فقدت ثقتى في نفسي بعد الزواج

Question

طول عمري كنت بحب نفسي وشكلي جدا وكان عندي ثقه في نفسي كبيره جدا كنت شايفه نفسي ذكيه وشاطره وده كان بشهادة الناس كنت بحب الحياه والخروجات والسفر جدا ...

بس من ساعت متجوزت وكل ده اتغير مبقتش حسه اني واثقه في نفسي زي زمان ولا بنفس الجمال بتاع زمان ..
شغلي مبقتش بحس اني شاطره فيه غير ان بقي عندي قيود كتير في الشغل ..
مش واثقه في اللي جاي وخايفه دايما من المستقبل كتير بفكر في اني انهي حياتي بقيت حساسه بشكل اوفر عمري مكنت كده..

المشكله ان محدش من اللي حواليا حاسس بيا ومينفعش احكي لان الكل بيشوف الكلام ده رفاهيه ودلع ..

غير كده بحس كل واحد في اللي مكفيه ربنا يعين الجميع .ف مفيش داعي اقرف حد بمشاكلي اللي انا اصلا مش عارفه اوصفها ازاي.

Orange_75054 🇪🇬 · Answer

طيب ايه اللي خلاكي تتغيري كدا

Peanut_75647 🇪🇬 · Answer

دة بيحصل للاسف لما يكون عندك روتين كل يوم بتعملي نفس الحجات.. هتبدأي تهملي نفسك مش جسديا لا نفسياا وهتلاقي الدنيا عندك مش كويسة مع مرور الوقت هتكتشفي دة.. ودة بسبب قلة التغير… معرفش اذا جوزك الانسان اللي اتمنتيه ولا لا.. بس لو هو الانسان اللي كان نفسك تتجوزيه يبقي لازم تحبي نفسك اكثر وتهتمي بصحتك النفسية وتحاولي تكسري الروتين.. يمكن انتي بتمري بمشاكل كثير مع جوزك ويمكن مش حاسة بمشاعر نحيته ويمكن.

Peanut_75647 🇪🇬 · Answer

ويمكن في حجات كثيرة تانية مش حاكية عنها.. ايه طبيعة المشاكل عندك؟ تقدري تحكي عادي .. بمكن تطلعي شوية من جواكي وترتاحي حتي لو ملقتيش الحل المناسب بس علي الاقل تكوني اتكلمتي

Chilli_76873 🇪🇬 · Answer

انتى محتاجه للى يكون جنبك ومعاكى ويسمعك عشان تخرجى كل الدوشه والزحمه إلى شاغله دماغك ومخلياكى تايهه