مع انو عادى جدا بالنسبالى لا و كنت لما بشوف بنت تقول اكتر حد بتحبو هو باباها كنت بستغرب عشان انا بالنسبالي الاب مش بيعمل حاجه خالص ف انتى بتحبي باباكى ليه بجد كنت بسأل السؤال ده بيني و بين نفسي مش بحقد خالص انا معشتش ده ف معرفش و لما كبرت عرفت ليه كنت بحب المدرسين بتوعي و مينفعش يعدي فتره غير لما اكون بحب حد لمجرد انو ادانى اهتمام بس  الحمد لله معملتش اي حاجه غلط ل رميت نفسي ع حد و لا حد ضحك عليا و لا اي حاجه عشان كنت بحبهم بيني و بين نفسي و عشان امى ربتنى ان ده غلط ف كان عندى حدود معروفه و عشان انا جبانه اوى برضو مش سهل انى اعمل حاجه غلط عشان حب بس لما بقيت بعد م جدى مات و هو ال كان مالى الفراغ ال سابو ابويا شويه و كنت بحبو حب مش طبيعي لدرجة كنت بقول ل جدى بابا و ابويا مكنتش بعرف اقولهالو ف لما مات عرفت اني انو انا كنت بضحك علي نفسي بالحب ال كنت بحبو ل اي حد ده و مبقتش عارفه احب حد عشان خوفت من الفراق ده ان حد اتعلق بيه حد لو حاجه بسيطه و يسبني كده تايه مش عارفه اعمل ايه انا بقالى سنين تايه تايه اوى بس،للأسف اول مادخلت الجامعه عملت الحاجه ال خايفه منها كل ده و حبيت و مشي زى م كنت متوقعه و ده وجعنى و مش عارفه امشي حياتى رجعت تاهة تانى بعد م كنت بدأت ابقا كويسه و مهمهوش انا يحصل فيا إيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_58637 🇪🇬

منذ شهرين

شعور محبط

أنا محتاجه اتكلم مع حد وأفضفض ويسمعني ويقولى اعمل ايه وهل فعلا انا صح ولا غلط حاسة ان بعد العمر ده كله ان غلط او افكاري غلط او يمكن انا اللي مافورة مش عارفة بجد بس كل اللي عاوزة اقوله يمكن انا تايهة وحيرانه ومش عارفة بجد انا بعمل ايه وعاوزة ايه حتى او يمكن عاوزة وعارفة بس فقدت الشغف

Nutella_73953 🇪🇬

منذ شهرين

شعور محبط

المواساة اللي بواسي بيها غيري مش عارفه اواسي نفسي بيها حاسه كل حاجه وحشه بسبب بس ان انا كنت متعودة علي وجود حد ووثقت فيه اوي وهو في النهاية بعد من غير اي سبب ومش فاهمه ليه بقيت تايه اوي ومش عارفه اعمل ايه كل اللي عوزاه اكون كويسه وارجع زي الاول 🙂

Marshmallow_69424 🇪🇬

منذ شهرين

شعور مكتئب

خلصت تالتة ثانوي وهبدأ أول خطوة في طريق جديد:كلية الطب. بس الحقيقة؟ أنا عمري ما كنت بحلم أكون دكتورة أو حتى أعرف أنا عايزة أبقى إيه. كنت فاكرة إن لما أوصل للنقطة دي، هبقى فرحانة، مطمنة، فخورة. بس أنا حاسة إني تايهة. بقيت من بدري قوي مش بعرف أتكلم عن اللي جوايا، بقيت بكتم كل حاجة لحد ما فجأة ألاقي نف

Banana_65522 🇪🇬 مبروك يا دكتوره وان شاءالله هتبقي احلي دكتوره في الدنيا وياريت نبقي اصحاب وعلي فكره انتي احلي حاجه حصلت النهارده

عرض الكل 9 نصيحة

Guava_68453 🇪🇬

منذ شهرين

شعور محبط

Cherry_68454 🇪🇬 سنك بيكبر ازاي وانتي ٢١ !!! المشكله في خطة الاهداف وتوقيتها وتنفيذها

عرض الكل 38 نصيحة

عبّر عن شعورك بشكل مجهول

عايزة احكي مشكلتي عايزة اكون ملمه بكل التفاصيل بس للاسف مش هعرف احكيها الموضوع يطول شرحه هقول المهم انا بنت عندي 21 سنه ليا حلم وعايزة احققه اني اكون مستقله ماديا قبل ما افكر في موضوع الجواز لاني نفسي اتملك عربيه او شقه بقالي سنه شغاله شغلانات مختلفه عندي مرونه ولكن في شغل مش مقبول بالنسبالي المهم اجمع فلوس وللاسف مجمعتش اي حاجه لاني كل ماروح شغل اسيبه لسبب ما ان يجيلي فرصه احسن او احس اني بتعرض للاهانه من صحاب الشغل او الاستغلال مبقدرش استحمل حاجه زي كدا وكان قبضي باخده بالاسبوع ف مكنتش بمسك ف ايدي فلوس كتير كان كله يضيع ع اللبس واحتياجاتي الشخصيه معروف مصاريف البنات كتيره وحاجتهم غاليه اصلا انا دلوقتي رايحه رابعه كليه والمشروع اللي بفكر فيه اني اكون ميكب ارتست لان من وجهه نظري دا اسرع طريق يجيب فلوس لاني سني بيكبر وخايفه معملش حاجه واستسلم ويمر بيا الزمن والاقي نفسي متجوزة مثلا واللي مخوفني من الموضوع دا اكتر ان حواليا تجارب فاشله حد ينصحني اعمل اي يديني خطه ماليه امشي عليها لاني عايزة اجمع راس مال ومش ثابته في شغل واحرم نفسي من اللبس بس مهم جدا لاني ف اخر سنه ومش هيتعوض مع ان الموضوع مش كبير اوي ممكن الفين جنيه لبس اكفي نفسي بيهم ف الصيف مثلا ونفس مبلغ ف الشتا كدا كدا مش بروح الكليه ع الامتحانات ودا وقت ظهوري اللي بكون محتاجه فيه ان شكلي يكون كويس لاني ف الاخر بنت ويهمني شكلي يكون ف احسن صورة مش عايزة اقولكم ع الخنقه اللي انا فيها واليأس عايزة حد ياخد بايدي ويفوقني لاني حاسه اني تايهه وبضيع لو مخدتش خطوة وقررت هعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع