نفسيتي واقفة عند يوم معين من سنتين

Lemon_69342 🇪🇬

منذ أسبوعين

شعور مكسور القلب

لو فركشت من سنتين بظبط و كل حاجه واقفه عند اليوم دا جوايا !!! أنا دنيتى ماشيه الحمدلله و شغلى تمام بس نفسيا كإنى لسه عند اليوم ده و دا مأثر على علاقتى بكل الناس اللى حواليا و طبعا محدش متوقع ان يكون دا السبب… كل الأحداث اللى بتحصل من بعد اليوم دا بتعدي و بنساها زي العادي لكن كل اللى قبل اليوم دا فاكره كإنه امبارح و الوقت مش بيغير اى حاجه !! حد عنده حل ؟!

وحدة قاتلة وأفكار انتحارية لا يعرفها أحد

يتوغل بداخلي هذا الشعور، أنني بمفردي كل الوقت. عندما يتخلى عنك الجميع و تشعر أنك تقف في المنتصف بمفردكَ تمامًا رغم أنهم جميعًا حولك. بداخلكَ رغبةٌ عارمةٌ بالبكاء و لكن تقف الغصة في منتصف حلقكَ تمنعك من التنفس بشكلٍ صحيح. تتخذ ركنًا لتكون منفردًا بأفكاركَ الإنتحارية التي لا يجب أن يعلمها أي أحد، تستمتع لبعض الكلمات الحزينة تنبعث من هاتفك عبر سماعات الأذن و تشعر بها تضرب أعمق نقطةٍ بداخلك. لا يمكنكَ البوح بكل هذه الأشياء لأنك ستتحول إلى شخصٍ لديه أمراض عقلية بنظرهم، و هذا سيبعدهم عنكَ أكثر. تتقبل الواقع و أنك شخصٌ غريب عنهم و مجهول بينهم و تضحي بحالتكَ النفسية في سبيل أن تكون محاطًا ببعض الأشخاص تحت مسمى الأصدقاء. ...عرض المزيد

6 الدعم

2 نصيحة

مش قادرة اتخطى أذى أهلي وخايفة من الثقة في حد

انا شخصية اجتماعية مع الكل وبشتغل فى العشرينات بس مش قادرة اتخطى أذى اهلى ليا وضربهم فيا وكمان اعتداء زمان وانا صغيرة مش عارفة انسى وده مخلينى مش بثق فى حد حتى لو متقدم وشخص كويس جدا بس خايفة يأذينى زى واكتر من اهلى ...عرض المزيد

0 الدعم

معاناة 14 سنة مع الحب والخيانة والغدر

مساء الخير انا كنت محتاجه احكي مشكلتي وكنت محتاجه حد يساعدني انا ارتبطت بشخص ١٤ سنه هو اكبر مني ب ١١ سنه كبرت قدامه ومعاه مكنتش بشوف غيره كان دايما بيقولي انه هيتجوزني وبيحبني عرفني علي اهله ودخلت بيتهم وحسسوني ان واحده منهم كانوا دايما بيقدموني للناس ان انا خطيبه ابنهم كنت دايما بخاف علي زعلهم ولو هما اللي زعلوني كنت انا اللي بروح لحد عندهم واصالحهم كنت بجبلهم كل الحاجات الحلوه كنت ممكن احرم نفسي بس عشان احوش واجيبلهم وانا رايحه حاجه حلوه ابنهم كان لما نتخانق مع بعض كان بيحطني في البلاك ليست ويعملي بلوك كنت انزل الساعه ٢ بليل اكلمه من السنترال اتحايل عليه يشيلني من البلاك ليست ويكلمني كنت اروحله لحد بيته واتحايل عليه واصالحه كان دايما بياخد مني فلوس لو كنت اقوله مش معايا كان بيزعل مني وبيحسسني بالذنب ان مش معايا كان لو معايا جنيه كنت بستخسره في نفسي واديهوله هو عمره ما جابلي حاجه بعد كل ده خاني خاني مع واحده مطلقه ومعاها عيل وكانت خيانه قذره وكانت حامل منه وبعد كدا سابها وبعد ما سابها رجعتله انا كنت مستنياه اصلا حتي رجعتله من غير عتاب ولا هو قالي حتي انا اسف وكملنا وبعد ٣ سنين خاني تاني مع مطلقه ومعاها بنت كانت معاه في الشغل وكان بيسافر معاها اسكندريه كل جمعه وكانت حامل منه وبعد كدا خلاها تنزل الحمل ده وانا كنت بموت وبروحله في كل حته عشان يسيبها ويرجعلي وكان دايما بيشتمني شتايم وحشه ويقولي انتي محدش هيبصلك غيري كنت بحس ان قلبي في نار كل ما الاقي معاها واتصل بليل بيه الاقي ويتينج ويسيبني ويتينج ويكمل كلام معاها فضل معاها سنه وسابها من ٣ شهور وكان عايزنا نرجع بس انا مقدرتش كل ما اكلمه افتكر كل اللي حصل بس انا لسه بتابعه وبكلمه وكل ما اكلمه بيوجعني اخر مره قالي انه خلاص هيتجوز جواز صالونات قالي ولا اعرفها ولا تعرفني نبقا نعرف بعض بعد الجواز بعد ما عملت معاه كل ده غدر بيا وهيتجوز واحده غيري واهله عملولي بلوك مهنش عليهم يكلموني ولا يقفوا جمبي اهله كمان غدروا بيا بس هو دايما بيحسسني انه مش ظلمني ولا خاني ولا عملي حاجه ودايما يقولي ان انا اللي وحشه وانا اللي مريضه نفسيا بيحسسني ان انا اللي ظلمته وان هو احسن وانا بعيد عنه وفعلا بيقدر يوصلي احساس ده ويحسسني بتانيب الضمير من ناحيته مش عارفه ازاي بعد كل اللي عمله فيا دلوقتي هو هيجوز يوم ما قرر يتجوز راح لوحده تانيه وسابني مع ان والله عمري ما سيبته في ازمه ودايما جنبه وجمب اهله انا مش هعرف ارجعله لان مش هعرف انسا اللي حصل بس انا مش قادره اتخطاه ومش عارفه انساه والوجع اللي جوايا مش عايز يروح وقلبي بحس في بنار ووجع كل ما اعرف انه خلاص هيتجوز وافتكر كل اللي حصل فيا ولسه بتابعه ومش عارفه اعمل اي ...عرض المزيد

5 الدعم

3 نصيحة