السلام عليكم بصراحه اول مرة اجرب حاجه زي دي بس غالبا الكتابه بتدي احساس بالراحه و بتنظيم التفكير ف هجرب اشارك الحاجه دي جايز تدي احساس الطف ..انا مش عارفه اي مشكلتي بالظبط أو عارفه بس بقيت اتكسف اقول انها مشكله قدام مشاكل ناس كتير أنا مدركة انها مشكله بالنسبالي عشان انا مش عارفه اتعامل معاها مش علشان هي صعبة ف حد ذاتها ..لسه تامه 24 سنه من يومين حاسه السن دا مخوفني شوية خصوصا اني لسه محققتش إنجاز يذكر ف حياتي ولسه مش مستقره ف اي حاجه سواء شغل أو ارتباط الشغل بسبب اني مستنيه حاجه معينه و الارتباط بسبب اني مستنيه استقر ف شغلي أو جايز مقابلتش الانسان اللي يخليني اتطمن كفايه اني اخد خطوة الارتباط معاه بس مؤخرا احساس عدم الانجاز دا بدأ يخليني أفقد الثقة ف نفسي ودا اطلاقا مش شبهي لاني انسانه واثقه ف نفسي جدا ف كل حاجه ..متضايقه لاني بدأت أحس أن دا بيتغير و بقيت بكلم نفسي بطريقه سلبيه غصب عني و بعظم اصغر إنجاز لكل اللي حوليا لانهم بياخدوا خطوات ف حياتهم علي عكسي و ف نفس الوقت انا مفيش ف ايدي حاجه اعملها غير اني اصبر و استني خوفي أنه يكون الانتظار دا ف حد ذاته غلط وفيه خطوه المفروض آخدها انا مش واخده بالي منها خايفه اكون مقصرة ف حق نفسي و ف نفس الوقت لما بقعد افكر مبلاقيش حاجه بحس اني تايهه و مش عارفه اعمل اي بالظبط والحاجه الوحيدة اللي مصبراني علي دا كله أن ربنا موجود وأنه هيخرجني من دا كله قريب

5

0