فقدت الشغف وبحس بالفشل والتأخير لوحدي

Q: عندي مشكله في وشي وثقتي في نفسي ضعيفه - إزاي أتغير؟

وانا صغير عملت حادثه سابتلي علامه جنب عيني كان كله بيلاحظها وكان بيحصلي تنمر فالمدرسه بسببها وكنت بفكر زيك لحد ما كبرت وكان عندي فرصه اعمل عمليه تجميل واخفيها خالص بس لما فكرت قررت ان احب نفسي زي ما هي وان ممكن تكون العلامه دي هي الي بتميزني عن كل الي حوليا وصدقني لما قررت اعمل وبدات اصدقه كأن الناس مبقتش شيفاها اصلا الخلاصه لو وثقت فنفسك واتعاملت وصدقت انها عيوبك ممكن تكون ميزه الناس كمان هتصدق

Q: طالب ثانوي فاقد الشغف ومخنوق من المذاكرة

ك فترات، حرفيا الحياة عبارة عن فترات، عشان كدا لما بتبص على نفسك القديمة بتقول ايه دا انا ليه كنت شايل هم اوي كدا وليه ازمتها على نفسي وهي مش مستاهله، مع انو وقتها انت بجد كنت حاسس انها مستاهله كل الزعل دا، بس هي كدا الدنيا بنكبر ونتعلم، اجتهد الين م توصل وشد حيلك الين م توصل لمرحلة انك راضي عن نفسك مش عن درجاتك، لسا قدامك حاجات كتير صعبة تمر فيها لو فضلت كدا ف كل مرحلة حتبقى حياتك تقيله اوي وصعبة

Q: حاسا ان كل حاجه ماشيه غلط ومعدش قادر بجد

حاسا اني مبعملش اي حاجه ليها لازمه بجد يعني في الدراسه مراكمه كتير وفي التمرين الحاجه اللي بحبها وببذل كل جهدي فيها مستوايا مش احسن حاجه فيه رغم كدا ودا مدايقني جدا وعلاقتي بأصحابي م احسن حاجه مشً متخاصمين بس مبنتكلمش كتير وعلاقتي مع اهلي عاديه بس مش قريبين اوي من بعض وانا واخواتي مش قريبين خالص من بعض ممكن يعدي يوم كامل منتكلمش يعني الواحد معدش قادر بجد والامتحانات قربت والواحد طبعا مطلوب منو يلم المتراكم وطبعا هوا مفيش شغف بجنيه أصلا انو يعمل حاجه كل حاجه ماشيه غلط حتي الحاجه اللي بحبها حًرفيا

Question

فقدت الشغف وبقيت بحس بالفشل والتأخير 
المشكلة ان مسئولة من نفسي كلياً ووحدى بمعنى الكلمة حتى وانا وسط الناس
وبلاقي سخريه كتير اوى انى ضعيفه في الانجليزي ومش قادرة اذاكر لوحدي كل شوية الاقي استهزاء من اقرب الناس ومش عارفه حتى ابقي في شغل احسن بسبب اللغة #الانجليزي

Cherry_21481 🇪🇬 · Accepted Answer

متاخديش بكلام حد عشان مفيش حد فيهم هينفعك عمتاً ف اتعودى تسمعي وخلاص ومتحطيش ف دماغك ورجعي شغفك من تاني وانجحي ووريهم انك تقدري ع اي حاجه ونجاحك ده الرد المناسب ع ال زيهم فاهمة ومشكلتك ف الانجلش دي تقدرى تحليها عادي خدي كورسات أو فيديوهات من ع اليوتيوب وحطي ف دماغك انك عايزة تنجحي وتبقي كويسة ف الانجلش وردي ع كلامهم بنجاحك

Watermelon_21166 🇪🇬 · Answer

متهتميش لحد حاولي تحسني الانجليزي بتاعك ولازم تتاكدي ان مش لوحدك عندك المشكله دي وان فيه كتير غير وبما انك مسؤله عن نفسك حاولي تسندي نفسك بنفسك وتدعمي نفسك متستنيش حد يدعمك علشان مفيش حد هيعمل كده ويكون صادق معاكي زي نفسك تقبلي عيوبك واظهري مميزاتك اي كانت ايه المهم تكوني واثقه من نفسك اوي ومحدش يهز الثقه دي علشان تقدري تتعايشي مع المجتمع المتوحش دا وخليكي قويه علشان محدش يهزك او يجرحك بسهوله

Banana_21697 🇪🇬 · Answer

المشكلة ان الكسرة من اهلي 😔

Banana_21697 🇪🇬 · Answer

كنت بعمل كدا بس بقالي فترة بقيت حسه ان محتاجة ارتاح معملش اي حاجة ولا اسمع حد ولا اخد رد فعل

Cherry_21481 🇪🇬 · Answer

متخليش فقدان الشغف يسيطر عليكي عشان انتٍ ال هتندمي ف الآخر قومي وشوفي مستقبلك ومتخليش حد يشمت فيكي قولي ل نفسك انك قدها وهتقدرى تعدي كل حاجه لوحدك