عندي مشكله في وشي وثقتي في نفسي ضعيفه - إزاي أتغير؟

Question

انا واحد عندي مشكله في وشي الناس كلها شيفاها بسيطه بس انا شايفها مشكله كبيره و عملالي مشكله في ثقتي في نفسي مبعرفش اثق في نفسي و ديما بعمل fake account ب صور تانيه عشان اقدر احس ان الناس بتحبني حتي امي ديما بتحسسني اني مش حلو او مش مقبول المفروض اني اكسب ثقه في نفسي ازاي بحس ديما اني فاشل يعني بقيت مهندس و لسه حاسس اني فاشل و مش عارف اشتغل و وزني زاد جدا و فقدت الشغف اني الاقي شغل او ارتبط

Pineapple_31949 🇪🇬 · Accepted Answer

وانا صغير عملت حادثه سابتلي علامه جنب عيني كان كله بيلاحظها وكان بيحصلي تنمر فالمدرسه بسببها وكنت بفكر زيك لحد ما كبرت وكان عندي فرصه اعمل عمليه تجميل واخفيها خالص بس لما فكرت قررت ان احب نفسي زي ما هي وان ممكن تكون العلامه دي هي الي بتميزني عن كل الي حوليا وصدقني لما قررت اعمل وبدات اصدقه كأن الناس مبقتش شيفاها اصلا 
الخلاصه لو وثقت فنفسك واتعاملت وصدقت انها عيوبك ممكن تكون ميزه الناس كمان هتصدق

Biscuit_29747 🇪🇬 · Answer

صلي على الحبيب في قلبك ❤️

Chilli_31943 🇪🇬 · Answer

عليه الصلاه و السلام

Chilli_31943 🇪🇬 · Answer

انا اسف ممكن توضح اكتر بعد كلمه خالص

Coffee_31951 🇩🇿 · Answer

الله سبحانه كل ما خلقه جميل، ولم يخلق اي شيء عبثا.. ربي أكرمك بالعقل واحاطك بنعم كثيرة لا تعد ولا تحصى. 🥺
أنت جدا مميز وجميل وناجح اللهم بارك وتستاهل كل شي حلو لا تفكر بسلبية تجاه تفسك، المفروض نحن نكونو الداعمين لأنفسنا مش العكس.
لا يهمك بنظرة الآخرين ليك هما في كل الاحوال ما رح يرضون ورح يلاقولك عيب ونقص، اصلنا كلنا بينا عيوب بس عادي مفيش احد كامل

Coffee_29561 🇪🇬 · Answer

ع فكرا الجمال مش جمال الشكل ابدا مش لازم يكون شكلك جميل عشان تتحب الجمال جمال الروح الشكل دا بيدفن تحت التراب والروح هي اللي بتفضل بتطلع للي خالقها ف حرفيا الل يبياخد بموضوع الشكل دا بتاع مظاهر وانصحك تبعد عنو زي م الناس شايفها بسيطه انت كمان شوفها كدا وسيبك من اي حد يحاول بس انو يقلل ثقتك في نفسك حب نفسك كدا وخدها ع انها حاجه مميزه وفوق ل مستقبلك وحياتك متخسرهاش عشان شويه كلام ملهومش لازمه

Pineapple_31949 🇪🇬 · Answer

الي اقصده انك تحب نفسك زي ما هي ولما تتعامل مع الناس اوعى تفكر ان فيك حاجه مختلفه عنهم ده الي هيخليهم يركزو فالحاجه دي خليك دايما واثق فنفسك وانسى الي انتا سايفه عيب فشكلك بل بالعكس فكر نفسك ان دي ممكن تكون علامه ربنا ميزك بيها لو امنت بده الناس مش هتاخد بالها حتى ان فيك حاجه مختلفه 
انتا الي بتلفت انتباهم للحاجه دي لما بيشوفو فعينك قله ثقتك فنفسك