ليه تسيبني وتمشي؟ دوامة أسئلة مش عارف إجابتها

Grape_77139 🇪🇬

منذ 4 ساعات

شعور مكسور القلب

فكرة انه نتعلق بشخص حابيناه ويختفى فجأة من حياتك دي اسوأ حاجه ممكن تدمر بيها اي بني آدم الي هو ليه؟ انا عملت ايه عشان تسيبني وتمشي؟ وندخل في دوامة من الأسئلة الي م عارفين اجابتها لحد الوقت فتبدأ تشوف انه العيب منك وانك انسان متتحبش وتتكون عند تروما وتبطل تثق ف حد وتتحول لانسان وحيد معندوش شغف وحتى لما هتلاقي الشخص الصح الي هو مستعد يعمل اي حاجة عشانك م هتثق فيه بسبب الي حصلك قبل كدا وتبدأ تظلم شخص حبك بسبب شخص تاني كان بيتسلى بيك فبجد حسبي الله ونعم الوكيل

خايفة أتزوج وأخلف بنت بسبب ماضيي مع الإساءة

انا بنوته عندي ٢٠ سنه؛ وانا صغيره كان باباي بيضريني ويتف عليا ويشتمني ويضربني جامد برجله وبايده ودا كله بسبب المذاكره علشان اخويا الأكبر مني اشطر مني واخواتي ال٢ اولاد وبيذاكروا عني ؛ وفضلت على الحال دا حتى بعد ما بلغت؛ وكنت ساعات بتضرب انا تعبانه؛ وماما لما كنت بشتكيلها كانت بتقولي معليش دا بباكي بيحبك بيخاف عليكي.. الخ؛ وانا في بدايه البلوغ كنت بحس ان لما بصحي كأن بنطول البيجامة نازل؛ بس كنت بقول اكيد من كتر ما بتقلب وانا نايمه؛ بس اكتشفت انه اللي بينزل اخويا الكبير و بيحاول يتحرش بيا (عن طريق انه يشوف عورتي ويحاول يبوسني) ووقتها من الخوف كنت بثبت وبعمل نفسي نايمه؛ وبعدها قلت لماما وقعدت تبكي وبتبعدني عنه مده وبتاع؛ مره السنين ولاحظت ابويا بيبص على الأماكن الحساسه عندي وانا لابسه اي حاجه؛ ف قلت لماما ووقتها قالتلي انا بيتهيئ لي (علشان بس الموقف اللي تعرضت له زمان)، دلوقتي بابا بطل الضرب واخويا بقى حد كويس وغيور؛ ولكن انا مع اني بتعامل معاهم بإحسان وحنيه الا اني من جوايا مش عارفه اتعافي ومن اقل موقف برجع افتكر ايام زمان؛. وانا بما اني مليانه جدا وتخينه دا مخليني بلبس في البيت واسع ودا شرع ربنا بس الا اني حاسه جدا بالوحده وخايفه اتزوج واخلف بنت وتتعرض للحاجات اللي انا اتعرضت لها؛ وانا لما بحس بفراغ جوايا بروح اكل اي حاجه مسكره واحضن نفسي وأحاول اواسيها وتنسي ايام زمان؛ انا الحمد لله ملتزمه بالصلاه والقرآن ولبسي محترم و العباده والدين والاذكار بس نفسيا مش عارفه اتخطى اللي حصل؛ وهل ممكن في يوم لو اتزوجت وخلفت بنت وقتها مش عارفه هيبان عليا اني بخاف عليها بزياده وهل زوجي هيتفهم؛ وهل اصلا هعرف لما اتزوج احس بالأمان اللي طول عمري ماحسيتش بيه؟ ...عرض المزيد

3 الدعم

4 نصيحة