بتعمل إيه لما الكل يبعد وتفضل لوحدك؟

Question

بتعملو اي لما كلهم يبعدو مرة واحدة وتلاقو نفسكم لوحدكم لأول مرة. 
مكنتش متعودة علي الشعور دا كنت متعودة أن دايما فيه ناس حواليا ... حتي الاشخاص اللي كنت فاكرة أن مستحيل الزمن يغيرهم و دايما هنفضل مع بعض اتغيرو و بعدو .
ودا غيرني أنا شخصيا .. مبقتش نفسي بقيت شخص مختلف تماما معنديش اهتمام لأي حاجة و كئيبة . 
متفهمة أن طبيعي كل ما نكبر بنتشغل بحياتنا بس مهما انشغلت كنت حافظالهم وقت ليهم  . معملوش هم كدا  .

ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

Hazelnut_77165 🇪🇬 · Accepted Answer

بصي يا حبيبتي، اللي انتي حاساه دا طبيعي جدًا، كلنا بنعدي بالمرحلة دي لما الدنيا تلف بينا.
اللي يفرق بقى إنك ما تسيبيش نفسك للوحدة والكآبة، حطي نفسك وسط نشاطات جديدة أو ناس مختلفة.
والأهم ترجعي تهتمي بنفسك وحاجاتك الصغيرة اللي بتحبيها، عشان تلاقي نفسك تاني وتطلعي أقوى

Pear_68772 🇪🇬 · Answer

معرفش والله انا اتخطيت ده ازاي بس اعتقد بدأت افهم نفسي اشوف تجارب جديدة اشوف ناس جديدة مش من باب اني بايع ولا حاجة قد ماهو احاول اتخطى وافهم نفسي
...

Kiwi_76687 🇪🇬 · Answer

مع الوقت هتعتادي 
هتحسي انك بتنطفي بس عادي

Mushroom_70207 🇪🇬 · Answer

حاولت اشوف ناس جديدة و اتشغل ف حاجات كتير بس لسه واقفة عندهم مش عارفة اتخطي

Mushroom_70207 🇪🇬 · Answer

أنا بالفعل انطفيت و كارهة دا ومش عارفة ارجع لنفسي

Mushroom_70207 🇪🇬 · Answer

كأن شخصيتي القديمة كانت ليهم بس مش عارفة ابقي أنا مع حد تاني غيرهم

Kiwi_76687 🇪🇬 · Answer

مش شرط  تحسني علاقتك مع الناس 
ممكن محتاجه تحسني علاقتك مع نفسك ؟

Biscuit_71546 🇪🇬 · Answer

كل مرحله في عمرنا بيبقي عندنا طاقه معينه بنجذب بالطاقه دي اللي يشبهنا 
كل ما نكبر الطاقه دي بتتغير
في ناس بتعلي طاقتهم واستحقاقهم بالتعليم او الشغل 
كل ما كاقتك ارتفعت كل ما كان استحمالك للناس القديمه اللي ما رفعتش طاقتها كان اقل
وحبك لتكون صداقات جديده تشبهك فب المرحله دي بيكون اقوي 
اللي بيفضل ثابت محلك . او حتي طاقته بتقل بسبب مشيه غلط او ثباته
الناس بتنفر منه وبيجذب عليه علاقات اقل وناس اوقح

Mushroom_70207 🇪🇬 · Answer

كلامك قاسي شوية بس بعيدا عن دا انا مش شايفة أنه صح الصداقات ملهاش علاقة بالتعليم و الشغل أو الاجتهاد عمتا ف حياتنا 
من وجهة نظري الصداقة بتبقي مبنية علي شخصيات و اهتمامات بعيدة عن اهتمامات العلم و الشغل والكلام دا .

لو كان كلامك صح كان المفروض العكس أن أنا اللي انفر لاني بقيت مشغولة اكتر و مهتمة اكتر بحياتي رغم كدا كنت دايما موجودة ومهتمة بيهم ..

Mushroom_70207 🇪🇬 · Answer

حاسة يمكن اه

Biscuit_71546 🇪🇬 · Answer

يبقي علشان انتي اللي طاقتك عليت هما مش قادرين يماشوكي عادي 
افهميني صح ما قصدتش اضايقك

احنا بنقبي صحاب لحد الثانويه 
كل واحد بيدخل كليه 
بيجمع باصدقاء جداد 
دا لانه استحق الصداقه اللي من نفس جنس علامه 
مهما حاول بتاع طب يمشي مع بتاع حقوق هتظل علاقتهم فيها فراغ ما كانش موجود قبل كدا 
غير العقليه بتتغير والتفكير
صدقني الموضوع محتاج صدق مع النفس ان كلنا بنتغير مش بس اللي حوالينا
انتي كمان اتغيرتي

Mushroom_70207 🇪🇬 · Answer

فهماك بس احنا كنا حرفيا اخوات مش صحاب ف مش مقتنعة أن تبقي دي اسباب تخليهم يبعدو و يزهقو احنا صحاب ١٣ سنة

Mushroom_70207 🇪🇬 · Answer

بحاول اشغل نفسي علي قد ما اقدر

Hazelnut_77165 🇪🇬 · Answer

بتشغلي نفسك ازاي بالظبط

Mushroom_70207 🇪🇬 · Answer

كدا كدا مشغولة ف الجامعة و غيرها بقيت مركزة اكتر علي تطوير نفسي ببدأ من دلوقتي اشوف مجال شغلي وبدور علي تدريبات

Biscuit_71546 🇪🇬 · Answer

وانا كمان كان ليا اصحاب عيشنا مع بعض ١٧ و ١٨ و٢٠ سنه
وفي الاخر كل واحد راح في طريق يمكن بنسال علي بعض صدف 
بس دي قناعاتي
اننا لو فضلنا نشبه بعض كنا كملنا
لكن منا واحد بقي بتاع بنات وبتاع مصلحته اوي لما كبر
والتاني بيحب الشغل عن اي حاجه
والتالت دكتر وغيره مهندس
واللي محامي مش لاقي وقت لموكليه اصلا
فكل واحد في وادي وقبل ما ندخل الوديان دي كنا مفشكلين الشله قبلها بكتير اوي من اول اولي او تانيه جامعه

Pear_68772 🇪🇬 · Answer

مهو الموضوع هياخد وقت يعني ... بس خليكي عارفة ان كل ده طبيعي ومشاعرك طبيعية جداً... وأصبري

Donut_67161 🇪🇬 · Answer

دي فترة بتيجي علي كل. واحد فينا ربنا بيفكرنا اننا ملناش غيره