مديري بيتريق عليا في الشغل قدام الناس

Mango_29955 🇪🇬

منذ 11 ساعة

شعور غاضب

يا جماعه انا عندي مشكله ان مديري في الشغل دايما بحسه بيتريق عليا تحت بند الهزار يعني مثلا انبارح كان في اجتماع مع حد وانا كنت موجود ف الشخص دا في حاجه مفهمهاش قاله متبقاش زي دا وشاور عليا وبيقولي بقا بيتضرب بيك المثل انت انا مش عارف عملتله ايه عشان يقول عليا كدا انا لما بيطلب مني حاجه بعملها علطول ومقصرتش في شغلي وليا بنت عمى في نفس المكان بيتعمد يتريق عليا قدامها ولما هنزل ورديه بالليل قالي دا احنا هنرتاح منك قدامها انا مش عارف انا عملت ايه لدا يعني 🙂🙂

خايفة أمسك واحدة في الشغل وأعجنها من الغضب

مساء الفل انا بوردرلاين وبحاول اتعافى، بتجيلي نوبات غضب مدمرة وبقالي سنة بدون نوبات غضب ، بس الفكرة كلها ان في واحدة في الشغل مضيقاني الفترة دي وبجد خايفه عليها مني حاسه اني ممكن امسكها اعجنها مخليش فيها حتة سليمة بس كل ما بتفتح بؤها بقعد اهدي في نفسي وبعمل كل تمرينات التنفس وببتسم بس حاسه في مرة هروح رزعاها كف اجيب اجل امها بيه ......... ...عرض المزيد

4 الدعم

14 نصيحة

محتاج رأيكم في حبي للبنت ومديري الخاين

عاوز رايكم و مساعدتكم لو سمحتم انا عندي ٣٩ و الحكاية ابتدت من سنة ان واحدة اتعينت معايا في الشغل محترمة و متربية و مؤدبة و النصيب انها فيها كل الصفات ال بتمناها فعلا و كانت في خيالي للوحدة ال ارتبط بيها انا مكنتش بفكر في الجواز قبل كده علشان مش عاوز أظلم بنات الناس لاني امكانياتي ان مفيش شقة و كان عندي محل ورث عن والدي مكنتش عاوز اتصرف فيه علشان ولدي الله يرحمة كان مرتبط بالمحل جدا لما شفت زملتي دي فكرت في الجواز و اتصرف في المحل و اجيب شقة بس كانت فيه مشكلة ان البنت كانت مخطوبة مع الوقت و التعامل القريب حبتها من كل قلبي و هى الحب الاول ليا مكنتش بتكلم معاها في حجات شخصية او بخصوص خطيبها و كنت بتمنلها الخير بس معملة خطيبها ليه كانت وحشة اوي ضرب و شتيمة و بعد ما تكلمه في التليفون تقعد تعيط و انا مكنتش بكلمها في الحجات دي بس كنت ملاحظ المهم شاء ربنا في يوم ببص في ايدها ملقتش الدبلة عرفت بعدها انها سابت خطيبها لما خيرها بينه و بين الشغل هيا اختارت الشغل بعد فترة عرفت من صديقة مشتركة انها اصلا منفصلة و عندها بنت صغيرة و مش قيلة في الشغل و دي كانت رغبت خطيبها و خطيبها ده كان بيعايرها انها مطلقة ديما على اساس انها حاجة تقلقل منها المهم فكرت وصليت صلاة استخاره و قلت مفيهاش حاجة و حعتبر البنت بنتي و ربنا عالم و شاهد علي نيتي فكلمت زملتي دي اني ارتبط بيها و اتقدم لأهلها قالت مش بفكر دولقتي والف من يتمناك و مقلتش على طروفها قلت طب خدي وقتك فكري انا مش مستعجل و قفلنا الموضوع لان كنت بقول لنفسي ان انا اتقدمت بدري كان بعد شهر من ما سابت خطيبها و احنا كنا قريبين اصلا فده خلاني اتكلم بدري بس قلت المفروض اصبر و عدي شهر تانى و من التعامل و انا اعزم مرة و هيا تعزم مرة لاقيت امها كلمتني في التليفون و مكنتش اول مرة نتكلم بس المكالمة دي مختلفة قالت هو انت لسه عاوز لسه ترتبط بينتي قلت ايوه قالت انت عارف ظروفها قلت ايوه و متقبلها تماما قالت كلم اخوها كلمته سال عليا و رد ان الناس قالت في حقي كلام كويس و اني محترم و الحمد لله و اقترح ان اكلم زملتي في التليفون على اساس اننا مش بنعرف نتكلم في الشغل لاننا مش حنتكلم كزملة و كمان يبقى بعيد عن الشغل لحد ما هيا تتعرف عليا اكتر و تاخد قرار قلت ماشي و فعلا كنا بنتكلم بالساعات ٦ ساعات في المكالمة الواحدة و براحتنا بعيد عن جو الشغل هيا مقلتش انها بتحبنى بس كانت بتقول أسرار مش بتقلها لخطيبها حسب كلام اهلها و بتاخد راحتها معايا في الكلام و الأمور مشيت حلو كلام و هزار لمدة أسبوع ظهر في الصورة خطيبها بدأ بيهددها انه يعملها فضيحة بالكدب في الشغل و عند أخواتها و حتى بعت ليا رسالة و مردتش عليه و كان بيقول انا حخليكي تسيب الشغل ده و انتي عينك مكسورة و في الأرض و حيعملك فضيحة وسط اهلك و اقول اني عملت و عملت انا علشان اطمنها قلتلها و امها اني مش مصدقه و كمان لأنها محترمة فعلا كانت هى بتتجاهله في الأول ابتدت ترد عليه قلها انا عملت كده علشان بحبك و كنت بهزر مش حعمل فضيحة ولا حاجة مكانتش موفقة ترجعله و احنا كملنا كلامنا عادي و اهلها قالوا ليا معلش اصبر عليها شوية لسه خارجة من علاقة فاشلة و وافقت و قلت على راحتها خالص مش عاوز حد يضغط عليها و في يوم بنتكلم هيا قالت احنا بنتكلم ليه و اننا عارفين بعض اصلا و انا كلامنا في التليفون عامل مشاكل ليا في البيت قلت مشاكل ايه كله بعلم اهلك و موافقتهم قالت انه ابويا قال يا انا أوافق و انت تتقدم و تيجي البيت و هو موافق عليك يا اما ابلغك علشان تشوف انت بنت الحلال و مبقاش معطلاق جنبي فاحنا اصحاب و زملة و اخوات قولت تمام إذا كانت دي رغبتك اكتشفت ان في نفس اليوم ده و قبل المكالمة الأخيرة ال بينا بساعات مديري ال في الشغل و ال بعتبره اخويا الصغير هو ٢٩ سنة بس اقدم مني في المجال ( كان عارف اني بكلم البنت و بحبها و ناوي اتقدم) هو كلم البنت و قلها انا جايبلك عريس الهو صاحب الشغل بتعنا و صاحب الشغل ده غنى بس سلوكة مش كويس و بيجوز جوزات عرفي شهرين و يسيب او علاقات منغير جواز و بيشرب خمر و انا ال مكنتش مركز معاه في الأول ولا في حياته الشخصية و مديري ده عارف بكده من بدري جدا و كان لمديرى زي مكافأة مبلغ لو هو ظبط الموضوع لصاحب الشغل ال كان عرف اني بحب البنت لما سال بعض زميلنا في الشغل و بردوا اتقدم و البنت مرفضتش العرض ولا وافقت بس قالت حشوف اهلي و ابوها لما عرف قالها يا تقولي لراجل (عليا انا) البيكلمك يجي البيت و انا موافق عليه يا اما تقولي له يشوف بنت الحلال متعطلهوش جنبك و هي اختار نبقي زملة و ده نصيب يومين و خطيبها قابلها في الشارع و قالها الناس طمعانه فيكي نرجع لبعض و رجعت يومين و شتمها في التليفون فقالت خلاص مش حرجعله مع ضغط المدير و صاحب الشغل ردت علي تليفونات صاحب الشغل مكالمت في حدود ٥ دقايق و لمده ٣ ايام هي مكنتش موافق على صاحب الشغل بس تايها بعد كده اخوها الكبير قلها تسيب الشغل و كلم صاحب الشغل قلة ان كل شئ نصيب و كان اهلها مش موفقين عليه لما عرفوا سلوكة و اخوه رجعها لخطيبها علشان يقفل الباب قدام صاحب الشغل وخلاص ال عاوز رائيكم فيه اتعامل مع صحبى المدير ازاي انا مابعرفش ابقي بوشين او اكون شايل من حد و اتعامل معاه عادي او اضحك في وشة حاسيس اني مخنوق في الشغل و حزين علطول و. مع الأسف محتاج الشغل و مفيش بديل قدامي دلوقتي مخنوفة اوي من الشغل بيفكرني بالعمله صاحبي و بيفكرني بالبنت البحبها انا بتمنلها كل الخير و بدعيلها و انا بصلي لحد دلوقتي الموضوع مر عليه ٥ شهور نفسي ارتاح اهم من اجابتكم الدعاء ليا شكرا و اسف لحضرتك جدا جدا على الاطالة ...عرض المزيد

