قصتي مع التنمر كانت بسبب كذا حاجه وباشكال مختلفه اول مره كانت في ابتدائي كنت دايما بحاول اقرب من البنات في الفصل لاني بطبعي هاديه بس كنت عاوزه اكون صداقات زي غيري بس دايما كان يؤول بيا الامر انهم محدش يرضي يكلمني عشان معنديش حاجه مميزه كنت منبوذه بمعني اصح كرهت المدرسه كره في ابتدائي بس كنت بروح ولما كنت في اعدادي عشان احاول اكون صداقات اتعرفت علي شلة البنات اللي دايما بتحاول تعجب الولاد غيرت من نفسي عشان احاول اكون معاهم بس برده محدش كام بهتم يصاحبني تاني شكل اتعرضت ليه في ٢ اعدادي وقت تغير شكلي وشي اتملي حبوب وتخنت جامد طبعا طانت بتجيلي تعليقات كتيره جدا علي وشي واني معفنه وكلام ملوش علاقه باللي حصلي بس عشان كنت صغيره كنت فاكره انهم صح ونا اللي مش بهتم بشكلي كنت بقعد بالايام مكولش عشان محدش بقول عني تخينه وكنت بفضل ابحث عن وصفات للحبوب وبوظت وشي اكتر بحاجات مضره ليه مع ان الفتره دي كانت لخبطه هرمونات عشان بكبر ولو كنت سبتها كان وشي هيرجع طبيعي مع الوقت بس كله بسبب كلام ناس مش فاهمه حاجه فاكره ان حيات الناس علبه في اديهم بس والحمد لله بعد مرور السنين شكلي اتغير للاحسن جسمي راضيه عنه جدااا ووشي بحبه اوي وعندي صحاب من اوفي الناس وبقيت بحب شكلي ونفسي واي حد يقولي كلمه متعجبنيش ارد عليها وبجد انا مكنتش هحس بالنعم دي غير بعد اللي مريت بيه والحمد لله

حقيقي انا مبسوطه وفخوره جدًا انك صاحبتي وأختي وفرحانه انك عديتي بكل دا وانك بقيتي احسن من زمان وبحبك وهفضل احبك دايمًا🫂

قررت اعمل التكميم من كتر ما اهلي واقفولي حياتي علي ان اخس ...كلمة بس لو خسيتي شويه هتتجوزي ..بس لو خسيتي شويه كنتي اتقبلتي في الشغل....بس لو خسيتي شويه ....المهم اني عملت التكميم وخسيت رقم كويس مع العلم اني مكنتش تخينه اقوي .. دلوقتي بقاااا بقيت اسمع لما كنت تخينه كنتي احلا من بابا المجامله هو يعني انا كده المشكله فيا انا ....انا كده الي مش حلوه مع العلم انا بشوف نفسي حلوه . ...بس مقتش وحسى اني ضحيت بالاكل الحاجه الوحيده الي كنت بطلع فيها غلبي مبقتش موجوده

عارف الشعور صعب واحييكي انك عملتي كدا وخسيتي وارادتك شديدة وده إشارة على إنك تعرفي انك بتعملي كدا عشانك مش عشان حد ، صدقيني ابوكي بيحبك وبيهزر بس هو مش عارف ازاي يعمل كدا، وعلفكرة ممكن احيانا لما حد يعاملك كويس متحسيش انه بسبب انك خسيتي ، بس دي حجات نفسية في الناس، بيعملو الحلو بأسلوب، والوحش بيشتموه، اهم حاجة ركزي مع نفسك ومتبقيش زيهم وابعدي عن المتذمرين،

قراري أخس وغير حياتي من الابتدائي لحد ما بقيت فخورة بنفسي

Q: إزاي أتعامل مع التنمر وإحساسي إني ستيكرر 🦆

تنمر إي اللي أبطله دَ أنا عامله نفسي ستيكرر🦆

Ice Cream_30319 🇪🇬's منشور

Ice Cream_30319 🇪🇬

منذ 7 أشهر

شعور فخور

موضوع:

الدايت وكلام الناس في وشك علي وزنك

ياه انا كنت بنت صغيره في ابتدائي وكان كلام صحابي بيدايقني وقرايبي واهلي وامي وابويا وكان بيأثر فيا بالسلب بس خد قرار اني هخس وعملت دايت من العيد الصغير للعيد الكبير في شهرين يعني خسيت 8كيلو لاني كنت مقرره اني لما ادخل اولى اعدادي محدش يتكلم معايا بحاجه تدايقني وانا علشان كنت لسه صغيره فطولك ودا فرق معايا وبقا ساعتها طولى بقا 163 بقيت حد تاني وكنت فخوره بنفسي اوي و كانوا مصدومين محدش قدر يقولي حاجة تدايقني تاني بس دا كان زمان