1 الدعم

4 نصيحة

أعترف إني خسرت كل حاجة بسبب حب زميلتي

أعترف… إني كنت فاكر إني لما أحب زميلتي في الشغل وأحاول أغيّر من نفسي عشانها، حياتي هتتبدل. كنت شايف في عينيها سبب إني أتمسك بالأمل، وكنت بقول لنفسي: "لازم مستقبلك يبقى أحسن، عشان تبقى قدها، عشان تقدر ترفع راسك يوم قدامها." عشان كده دخلت دوامة مقابلات شغل، تخفيت ورا مبررات كتيرة: ضغط نفسي، إغماءات، حكايات عن تعبي. كله كان ستار، بس جواه حلم بسيط… إني أبني مستقبل يخليني أستحقها. لكن الحقيقة؟ إني خسرت كل حاجة. خسرت راحتي، خسرت صدقي قدام نفسي، وحتى الأمل اللي كان بيدفعني. الحب اللي كنت شايفه منارة بقى حمل تقيل، والسرية اللي كنت فاكرها حماية بقت قيود. أنا مكنتش عايز غير حياة أفضل، مكان أقدر أكون فيه صادق ومكشوف من غير خوف. لكن بدل ما أوصل لهدف واضح، لقيت نفسي واقف في نص الطريق، لا قادر أرجع، ولا قادر أكمل. يمكن هي ما تعرفش مشاعري، ويمكن عمري ما قلتلها كلمة، بس أنا عارف إني كنت بحارب عشانها. والنهارده وأنا باعترف، مش بشوف غير الفراغ. المستقبل اللي حلمت بيه ما جاش، والحب اللي خبيته ما اتولدش… وأنا فضلت وحيد، شايل جملة واحدة: أنا خسرت كل حاجة. ...عرض المزيد

4 الدعم

4 نصيحة